2015 jylǵy 26 naýryz, Astana qalasy
Aqyly avtomobıl jolymen (jol ýchaskesimen) júrip ótý úshin aqy alý qaǵıdalaryn bekitý týraly
«Avtomobıl joldary týraly» 2001 jylǵy 17 shildedegi Qazaqstan Respýblıkasy Zańynyń 5-baby 3-tarmaǵyna sáıkes buıyramyn:
1. Qosa berilip otyrǵan Aqyly avtomobıl jolymen (jol ýchaskesimen) júrip ótý úshin aqy alý qaǵıdalary bekitilsin.
2. Qazaqstan Respýblıkasy Investısııalar jáne damý mınıstrliginiń Avtomobıl joldary komıteti (M.Q.Pishembaev):
1) osy buıryqty zańnamada belgilengen tártipte Qazaqstan Respýblıkasy Ádilet mınıstrliginde memlekettik tirkeýdi;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmelerin merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi;
3) osy buıryqtyń Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrýdy;
4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde osy buıryqtyń 2-tarmaǵynyń 1), 2) jáne 3) tarmaqshalary kózdelgen is-sharalardyń oryndalýy týraly málimetterdi Qazaqstan Respýblıkasy Investısııalar jáne damý mınıstrliginiń Zań departamentine usynýdy qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse-mınıstrine júktelsin.
4. Osy buıryq onyń alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Investısııalar jáne damý
mınıstriniń mindetin atqarýshy J.QASYMBEK
«KELISILDI»
Qazaqstan Respýblıkasynyń Qarjy mınıstri
__________B.SULTANOV
2015 jylǵy 15 sáýir
«KELISILDI»
Qazaqstan Respýblıkasynyń Ishki ister mınıstri
__________ Q.QASYMOV
2015 jylǵy 2 sáýir
Qazaqstan Respýblıkasy Investısııalar jáne damý mınıstri mindetin atqarýshynyń
2015 jylǵy 26 naýryzdaǵy №318 buıryǵymen bekitilgen
Aqyly avtomobıl jolymen (jol ýchaskesimen) júrip ótý úshin aqy alý qaǵıdalary
1. Jalpy erejeler
1. Osy Aqyly avtomobıl jolymen (jol ýchaskesimen) júrip ótý úshin aqy alý qaǵıdalary (budan ári – Qaǵıdalar) «Avtomobıl joldary týraly» 2001 jylǵy 17 shildedegi Qazaqstan Respýblıkasy Zańynyń (budan ári – Zań)
5-babyna sáıkes ázirlendi jáne jalpy paıdalanymdaǵy halyqaralyq jáne respýblıkalyq mańyzy bar aqyly avtomobıl jolymen (jol ýchaskesimen) júrip ótý úshin aqy alý tártibin aıqyndaıdy.
2. Osy Qaǵıdalarda mynadaı negizgi uǵymdar paıdalanylady:
1) aqyly júrýdi uıymdastyrýshy – Avtomobıl joldaryn basqarý jónindegi ulttyq operator nemese konsessıoner;
2) aqyly júrýdi uıymdastyrý – qazirgi zamanǵy aqy tóleý tásilderin, avtokólik quraldarynyń gabarıtterin, salmaǵyn aıqyndaıtyn tehnıkalyq quraldardy paıdalaný arqyly jalpy paıdalanymdaǵy halyqaralyq jáne respýblıkalyq mańyzy bar aqyly avtomobıl joldary (jol ýchaskeleri) boıynsha júrip ótý úshin aqy alý prosesi;
3) aqy alý pýnkti – jalpy paıdalanymdaǵy halyqaralyq jáne respýblıkalyq mańyzy bar aqyly avtomobıl joldarynda (jol ýchaskelerinde) ornalasqan, avtokólik quraldaryn baqylaý men birdeılendirýge múmkindik beretin tehnıkalyq quraldarmen jabdyqtalǵan jáne onda avtomobıl joldaryn paıdalanýshylar júrip ótý úshin aqy tóleýdi júzege asyratyn ótkizý pýnkti;
