2015 jylǵy 27 aqpan, Astana qalasy
Memlekettik orman qory ýchaskelerinde súrekti túbirimen
bosatý qaǵıdalaryn bekitý týraly
Qazaqstan Respýblıkasy 2003 jylǵy 8 shildedegi Orman kodeksiniń 13-baby 1-tarmaǵynyń 18-20) tarmaqshasyna sáıkes buıyramyn:
1. Qosa berilip otyrǵan Memlekettik orman qory ýchaskelerinde súrekti túbirimen bosatý qaǵıdalary bekitilsin.
2. Qazaqstan Respýblıkasy Aýyl sharýashylyǵy mınıstrliginiń Orman sharýashylyǵy jáne janýarlar dúnıesi komıteti zańnamada belgilengen tártippen:
1) osy buıryqtyń Qazaqstan Respýblıkasynyń Ádilet mınıstrliginde memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesin merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin;
3) osy buıryqty Qazaqstan Respýblıkasy Aýyl sharýashylyǵy mınıstrliginiń ınternet-resýrsynda ornalastyrýdy qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasy Aýyl sharýashylyǵy vıse-mınıstrine júktelsin.
4. Osy buıryq onyń alǵash resmı jarııalanǵan kúninen keıin kúntizbelik on kún ótken soń qoldanysqa engiziledi.
Mınıstrdiń mindetin atqarýshy S.OMAROV
Qazaqstan Respýblıkasy Aýyl sharýashylyǵy mınıstriniń mindetin atqarýshynyń
2015 jylǵy 27 aqpandaǵy № 18-02/178 buıryǵymen bekitilgen
Memlekettik orman qory ýchaskelerinde súrekti túbirimen bosatý qaǵıdalary
1. Jalpy erejeler
1. Osy Memlekettik orman qory ýchaskelerinde súrekti túbirimen bosatý qaǵıdalary (budan ári – Qaǵıdalar) Qazaqstan Respýblıkasynyń 2003 jylǵy 8 shildedegi Orman kodeksiniń (budan ári – Kodeks) 13-babynyń 1-tarmaǵynyń 18-20) tarmaqshasyna sáıkes ázirlendi memlekettik orman qory ýchaskelerinde súrekti túbirimen bosatý tártibin belgileıdi.
2. Memlekettik orman qoryna kiretin, biraq temir joldardyń, avtomobıl joldarynyń, kanaldardyń, magıstraldy qubyrlardyń jáne osy obektilerdi qolaısyz tabıǵat qubylystarynan qorǵaýǵa, qorshaǵan ortanyń lastanýyn boldyrmaýǵa, shý áserin azaıtýǵa arnalǵan basqa da jelilik qurylystardyń beldeýlerinde ornalasqan orman ekpeleri úshin osy Qaǵıdalar ózderiniń qorǵanysh fýnksııalaryn jáne olardy paıdalanýdyń belgilengen tártibin oryndaý úshin osy ekpelerdiń maqsaty eskerile otyryp qoldanylady.
3. Shekaralyq aımaqtarda ornalasqan memlekettik orman qory ýchaskelerinde súrekti túbirimen bosatý kezinde osy Qaǵıdalar Kodekstiń 83-babyna sáıkes aıqyndalǵan memlekettik orman qory ýchaskelerin paıdalanýdyń erekshelikteri eskerile otyryp qoldanylady.
4. Uzaq merzimdi orman paıdalanýǵa berilgen memlekettik orman qory ýchaskelerinde basty maqsatta paıdalaný úshin aǵash kesý, aralyq maqsatta paıdalaný úshin aǵash kesý jáne ózge de maqsattarda aǵash kesý tártibimen súrek bosatý Kodekstiń 13-baby 1-tarmaǵynyń 18-20) tarmaqshasyna sáıkes bekitilgen osy Qaǵıdalar men Memlekettik orman qory ýchaskelerinde aǵash kesý qaǵıdalary boıynsha júzege asyrylady.
