Astanada qalalyq ádilet departamenti bastyǵynyń mindetin atqarýshy para aldy degen kúdikpen ustaldy. Beısenbi kúni jemqorlyqqa qarsy kúres ulttyq bıýrosynyń habarlaýynsha, muny ol notarıaldyq qyzmet jasaýǵa ruqsat berý barysynda alǵan.
Habarlamada qalalyq ádilet departamenti bastyǵynyń mindetin atqarýshy A.Raqyshevtiń departament bólim basshysy M.Qusaıynovpen jáne qala notarıaldyq palatasynyń tóraǵasy J. Arystanovpen qylmystyq kelisimge kele otyryp, jeke tulǵaǵa notarıaldyq is-áreketti júzege asyrýǵa ruqsat etetin lısenzııa berý úshin odan 8 myń dollar para alǵany atap kórsetilgen.
Qazirgi tańda atalǵan sheneýnik ýaqytsha ustaý oqshaýlaǵyshynda otyr. Sotqa deıingi tergeý amaldary bastalyp ketti.
Murat AITQOJA