2016 jylǵy 14 sáýir, Astana, Úkimet Úıi
Áleýmettik medısınalyq saqtandyrý qorynyń aktıvterin ınvestısııalaý úshin qarjylyq quraldardyń tizbesin aıqyndaý týraly
«Mindetti áleýmettik medısınalyq saqtandyrý týraly» 2015 jylǵy 16 qarashadaǵy Qazaqstan Respýblıkasy Zańynyń 10-babynyń 3) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan áleýmettik medısınalyq saqtandyrý qorynyń aktıvterin ınvestısııalaý úshin qarjylyq qúraldardyń tizbesi aıqyndalsyn.
2. Osy qaýly alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV
Qazaqstan Respýblıkasy Úkimetiniń 2016 jylǵy 14 sáýirdegi
№210 qaýlysyna qosymsha
Áleýmettik medısınalyq saqtandyrý qorynyń aktıvterin ınvestısııalaý úshin qarjylyq quraldardyń tizbesi
R/s
№ Qarjylyq quraldyń túri
1 2
1. Qazaqstan Respýblıkasynyń jergilikti atqarýshy organdary shyǵarǵan baǵaly qaǵazdardy qospaǵanda, Qazaqstan Respýblıkasynyń memlekettik baǵaly qaǵazdary (basqa memleketterdiń zańnamasyna sáıkes aınalysqa shyǵarylǵandardy qosa alǵanda), Qazaqstan Respýblıkasynyń ulttyq Bankindegi korrespondenttik shottardaǵy aqsha
2. Qazaqstan Respýblıkasynyń Ulttyq Bankindegi depozıtter
3. Qarjylyq quraldyń nemese emıtenttiń kredıttik reıtıngi Standard & Poor’s boıynsha «A-»-dan tómen emes nemese Fitch, Moody’s Investors Service reıtıngine teń halyqaralyq qarjy uıymdarynyń oblıgasııalary
4. Agenttik oblıgasııalar, onyń ishinde ulttyq basqarýshy holdıngter shyǵarǵan, qarjylyq quraldyń nemese emıtenttiń kredıttik reıtıngi Standard & Poor’s boıynsha Qazaqstan Respýblıkasynyń táýelsiz reıtınginen tómen emes nemese Fitch, Moody’s Investors Service reıtıngine teń
5. Qarjylyq quraldyń nemese emıtenttiń reıtıngi Standard & Poor’s boıynsha «VV-»-dan tómen emes nemese Fitch, Moody’s Investors Service reıtıngine teń agenttik oblıgasııalar, korporatıvtik oblıgasııalar
6. Keri REPO mámileleri