5. Memlekettik tabıǵı qoryqtar, memlekettik ulttyq tabıǵı parkter ormandarynda jáne basqa erekshe qorǵalatyn tabıǵı aýmaqtarda osy Qaǵıdalar Kodekstiń 92-babyna sáıkes osy aýmaqtardyń rejımine, orman sharýashylyǵyn júrgizý jáne ormandardy paıdalaný tártibine qaıshy kelmeıtin bóliginde qoldanylady.
6. Basty maqsatta paıdalaný úshin aǵash kesý kezinde súrekti túbirimen bosatý tolysqan jáne qýraǵan ekpelerde júzege asyrylady, bul oraıda birinshi kezekte, aǵash kesýdiń josparyna qaramastan, ózderiniń jaı-kúıine qaraı (órt, jel, jaýyn-shashyn, orman zııankesteri, lastaıtyn zattardyń qaldyqtary (tastandylary), basqa da qolaısyz áser etýler saldarynan búlingen) kesý talap etiletin ekpelerdi, ótken jyldardan kesilmeı qalǵan aǵashty, sóli alynǵan súrekdińderdi kesý belgilenedi.
7. Aralyq maqsatta paıdalaný úshin aǵash kesý kezinde súrekti túbirimen bosatý ormandy kútip-baptaý maqsatynda aǵash kesý (sıreksitý, tazartý, sıretý, ótpelik kesý), sanıtarııalyq maqsatta iriktep aǵash kesý, qaıta jańartý úshin aǵash kesý jáne qundylyǵy az súrekdińderdi kesýge baılanysty ózge de aǵash kesýler, sondaı-aq qorǵanyshtyq, sýdan qorǵaý jáne basqa fýnksııalaryn joǵalta bastaǵan ekpelerdi kesý, jas shoǵyrlardaǵy jekelegen aǵashtardy kesý kezinde júzege asyrylady.
8. Basqa da maqsattarda aǵash kesý kezinde súrekti túbirimen bosatý úı jáne qurylys salý, sý toraptarynyń (cý qoımalarymen toltyrylatyn aımaqtardy qosa alǵanda), qubyrlar, joldar, baılanys jáne elektr berý jelilerin salý jáne paıdalaný úshin orman jerlerin tazartý júrgizgen, paıdaly qazbalardy óndirý kezinde jáne orman jerlerin orman emes jerlerge belgilengen tártippen kóshirýge baılanysty ózge de jaǵdaılarda, sondaı-aq orman soqpaǵyn salý órtke qarsy or qazý, orman ósirý, órtke qarsy, orman-melıoratıvtik jáne basqa orman sharýashylyq jumystaryn júrgizý, sanıtarııalyq maqsatta jappaı aǵash kesý, joıylýǵa tıis qoqystardy jınaý kezinde júzege asyrylady.
9. Ýaqytsha aǵash tuqymy ýchaskeleri retinde bólingen ekpelerdi orman súrekti aǵashtarynyń tuqymdaryn daıyndaý maqsatynda bitik shyqqan jyldarda ǵana kesýge jol beriledi. Uzaq merzimdi orman paıdalanýǵa berilgen memlekettik orman qory ýchaskelerinde ýaqytsha aǵash tuqymy ýchaskelerin bólý shartta kózdelgen jaǵdaılarda júrgiziledi.
10. Cúpek daıyndaý, memlekettik orman qory ýchaskelerin paıdalaný merzimine qaramastan, aǵash kesý bıletteri boıynsha ǵana ruqsat etiledi.
11. Esepke alýdyń barlyq túrleri kezinde bosatylýǵa tıis súrek mólsheri tyǵyz tekshe metrlermen aıqyndalady. Sekseýil súregin bosatý kezinde massany esepke alýdy tonnamen júrgizýge ruqsat etiledi.
