«О́rmekshi adam» – Almatyda

Esentai Tower ǵımaratyna bir saǵatta órmelep shyqty Senbi kúni Esentaı ózeniniń boıyna salynǵan Almatydaǵy eń bıik Esentai Tower ǵımaratynyń aınalasyna halyq óte kóp jınaldy. Úsh kún buryn ǵana jýrnalıstermen baspasóz máslıhatyn ótkizgen – álemge «О́rmekshi adam» aty­men jaqsy tanys, esimi Gın­nes­tiń rekordtar kitabyna engen fransýz Alen Rober halyq­tyń kóz aldynda shynydan quıyl­ǵan bıiktigi 168 metr bolatyn ǵıma­ratqa órmelep shyǵatyny týraly jarııa etken... Sondyqtan da shyǵar, bálkim, ózine qansha senimdi bolǵanyna qaramastan 53 jastaǵy fransýz sportshysy Almatyda alpınıstik quraldardy paıdalandy. Atap aıtqanda, ol órmeleıtin jolaqqa Alenniń qaýipsizdigi úshin jerden úıdiń tóbesine deıin temir arqan tartyldy. Al Alen Rober bolsa, qaýip­sizdik beldeýin alǵashynda kóz qyryn da salmastan, joǵary qaraı órmeleı jóneldi. Myń­daǵan almatylyqtar men qala qonaq­tarynyń kóz aldynda bir saǵattyń ishinde, ara-arasynda tynystap alyp, tipti, kóz ushyndaǵy kórermendermen qaıta-qaıta selfı jasaı otyryp, dittegin jerine jetti. Alen Rober aldaǵy ýaqytta Qytaı, Ulybrıtanııa jáne Fran­sııa memleket­terindegi eń bı­ik ǵımaratty baǵyndyrmaq oı­da. Buǵan deıin ol dúnıejúzi elderindegi barlyǵy 70-ke jý­yq bıik ǵımaratqa órmelep shyq­qan. Olardyń ishinde IBM bas ǵımaraty, Hilton, Framatome, Kýala-Lýmpýrdaǵy Petronas mu­narasy, Barselonadaǵy Torre agbar, Məskeýdegi MMÝ ǵımaraty bar. Al Dýbaıdaǵy 828 metrlik «Býrdj Halıfa» ǵımaratyna Alen 6 saǵatta shyqqan. Aıta keteıik, ol shyny qa­byrǵamen qazirgi zamanda álem­ge asa tanymal bolǵan qy­taı­lyq Huawei aqparattyq-kom­mý­nıkasııalyq tehnologııaǵa beıim­delgen kompanııasynyń sport­tyq kıimin kıip alyp ór­meledi. Kom­panııa týyn ǵı­ma­rattyń tóbesine jelbiretip tigip ketti... Talǵat SÚIINBAI, «Egemen Qazaqstan» ALMATY