2015 jylǵy 27 aqpan, Astana qalasy
Janýarlar dúnıesi obektilerin, olardyń bólikteri men derıvattaryn paıdalanýǵa shekteýler men tyıym salýdy belgileý qaǵıdalaryn bekitý týraly
«Janýarlar dúnıesin qorǵaý, ósimin molaıtý jáne paıdalaný týraly» Qazaqstan Respýblıkasynyń 2004 jylǵy 9 shildedegi Zańynyń 9-babynyń 1-tarmaǵynyń 49) tarmaqshasyna sáıkes buıyramyn:
1. Qosa berilip otyrǵan Janýarlar dúnıesi obektilerin, olardyń bólikteri men derıvattaryn paıdalanýǵa shekteýler men tyıym salýdy belgileý qaǵıdalary bekitilsin.
2. Qazaqstan Respýblıkasy Aýyl sharýashylyǵy mınıstrliginiń Orman sharýashylyǵy jáne janýarlar dúnıesi komıteti zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on kúntizbelik kún ishinde onyń kóshirmesiniń merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin;
3) osy buıryqtyń Qazaqstan Respýblıkasy Aýyl sharýashylyǵy mınıstrliginiń ınternet-resýrsynda ornalastyrylýyn qamtamasyz etsin.
3. Osy buıryq alǵash resmı jarııalanǵan kúninen keıin on kúntizbelik kún ótken soń qoldanysqa engiziledi.
Qazaqstan Respýblıkasy Aýyl sharýashylyǵy mınıstriniń mindetin atqarýshy S.OMAROV
«KELISILGEN»
Qazaqstan Respýblıkasy Energetıka mınıstri ____________ V.Shkolnık
2015 jylǵy 27 naýryz
Qazaqstan Respýblıkasy Aýyl sharýashylyǵy mınıstriniń mindetin atqarýshysynyń
2015 jylǵy 27 aqpandaǵy №18-03/159 buıryǵymen bekitilgen
Janýarlar dúnıesi obektilerin, olardyń bólikteri men
derıvattaryn paıdalanýǵa shekteýler men tyıym salýdy belgileý qaǵıdalary
1. Jalpy erejeler
1. Osy Janýarlar dúnıesi obektilerin, olardyń bólikteri men derıvattaryn paıdalanýǵa shekteýler men tyıym salýdy belgileý qaǵıdalary «Janýarlar dúnıesin qorǵaý, ósimin molaıtý jáne paıdalaný týraly» Qazaqstan Respýblıkasynyń 2004 jylǵy 9 shildedegi Zańynyń 9-baby 1-tarmaǵynyń 49) tarmaqshasyna sáıkes ázirlendi jáne janýarlar dúnıesi obektilerin, olardyń bólikteri men derıvattaryn paıdalanýǵa shekteýler men tyıym salýdy belgileý (budan ári – shekteýler men tyıym salý) tártibin aıqyndaıdy.
2. Shekteýler men tyıym salý janýarlar dúnıesiniń obektilerin saqtaý jáne ósimin molaıtý maqsatynda belgilenedi.
3. Janýarlar dúnıesiniń obektilerin saqtaý maqsatynda shekteýler men tyıym salý olardyń mekendeý aımaqtarynyń (taralý oblystarynyń) geografııalyq, klımattyq erekshelikteri eskerile otyryp belgilenedi.
4. Shekteýler men tyıym salý:
1) aýmaqtylyǵy boıynsha: Qazaqstan Respýblıkasynyń búkil aýmaǵynda, óńiraralyq, basseındik deńgeıde, jekelegen aýmaqtyq birlikterdiń nemese olardyń bir bólikteriniń ákimshilik shekaralarynda, sondaı-aq jekelegen ańshylyq alqaptarda, sý aıdyndarda jáne (nemese) ýchaskelerinde;
2) merzimi boıynsha: turaqty túrde (qoldanylý merzimderi kórsetilmeı) ne belgili bir merzimderge;
3) janýarlar dúnıesi obektilerin, olardyń bólikteri men derıvattaryn oljalaý ádisterin, tásilderin jáne quraldaryn qoldaný boıynsha;
4) janýarlardyń jekelegen túrlerin nemese toptaryn, olardyń belgili bir taralamdaryn alý normalaryn shekteý jáne ózgertý qajettigi týyndaǵan kezde janýarlardyń túrleri boıynsha ne jynysy nemese jasy boıynsha;
5) janýarlar dúnıesin obektilerin, olardyń bólikteri men derıvattaryn paıdalanýshylar sanyn shekteý boıynsha belgilenedi.
2. Shekteýler men tyıym salýdy belgileý tártibi
5. Janýarlar dúnıesin qorǵaý, ósimin molaıtý jáne paıdalaný salasyndaǵy ýákiletti organnyń vedomstvosy (budan ári – vedomstvo) tıisti bıýdjettik baǵdarlamalar sheńberinde ázirlengen bıologııalyq negizdemeler túrinde nemese quramynda mamandandyrylǵan ǵylymı uıymdar bergen janýarlardyń belgili bir túrlerine arnalǵan shekteýler men tyıym salý boıynsha usynystardyń túsýine qaraı shekteýler men tyıym salý belgileý, sondaı-aq olardy túzetý qajettiligin qaraıdy.
6. Vedomstvo janýarlar dúnıesiniń obektilerin saqtaýǵa, sondaı-aq olardyń mekendeý jáne kóbeıý jaǵdaılaryn jaqsartýǵa baǵyttalǵan shekteýler men tyıym salý boıynsha usynystardy eskeredi.
7. Qorshaǵan ortany qorǵaý salasyndaǵy ýákiletti organ bıologııalyq negizdemeniń memlekettik ekologııalyq saraptamasyn júrgizedi.
8. Shekteýler men tyıym salýdy belgileý, sondaı-aq olardy túzetý qajet bolǵan jaǵdaıda vedomstvo bıologııalyq negizdemelerge jáne memlekettik ekologııalyq saraptamanyń nátıjelerine sáıkes janýarlar dúnıesi obektilerin, olardyń bólikteri men derıvattaryn paıdalanýǵa shekteýler men tyıym salý engizý týraly sheshim qabyldaıdy, olardy paıdalaný oryndary men merzimderin belgileıdi.
9. Belgilengen shekteýler men tyıym salýdyń oryndalýyn baqylaýdy vedomstvo men onyń aýmaqtyq bólimsheleri júzege asyrady.
Buıryq Qazaqstan Respýblıkasynyń Ádilet mınıstrliginde 2015 jylǵy 29 sáýirdegi Normatıvtik quqyqtyq kesimderdi memlekettik tirkeýdiń tizilimine №10845 bolyp engizildi.