Shymkenttik kásipker Gadjı Gadjıev myqtylyǵy sol, Brazılııadan jupar ıisti dándi Ońtústiktiń jerine jersindirip, daıyn ónim alyp jatyr. Onyń oıyn júzege asyrýǵa «Bıznestiń jol kartasy-2020» baǵdarlamasy kómektesti. О́simi 14 paıyz nesıeniń jartysyn memleket moınyna aldy. Bıznesmen 30 mln. teńgege satyp alynǵan qondyrǵy kofeniń «Arabıka» dep atalatyn túrin daıyndaıdy.
Bastapqyda kásipker biraz shyǵynǵa ushyraǵan. О́ıtkeni, dándi qyzdyrǵanda qajetti ystyqtan asyp ketse kúıip ketedi. Hosh ıisi buzylady. Qazir óndiristik kooperatıvtiń músheleri kofe qýyrýǵa mamandanyp aldy. Kúnige 500 kıloǵa deıin daıyn ónim alady. Mysaly, kofeni Italııadan nemese basqa jaqtan ákelip, ony óńdep jasap shyqqansha, qansha ýaqyt ketedi. Oǵan aradaǵy tasymalyn qosyńyz.
– Al biz shıkizatty tikeleı osy jerde óńdep jatyrmyz. Sondyqtan tolyqtaı Qazaqstanda óńdelgen ónim dep aıtýǵa bolady. Taǵy bir artyqshylyǵy, qapqa oralǵan soń tutynýshynyń qolyna jetkiziledi. Onyń baǵasy da qarapaıym halyqtyń qaltasyna tıimdi bolady dep oılaımyn, – deıdi óndiristik kooperatıv tóraǵasy Gadjı Gadjıev.
Keleshekte kooperatıv óz ónimin kórshi elderge de eksportqa shyǵarmaqshy.
Baqtııar TAIJAN,
«Egemen Qazaqstan»
Ońtústik Qazaqstan oblysy