4) POS-termınal – júrip ótý úshin aqy tóleý retinde avtomatty rejımde qolma-qol aqsha qabyldaýdy nemese tólem kartochkalaryn paıdalaný arqyly qolma-qol jasalmaıtyn tólemderdi qabyldaýdy júzege asyratyn elektrondyq-mehanıkalyq qurylǵy;
5) aralyq shep – avtokólik quraldaryn, onyń ishinde aqy alý pýnktterin aınalyp ótip jalpy paıdalanymdaǵy halyqaralyq jáne respýblıkalyq mańyzy bar aqyly avtomobıl jolyna (jol ýchaskesine) shyqqan avtokólik quraldaryn birdeılendirýge jáne esebin júrgizýge múmkindik beretin, jalpy paıdalanymdaǵy halyqaralyq jáne respýblıkalyq mańyzy bar aqyly avtomobıl joldarynyń (jol ýchaskeleriniń) boıynda ornalasqan tehnıkalyq quraldar;
6) qashyqtyqtan aqy tóleýge arnalǵan quraldar – tehnıkalyq qurylǵy, ony paıdalaný kezinde avtokólik quraly aqy alý pýnkti arqyly júrip ótken kezde jalpy paıdalanymdaǵy halyqaralyq jáne respýblıkalyq mańyzy bar aqyly avtomobıl joly (jol ýchaskesi) boıynsha júrip ótý úshin aqy avtomatty túrde júzege asyrylady;
7) avtomobıl joldaryn paıdalanýshylar – jol qozǵalysyna qatysýshylar bolyp tabylatyn nemese avtomobıl joldaryna bólingen beldeý men jol boıyndaǵy beldeý sheginde ózge de qyzmetti júzege asyratyn jeke jáne zańdy tulǵalar.
Osy Qaǵıdalarda paıdalanylatyn ózge de uǵymdar men anyqtamalar Qazaqstan Respýblıkasynyń zańnamasyna sáıkes qoldanylady.
2. Aqyly avtomobıl joldarymen (jol ýchaskelerimen) júrip ótý úshin aqy alý tártibi
3. Avtokólik quraldarynyń aqyly júrip ótýin uıymdastyrý jalpy paıdalanymdaǵy halyqaralyq jáne respýblıkalyq mańyzy bar aqyly avtomobıl joldaryna (jol ýchaskelerine) ótý men shyǵý joldarynda ornalasqan aqy alý pýnktterinde júzege asyrylady.
4. Jalpy paıdalanymdaǵy halyqaralyq jáne respýblıkalyq mańyzy bar aqyly avtomobıl jolymen (jol ýchaskesimen) júrip ótý avtomobıl jolyn paıdalanýshynyń Ulttyq operatormen nemese konsessıonermen jasasqan sharty negizinde júzege asyrylady. Jalpy paıdalanymdaǵy halyqaralyq jáne respýblıkalyq mańyzy bar aqyly avtomobıl jolyna (jol ýchaskesine) kirý pýnktin kesip ótken kez shartty jasasý kezi bolyp tabylady. Ulttyq operator nemese konsessıoner men aqyly avtomobıl joldaryn (jol ýchaskelerin) paıdalanýshylar arasyndaǵy jalpy paıdalanymdaǵy halyqaralyq jáne respýblıkalyq mańyzy bar aqyly avtomobıl joldaryn (jol ýchaskelerin) paıdalanýǵa arnalǵan shart jarııa shart bolyp tabylady.
5. Avtomobıl joldaryn paıdalanýshylardan júrip ótý úshin aqy «Avtomobıl joldary týraly» 2001 jylǵy 17 shildedegi Qazaqstan Respýblıkasynyń Zańynyń 5-babyna sáıkes Qazaqstan Respýblıkasynyń avtomobıl joldary jónindegi ýákiletti memlekettik organy bekitken jalpy paıdalanymdaǵy halyqaralyq jáne respýblıkalyq mańyzy bar aqyly avtomobıl joldary (jol ýchaskeleri) boıynsha júrip ótý úshin aqy alý stavkasy boıynsha alynady.
6. Jalpy paıdalanymdaǵy halyqaralyq jáne respýblıkalyq mańyzy bar aqyly avtomobıl joly (jol ýchaskesi) boıynsha avtokólik quraldarynyń júrip ótý úshin aqy Qazaqstan Respýblıkasynyń ulttyq valıýtasynda júrgiziledi.
