2015 jylǵy 18 naýryz, Astana qalasy
Eńbek qaýipsizdigi jáne eńbekti qorǵaý salasynda aqparat usyný jáne memlekettik statıstıka júrgizý qaǵıdalaryn bekitý týraly
Qazaqstan Respýblıkasynyń 2007 jylǵy 15 mamyrdaǵy Eńbek kodeksiniń 16-babynyń 25) tarmaqshasyna sáıkes buıyramyn:
1. Qosa berilip otyrǵan Eńbek qaýipsizdigi jáne eńbekti qorǵaý salasynda aqparat usyný jáne memlekettik statıstıka júrgizý qaǵıdalary bekitilsin.
2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Eńbek jáne áleýmettik áriptestik departamenti zańnamada belgilengen tártippen:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde ony merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi;
3) osy buıryqty Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsyna ornalastyrýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıse-mınıstri D.R. Arǵyndyqovqa júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Mınıstr T.DÚISENOVA
KELISILDI
Qazaqstan Respýblıkasynyń Ulttyq ekonomıka mınıstri
________________ E.DOSAEV
2015 jylǵy 1 sáýir
Qazaqstan Respýblıkasy Densaýlyq saqtaý jáne áleýmettik
damý mınıstriniń 2015 jylǵy 18 naýryzdaǵy №145 buıryǵymen bekitilgen
Eńbek qaýipsizdigi jáne eńbekti qorǵaý salasynda aqparat usyný jáne
memlekettik statıstıka júrgizý qaǵıdalary
1. Jalpy erejeler
1. Osy Eńbek qaýipsizdigi jáne eńbekti qorǵaý salasynda aqparat usyný jáne memlekettik statıstıka júrgizý qaǵıdalary (budan ári –Qaǵıdalar) Qazaqstan Respýblıkasynyń 2007 jylǵy 15 mamyrdaǵy Eńbek kodeksiniń 16-babynyń 25) tarmaqshasyna jáne «Memlekettik statıstıka týraly» 2010 jylǵy 19 naýryzdaǵy Qazaqstan Respýblıkasynyń Zańyna sáıkes ázirlendi.
2. Qaǵıdalar eńbek qaýipsizdigi jáne eńbekti qorǵaý salasynda aqparat usyný jáne memlekettik statıstıka júrgizý tártibin aıqyndaıdy.
3. Eńbek qaýipsizdigi jáne eńbekti qorǵaý salasynda memlekettik statıstıka júrgizý «Memlekettik statıstıka týraly» Qazaqstan Respýblıkasynyń Zańyna jáne ózge de normatıvtik quqyqtyq aktilerge sáıkes júzege asyrylady.
4. Osy Qaǵıdalarda mynadaı uǵymdar paıdalanylady:
bastapqy qujattama – óndiriste jazataıym oqıǵalar týyndaǵan kezde jumys berýshi jasaıtyn qujattar;
bastapqy statıstıkalyq derekter – statıstıkalyq nysandardan alynǵan nemese tirkelgen derekter;
eńbek qaýipsizdigi jáne eńbekti qorǵaý salasyndaǵy derekter banki – bastapqy qujattamadan alynatyn, eńbek jónindegi ýákiletti memlekettik organnyń jáne eńbek ınspeksııasy jónindegi jergilikti organnyń fýnksııalaryn iske asyrýǵa baılanysty týyndaıtyn málimetter jıyntyǵy;
jalpymemlekettik statıstıkalyq baıqaý – memlekettik statıstıka salasyndaǵy ýákiletti organ júrgizetin statıstıkalyq baıqaý.
2. Eńbek qaýipsizdigi jáne eńbekti qorǵaý salasynda aqparat usyný jáne
memlekettik statıstıka júrgizý tártibi
5. Eńbek qaýipsizdigi jáne eńbekti qorǵaý salasyndaǵy aqparatty jeke jáne zańdy tulǵalar bastapqy qujattamanyń negizinde eńbek ınspeksııasy jónindegi jergilikti organdarǵa usynady. Eńbek qaýipsizdigi jáne eńbekti qorǵaý salasyndaǵy aqparatty eńbek ınspeksııasy jónindegi jergilikti organdar júıeleıdi jáne Qazaqstan Respýblıkasy Densaýlyq saqtaý jáne áleýmettik damý mınıstrligine (budan ári – Mınıstrlik) beredi.
6. Eńbek ınspeksııasy jónindegi jergilikti organdar óńirler boıynsha usynǵan aqparat negizinde jıyntyq derekterdi qalyptastyrý jáne statıstıka júrgizý maqsatynda Mınıstrlik derekter bankin qurady.
7. Eńbek qaýipsizdigi jáne eńbekti qorǵaý salasyndaǵy jaraqattylyq jáne kásiptik aýrý jóninde bastapqy statıstıkalyq derekterdi zańdy tulǵalar statıstıkalyq jumystar josparyna sáıkes statıstıkalyq aqparatty qalyptastyrý úshin Qazaqstan Respýblıkasy Ulttyq ekonomıka mınıstrligi Statıstıka komıtetiniń aýmaqtyq organdaryna beredi.
8. Eńbek qaýipsizdigi jáne eńbekti qorǵaý salasynda memlekettik statıstıka júrgizý «Memlekettik statıstıka týraly» 2010 jylǵy 19 naýryzdaǵy Qazaqstan Respýblıkasynyń Zańyna jáne statıstıkalyq jumystardyń josparyna sáıkes júzege asyrylady.
Buıryq Qazaqstan Respýblıkasynyń Ádilet mınıstrliginde 2015 jylǵy 29 sáýirdegi Normatıvtik quqyqtyq kesimderdi memlekettik tirkeýdiń tizilimine №10844 bolyp engizildi.