QOSTANAI. 21 sáýir. Qostanaıda kásipker, «Ivolgo-holdıng» jaýapkershiligi shekteýli seriktestiginiń dırektory, olıgarh Vasılıı Rozınovtyń jeke shotyna jáne Qazaqstannan tys jerge shyǵýyna tyıym salyndy. Bul týraly ng.kz-ge silteme jasaǵan egemen.kz tilshisi habarlady.
Qostanaı qalalyq soty «Ivolga-holdıng» kompanııasynan Eýrazııalyq banktiń paıdasyna 3000 myń dollar óndirýge úkim shyǵarǵannan keıin Vasılıı Rozınovtyń jeke shoty men óziniń syrtqa shyǵýyna tyıym salyndy. 2014 jyly kompanııa Eýrazııalyq bankten 80 mıllıon dollar zaem alady, biraq negizgi qaryzdy ýaqytysynda tólemeıdi. Qyrkúıek aıynda onyń kólemi 50 mıllıon dollar, ústemesi 7 mıllıon dollardy qurady. Onyń syrtynda turaqsyzdyq aıyby 27 mıllıon dollar, shyǵyndy ornyna keltirý 26 mıllıon dollardan asyp tústi. Munymen qosa sottyń ózine tóleıtin baj salyǵy taǵy bar.
Qaryzǵa belshesinen batyp, bankrot bolyp jatqan «Ivolga-Holdıng» 2015 jyly Reseıdegi eń iri latıfýndıst sanaldy. Onyń ıeliginde 550 000 gektar jer boldy. «Ivolganyń» 2010 jylǵy qýańshylyqtan keıin sharýasy shaıqala bastady, ol qazaqstandyq bıznesin reseılik bıznes esebinen qarjylandyrýǵa májbúr boldy. Alaıda, bul nátıje bergen joq, jurdaı qylyp, taqyrǵa otyrǵyzdy. Vasılıı Rozınov qazaqstandyq eń yqpaldy kásipkerlerdiń biri boldy. Forbes jýrnalynyń málimetinshe, ol 2015 jyly baılyǵy jóninen 41 oryn aldy. 2015 jyly onyń baılyǵy 329 mıllıon dollar bolyp eseptelgen.
Názıra Járimbetova.
Derek, foto: ng.kz.