12. Orman resýrstaryn daıyndalǵan ónim mólsheri boıynsha bosatý kezinde mynadaı ólshem birlikteri qoldanylady:
1) dekalıtrler – súrek sólderi úshin;
2) tyǵyz tekshe metrler – syptalǵan jáne bórene kúıindegi aǵash materıaldary úshin;
3) jınap qoıý tekshe metrleri – kesý qaldyqtary, shópshek, butalyq jem, qylqan japyraqtylar tabandary úshin;
4) tonnalar – shaıyr, qabyq úshin;
5) dana – shybyqtar men shópshekterden, tal shybyǵynan, sondaı-aq jańa jyldyq shyrshalardan jasalǵan usaq suryptar úshin.
13. Túbirimen bosatylatyn súrek úshin tólemaqy somasyn esepteý jáne tóleý tártibi «Salyq jáne bıýdjetke tólenetin basqa da mindetti tólemder týraly (Salyq kodeksi)» Qazaqstan Respýblıkasynyń 2008 jylǵy 10 jeltoqsandaǵy Kodeksiniń 507-babyna sáıkes aıqyndalady.
14. Súrek bosatý kezinde orman paıdalanýshylarǵa Kodekstiń 38-babynda kózdelgen talaptardan basqa mynadaı talaptar qoıylady:
1) aǵash kesý jáne jol boıyn tazalaý, orman qoımalaryn ornalastyrý, qurylystar salý kezinde memlekettik orman qory ýchaskelerin lastaýǵa, sondaı-aq kesilgen kúıi salbyrap qalǵan aǵashtardy jáne úıindilerdi qaldyrýǵa jol bermeý;
2) qar joq kezeńde aǵashtardy kesý men kesindi qaldyqtarynan alańdy tazartý arasyndaǵy alshaqtyqtyń 15 kúnnen asýyna jol bermeı, kespeaǵash aımaǵyn tazalaý, sondaı-aq ormanda órt qaýpi bar kezeń bastalǵanǵa deıin qysqy kespeaǵash aımaǵyn tazalaý;
3) ózender men jylǵalardyń arnasyn aǵyzý, sondaı-aq aǵash súıretý jáne aǵash tasý joly retinde paıdalanbaý;
4) súrekti áketken jáne ózge júkterdi tasymaldaǵan kezde joldardy, kópirlerdi jáne orman soqpaǵyn, sondaı-aq qurǵatý toraptaryn, jol, gıdro-melıoratıvtik jáne basqa qurylystardy, sýaǵarlardy, jylǵalardy, ózenderdi saqtaý jáne olar buzylǵan jaǵdaıda óz esebinen tıisti jaı-kúıine keltirý;
5) tuqymdyq, artyqshylyǵy bar jáne basqa da kesilýge jatpaıtyn aǵashtardyń, óskinderdiń kespeaǵash aımaǵyna irgeles jatqan árbir jaǵynan alǵandaǵy eni 50 metr beldeýlerdegi ekpelerdiń saqtalýyn, sondaı-aq orman ornalastyrý jáne orman sharýashylyǵy belgileriniń, aǵashtar men túbirlerdegi japsyrmalardyń bútindigin qamtamasyz etý.
2. Memlekettik orman qory ýchaskelerinde súrekti túbirimen bosatý tártibi
15. Memlekettik orman qory ýchaskelerinde súrekti túbirimen bosatýdyń jyl saıynǵy mólsherine Kodekstiń 93-babynyń 2-tarmaǵyna sáıkes orman ornalastyrý jobalaryna, aǵash kesý josparlaryna, qurylys obektileri úshin orman alańdaryn tazalaý jónindegi jobalarǵa, jappaı sanıtarııalyq aǵash kesýdi júrgizýge arnalǵan ruqsattarǵa sáıkes belgilengen basty maqsatta paıdalaný úshin (kespeaǵash qory), aralyq maqsatta paıdalaný úshin aǵash kesýdiń, ózge de maqsattarda aǵash kesýlerdiń jyl saıynǵy kólemi kiredi.
