Qazaqstan Respýblıkasy Aýyl sharýashylyǵy mınıstrliginiń buıryǵy №18-03/118

1. Qosa berilip otyrǵan Zoologııalyq kolleksııalar jınaý men memlekettik esepke alý qaǵıdasy bekitilsin.

2. Qazaqstan Respýblıkasy Aýyl sharýashylyǵy mınıstrliginiń Orman sharýashylyǵy jáne janýarlar dúnıesi komıteti zańnamada belgilengen tártippen: 1) Qazaqstan Respýblıkasynyń Ádilet mınıstrliginde osy buıryqtyń memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesin merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin; 3) osy buıryqty Qazaqstan Respýblıkasy Aýyl sharýashylyǵy mınıstrliginiń ınternet-resýrsynda ornalas­tyrýyn qamtamasyz etsin.

3. Osy buıryqtyń oryndalýyn baqylaý jetekshilik etetin Qazaqstan Respýblıkasy Aýyl sharýashylyǵy vıse-mınıstrine júktelsin.

4. Osy buıryq alǵashqy resmı jarııalanǵan kúninen keıin kúntizbelik jıyrma bir kún ótken soń qoldanysqa engiziledi. Qazaqstan Respýblıkasy Aýyl sharýashylyǵy mınıstri A.MAMYTBEKOV «KELISILGEN» Qazaqstan Respýblıkasy Investısııalar jáne damý mınıstri ___________ Á. Isekeshev 2015 jylǵy 30 naýryz «KELISILGEN» Qazaqstan Respýblıkasy Ulttyq ekonomıka mınıstri ___________ E. Dosaev 2015 jylǵy 1 sáýir Qazaqstan Respýblıkasy Aýyl sharýashylyǵy mınıstriniń 2015 jylǵy 20 aqpandaǵy № 18-03/118 buıryǵymen bekitilgen Zoologııalyq kolleksııalar jınaý men memlekettik esepke alý qaǵıdalaryn bekitý týraly 1. Jalpy erejeler 1. Osy Zoologııalyq kolleksııalar jınaý men memlekettik esepke alý qaǵıdasy (budan ári – Qaǵıda) Qazaqstan Respýblıkasynyń 2004 jylǵy 9 shildedegi «Janýarlar dúnıesin qorǵaý, ósimin molaıtý jáne paıdalaný týraly» Zańynyń 9-baby 1-tarmaǵynyń 64) tarmaqshasyna sáıkes ázirlendi jáne zoologııalyq kolleksııalar jınaý men memlekettik esepke alý tártibin aıqyndaıdy. 2. Zoologııalyq kolleksııalarǵa janýarlar dúnıesi obektileri tulyptarynyń, jumyrtqalarynyń, krıokonservilengen jynys kletkalarynyń, preparattary men bólikteriniń, onyń ishinde haıýanattar parkteri, zoobaqtar, sırkter, zoologııalyq pıtomnıkter, akvarıýmder, okeanarıýmder jabaıy janýarlarynyń ǵylymı, mádenı-aǵartýshylyq, oqý-tárbıelik jáne estetıkalyq qundylyǵy bar jınaǵy jatady. 2. Zoologııalyq kolleksııalar jınaý tártibi 3. Zoologııalyq kolleksııalar jınaý janýarlar dúnıesi obektilerin aýlaý, olardy jınaý, satyp alý, aıyrbastaý, syıǵa tartý, Qazaqstan Respýblıkasynyń zań aktilerimen tyıym salynbaǵan basqa da tásildermen alý arqyly júrgiziledi. 4. Qazaqstan Respýblıkasynyń jeke jáne zańdy tulǵalarynyń zoologııalyq kolleksııalar jınaý men olardy tolyqtyrýy úshin Qazaqstan Respýblıkasynyń Qyzyl kitabyna engizilgen janýarlar dúnıesiniń obektilerin aýlaýǵa jáne jınaýǵa Qazaqstan Respýblıkasy Úkimetiniń sheshimi boıynsha erekshe jaǵdaılarda júzege asyrylady. 