ASTANA. 23 sáýir. Shymkent qalasynda bokstan Astana Arlans klýby men Caciques Venezuela komandanyń arasynda Búkilálemdik boks serııasynyń shırek fınaldyq kezdesýi ótti. Bul týraly egemen.kz tilshisi habarlady.
Kezdesýde alań ıeleri venesýelalyq klýbty 4:1 esebimen jeńdi. Sharshy alańda Astana Arlans sapynda Muhametjan Erkinnen basqalarynyń bári qarsylastaryn utty. 49 kılo salmaqta Jomart Erjan Anhelıno Kordovony tize búktirdi. Bul kezdesýde tóreshiler alań ıesine úsh raýndta 50 upaıdan berdi. Al onyń qarsylasy 42, 43, 44 upaı ǵana jınady. Sóıtip, jekpe-jek 3:0 esebimen Jomarttyń paıdasyna sheshildi.
Ekinshi kezdesýde Nurbol Qaljanov (56 kg) Gektor Garsııany 2:1 esebimen utty. Birinshi raýnd 47:48, ekinshi raýnd 50:45, úshinshisi 50:45 esebimen aıaqtaldy. Kelesi 64 kılo salmaqta Samat Bashenov Lýısv Arkonadan da 2:1 (48:47, 45:50, 49:46) esebimen basym tústi. 75 kıloda Ábilhan Amanqul men Iohannyń arasynda ótken jekpe-jekte otandasymyz 3:0 (49:46, 49:46, 49:46) esebimen aıqyn basymdyqpen jeńdi. Eń sońǵy kezdesýde 91 kılo salmaqta Muhametjan Erkin Deıvıs Hýlıodan utylyp qaldy.. Onda esep 3:0 (49:46, 45:50, 47:48) bolyp aıaqtaldy.
Dastan Kenjalın.
Derek, foto: egemen.kz