16. Memlekettik orman ıelenýshiler uzaq merzimdi orman paıdalanýǵa quqyǵy bar orman paıdalanýshylardyń ótinimderi negizinde, olarǵa aralyq maqsatta paıdalaný úshin aǵash kesý men ózge de aǵash kesýge arnalǵan ózderiniń ótinimderin engize otyryp, ósip turǵan súrekti jyl saıyn bosatýǵa jıyntyq materıaldar qalyptastyrady.
17. Súrekti túbirimen bosatý memlekettik orman ıelenýshiler orman ornalastyrý jobasyna, aǵash kesý josparyna sáıkes, sondaı-aq kespeaǵash aımaǵy aǵash kecýge túsýden bir jyl buryn jergilikti halyqtyń otyndyq aǵashqa degen qajetterin eskere otyryp ázirleıtin kespeǵash aımaǵyn bólip berý men mólsherleý materıaldarynyń negizinde júzege asyrylady.
Kespeǵash aımaǵyn bólip berý men mólsherleýdi memlekettik orman ıelenýshiler Kodekstiń 13-baby 1-tarmaǵynyń 18-41) tarmaqshasyna sáıkes bekitilgen Memlekettik orman qory ýchaskelerinde kespeaǵashtardy bólip berý men mólsherleý qaǵıdalaryna sáıkes júrgizedi.
18. Cúpekti túbirimen bosatý merzimi kespeaǵash aǵash kesýge belgilengen jyldyń 1 qańtarynan bastap 31 jeltoqsanyna deıin, al tasyp áketý merzimi - kelesi jyldyń 1 mamyryna deıin belgilenedi.
19. Súpekti túbirimen bosatý kezinde kesýge belgilengen aǵashtardyń alańy men sanyn eskere otyryp súrekti tasyp áketý ony daıyndaýmen bir mezgilde júzege asyrylady.
Súrekti túbirimen bosatý kezinde daıyndalǵan súrektiń sanyn eskere otyryp ony aǵash kesý bıletinde kórsetilgen ýaqytsha orman qoımalaryna tasý júzege asyrylady. Osy súrekti tasyp áketý daıyndalǵan súrektiń mólsheri kýálandyrylǵannan keıin júrgiziledi.
О́rtter zaqymdaǵan ekpelerde, sondaı-aq daýyldar men jel sulatqan aǵashtardy jınaý esebinen daıyndalǵan súrektiń mólsherin eskere otyryp súrek bosatý bosatý kezinde ony tasyp áketý osy súrekti esepke alý uıymdastyrylǵan jaǵdaıda ǵana júzege asyrylady.
Eger súrek temir joldar men tas joldar boıyndaǵy qoımalarǵa, óńdeýge arnalǵan qondyrǵylar men qurylǵylarǵa, sondaı-aq memlekettik orman ıelenýshimen kelisilgen jáne aǵash kesý bıletterinde kórsetilgen oryndarda ornalastyrylǵan jyl boıy jumys isteıtin aǵash tasý joldarynyń boıyndaǵy aralyq qoımalarǵa tasyp ákelinse, ol aǵash kesilgen jerden tasyp áketilgen bolyp esepteledi.
20. Sý toraptaryn, qubyr jelilerin, joldar, baılanys jáne elektr berý jelilerin salýǵa, karerler arshý men paıdaly qazbalar óndirýge baılanysty tazartylýǵa tıis alańdarda, sondaı-aq orman alańdaryn ormansyz jerlerge aýystyrýǵa baılanysty aǵash kesýdiń ózge de jaǵdaılarynda cúpek bosatý jobalaý qujattamasynda osy jumystardy atqarý úshin belgilengen merzimderde júrgiziledi. Aǵash kesý bıletteri bul oraıda jyl boıy aǵymdaǵy jylda ıgerý kózdelgen súrek mólsherine jazylady.
Buıryq Qazaqstan Respýblıkasynyń Ádilet mınıstrliginde 2015 jylǵy 10 sáýirdegi Normatıvtik quqyqtyq kesimderdi memlekettik tirkeýdiń tizilimine № 10679 bolyp engizildi.