5. Qazaqstan Respýblıkasynyń Qyzyl kitabyna engizilgenderden basqa, janýarlar dúnıesi obektilerin Qazaqstan Respýblıkasy jeke jáne zańdy tulǵalarynyń zoologııalyq kolleksılar jınaý men olardy tolyqtyrý úshin janýarlar dúnıesin qorǵaý, ósimin molaıtý jáne paıdalaný salasyndaǵy ýákiletti organ bergen ruqsattyń negizinde júzege asyrylady. 3. Zoologııalyq kolleksııalardy memlekettik esepke alýdy uıymdastyrý tártibi 6. Zoologııalyq kolleksııalardy memlekettik esepke alý osy qaǵıdanyń qosymshasyndaǵy nysanǵa sáıkes olardy janýarlar dúnıesin qorǵaý, ósimin molaıtý jáne paıdalaný salasyndaǵy ýákiletti organnyń vedomstvosymen zoologııalyq kolleksııalardyń tizilimine engizýi jolymen júzege asyrylady. 7. Zoologııalyq kolleksııanyń ıesi ony memlekettik esepke qoıý maqsatynda qyzmetterdi júzege asyrý bastalǵanǵa deıin keminde on jumys kúni ishinde «Habarlamalar nysandaryn jáne Memlekettik organdardyń habarlamalardy qabyldaý qaǵıdalaryn bekitý týraly, sondaı-aq habarlamalardy qabyldaýdy júzege asyratyn memlekettik organdardy aıqyndaý týraly» 2015 jylǵy 6 qańtardaǵy № 4 Qazaqstan Respýblıkasy Ulttyq ekonomıka mınıstriniń buıryǵyna sáıkes mekeme ýákiletti organdy habardar etedi (normatıvtik quqyqtyq aktilerin memlekettik tirkeý tiziminde № 10194 tirkelgen). 8. Mekeme ýákiletti organ zoologııalyq kolleksııa ıesiniń habarlamasyna sáıkes ony tizilimge engizedi. 9. Mekeme ýákiletti organ zoologııalyq kolleksııa ıesiniń onyń jaı-kúıi jáne kolleksııalyq eksponattardyń aınalymy týraly aqparatty jyldan keıingi 20 naýryzdan keshiktirmeı beretin jyl saıynǵy esebiniń negizinde tizilimge engizilgen zoologııalyq kolleksııalar eksponattary aınalymynyń esebin júrgizedi. Zoologııalyq kolleksııalar jınaý men memlekettik esepke alý qaǵıdasyna qosymsha Nysan Memlekettik esepke alynǵan zoologııalyq kolleksııalar tizilimi 1. Memlekettik tirkeý nómiri. 2. Tirkelgen kúni. 3. Kolleksııanyń ataýy. 4. Iesi. 5. Iesiniń meken-jaıy jáne kolleksııa ornalasqan jerdiń meken-jaıy. 6. Menshik nysany (memlekettik uıymdar úshin vedomstvolyq baǵynystylyǵy). 7. Kolleksııanyń maqsaty (ǵylymı, mádenı-aǵartýshylyq, oqý-tárbıelik jáne basqalar). 8. Kolleksııanyń negizi qalanǵan jyl. 9. Kolleksııanyń sıpattamasy (tiri organızmder, tulyptar, jumyrtqalar, qurǵaq jáne ylǵaldy preparattar jáne basqalar). 10. Biregeı obektilerdiń bolýy (Qyzyl kitapqa engizilgen tıpter, paratıpter, túrler). 11. Kolleksııa quramyndaǵy ózgerister (aınalymy). 12. Kolleksııany saqtaý (ustaý) sharttary. 13. Kolleksııanyń qaıta tirkelgeni týraly belgi. Buıryq Qazaqstan Respýblıkasynyń Ádilet mınıstrliginde 2015 jylǵy 5 mamyrda Normatıvtik quqyqtyq kesimderdi memlekettik tirkeýdiń tizilimine №10935 bolyp engizildi.