7. Jalpy paıdalanymdaǵy halyqaralyq jáne respýblıkalyq mańyzy bar aqyly júrýdi uıymdastyrýshy aqyly avtomobıl joldaryn (jol ýchaskelerin) paıdalanýshylar úshin júrip ótý úshin aqy tóleýdiń mynadaı tásilderin qamtamasyz etedi:
1) aqy tóleý júrgizgenin rastaıtyn qujat pen artyq aqshany qaıtaryp berý arqyly POS-termınalǵa qolma-qol aqshamen;
2) POS-termınal arqyly tólem kartochkasynan qolma-qol jasalmaıtyn tólem arqyly;
3) qashyqtyqtan aqy tóleýge arnalǵan quraldardyń kómegimen aldyn ala aqy tóleý.
8. Aqyly júrýdi uıymdastyrýshy jalpy paıdalanymdaǵy halyqaralyq jáne respýblıkalyq mańyzy bar aqyly avtomobıl jolyna (jol ýchaskesine) shyǵý aldynda aqyly avtomobıl jolyna (jol ýchaskesine) shyǵý týraly aqparattyq tablo ornatady. Aqparattyq tabloda sondaı-aq mynadaı aqparat ornalastyrylady:
1) aqyly avtomobıl joldarymen (jol ýchaskelerimen) júrip ótý úshin aqy stavkalary;
2) ýchaskeniń uzyndyǵy;
3) júrip ótý úshin aqy tóleýdiń yqtımal tásilderi;
4) aqyly joldardy (jol ýchaskelerin) paıdalanǵany úshin aqy tóleýden bosatylǵan avtomobıl joldaryn paıdalanýshylardyń tizbesi;
5) basqa da paıdaly aqparat.
9. Aqyly júrýdi uıymdastyrýshynyń aqy alý pýnktterinde óz ókilderi bar, olar jalpy paıdalanymdaǵy halyqaralyq jáne respýblıkalyq mańyzy bar aqyly avtomobıl joldarymen (jol ýchaskelerimen) júrip ótý men aqy tóleý tártibine qatysty paıdalanýshylarǵa týyndaǵan suraqtar boıynsha túsinikteme beredi.
10. Jalpy paıdalanymdaǵy halyqaralyq jáne respýblıkalyq mańyzy bar aqyly avtomobıl joldarymen (jol ýchaskelerimen) avtokólik quraldarynyń aqyly júrip ótýin uıymdastyrýdy aqyly júrýdi uıymdastyrýshy aqy alý pýnktinde jol keptelisteri qalyptaspaıtyndaı qamtamasyz etedi.
11. Jalpy paıdalanymdaǵy halyqaralyq jáne respýblıkalyq mańyzy bar aqyly avtomobıl joldarymen (jol ýchaskelerimen) júrip ótý úshin qashyqtyqtan aqy tóleýge arnalǵan quraldardyń kómegimen aqy tóleý úshin aqyly avtomobıl joldaryn (jol ýchaskelerin) paıdalanýshylar júrmesten buryn aldyn ala qashyqtyqtan aqy tóleýge arnalǵan quraldy ol satylatyn jerlerde satyp alady jáne ony osy quraldarǵa qosa berilgen nusqamaǵa sáıkes paıdalanady.
12. Eger aqy alý pýnkti arqyly júrip ótken kezde avtomobıl jolyn paıdalanýshynyń jalpy paıdalanymdaǵy halyqaralyq jáne respýblıkalyq mańyzy bar aqyly avtomobıl jolymen (jol ýchaskesimen) júrip ótý úshin aqy tóleýdi júzege asyrý múmkindigi bolmasa, aqy tóleý úshin shotty aqyly júrýdi uıymdastyrýshy avtokólik quralynyń ıesine avtokólik quralynyń tirkelgen mekenjaıy boıynsha jiberedi jáne derekter qupııa aqparat bolyp tabylady.
Aqyly júrýdi uıymdastyrýshy Qazaqstan Respýblıkasynyń zańnamasynda kózdelgen jaǵdaılardy qospaǵanda, oǵan úshinshi tulǵalardyń qol jetimdiligin shekteıdi. Derekter aqyly júrýdi uıymdastyrýshynyń serverlik jabdyǵynda jınaqtalady jáne bir jyl boıy saqtalady.
13. Aqy alý pýnkti jáne/nemese aralyq shep arqyly júrip ótken kezde aqyly júrýdi uıymdastyrýshy birdeılendirý tehnıkalyq jabdyq arqyly avtokólik quraldary týraly derekterdi jınaýdy jáne tirkeýdi júzege asyrady.
Mundaı derekter avtokólik quralynyń tirkeý nómirlik belgisin, júrip ótý kúni men ýaqytyn bekitetin avtokólik quraldarynyń beınesýreti bolyp tabylady.
14. Eger avtokólik quraly aqy alý pýnktin aınalyp ótip jalpy paıdalanymdaǵy halyqaralyq jáne respýblıkalyq mańyzy bar aqyly avtomobıl jolyna (jol ýchaskesine) ótken bolsa, mundaı kólik quraly týraly derekter aralyq shepterde belgilenip, aqy mólsherin aıqyndaý úshin jáne avtokólik quralynyń keıinnen jalpy paıdalanymdaǵy halyqaralyq jáne respýblıkalyq mańyzy bar aqyly avtomobıl joly (jol ýchaskesi) arqyly shyǵýy kezinde aqy alý úshin aqy alý pýnktiniń jabdyǵyna jiberiledi.
15. Avtokólik quraly aqy alý pýnktin aınalyp ótip jalpy paıdalanymdaǵy halyqaralyq jáne respýblıkalyq mańyzy bar aqyly avtomobıl jolynan (jol ýchaskesinen) shyǵyp ketken jaǵdaıda júrip ótý úshin aqy osy Qaǵıdalardyń 11-tarmaǵynda belgilengen tártippen avtokólik quralynyń ıesinen alynady.
16. Avtokólik quraly jalpy paıdalanymdaǵy halyqaralyq jáne respýblıkalyq mańyzy bar aqyly avtomobıl joldarymen (jol ýchaskelerimen) basqa avtokólik quralyn súırep júrip ótken jaǵdaıda aqy kólik quraldarynyń eki birliginen de alynady.
17. Jalpy paıdalanymdaǵy halyqaralyq jáne respýblıkalyq mańyzy bar aqyly avtomobıl joldaryn (jol ýchaskelerin), onyń ishinde konsessııaǵa berilgen aqyly avtomobıl joldaryn (jol ýchaskelerin) paıdalanǵany úshin aqy tóleýden:
1) qyzmettik mindetterin oryndaǵan kezde:
jedel medısınalyq járdem uıymdarynyń;
órtke qarsy qyzmettiń;
avarııalyq-qutqarý qyzmetteriniń;
jol-patrýl qyzmetiniń;
áskerı tehnıkanyń arnaýly avtokólik quraldary bosatylady;
2) qala mańyndaǵy qatynastarda jáne jalpy paıdalanymdaǵy halyqaralyq jáne respýblıkalyq mańyzy bar aqyly avtomobıl jolyna (jol ýchaskelerine) irgeles eldi mekenderdi: kentterdi, aýyldardy aýdan nemese oblys ortalyqtarymen, astanamen nemese respýblıkalyq mańyzy bar qalalarmen qosatyn qatynastarda jolaýshylar men bagajdy turaqty tasymaldaýdy júzege asyratyn avtobýstar;
jalpy paıdalanymdaǵy halyqaralyq jáne respýblıkalyq mańyzy bar aqyly avtomobıl jolyna (jol ýchaskesine) irgeles aýdandardyń atalǵan ákimshilik-aýmaqtyq birlik aýmaǵynda belgilengen tártippen tirkelgen avtobýstary bir aýdan sheginde júrip-turý úshin;
júk avtokólik quraldary, ózdiginen júretin dońǵalaqty aýyl sharýashylyq, melıorasııalyq mashınalar taıaý kólikke arnalǵan aıryqtary arasyndaǵy jol kesindileri sheginde sý tosqaýyldary men temir joldardy kesip ótý úshin;
jalpy paıdalanymdaǵy halyqaralyq jáne respýblıkalyq mańyzy bar aqyly avtomobıl jolyna (jol ýchaskesine) irgeles aýdandardyń jeke zańdy tulǵalarynyń atalǵan ákimshilik-aýmaqtyq birlik aýmaǵynda belgilengen tártippen tirkelgen jeńil avtomobılderdi bir aýdan sheginde júrip-turý úshin bosatylady.
Buıryq Qazaqstan Respýblıkasynyń Ádilet mınıstrliginde 2015 jylǵy 22 mamyrdaǵy Normatıvtik quqyqtyq kesimderdi memlekettik tirkeýdiń tizilimine №11128 bolyp engizildi.