Aqtaýda qonǵaly kele jatqan áýe kemesiniń ushqyshynyń kózine lazer sáýlesi túsirilgen
Aqtaý halyqaralyq áýejaıyna qonǵaly jatqan «Eır Astana» kompanııasyna tıesili KS-313 ushaǵynda kútpegen oqıǵa boldy. Ol jasyl tústi lazerlik sáýlemen kóziniń tumshalanǵanyn habarlaǵan.
– Ushqyshtyń aıtýynsha, áýejaı syrtyndaǵy daladan túsirilgen lazerdiń áser etý kúshi óte joǵary bolǵan. Bul qaýipti áreket. О́ıtkeni, ondaı jaǵdaıda adam aınalasyn birneshe sekýndqa deıin baǵdarlaı almaı qalady. Ushaqtyń qoný, ushý sátinde bul sekýndtar óte mańyzdy. Soǵan oraı, biz áýejaı aımaǵyndaǵy turǵyndardyń jaqsylap oılanýyn suraımyz, – deıdi «Aqtaý halyqaralyq áýejaıy» AQ atqarýshy dırektory Erǵazy Joldasov.
Onyń aıtýynsha, mundaı jaǵdaı Aqtaý áýejaıynda osymen ekinshi ret qaıtalanyp tur eken. Alǵashqy oqıǵada da «Eır Astana» kompanııasynyń ushaǵyna lazer sáýlesi túskendikten, áýejaı basshylyǵy polısııaǵa aryz jazǵanmen, buzaqylardy tabý múmkin bolmaǵan.
Tentekterdiń «ermegi» orasan apatqa uryndyryp júrmesine kim kepil? Sondyqtan, qaýipsizdik úshin áýejaı mańynda keń aýqymdy sharalar qajet-aq.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy