QOSTANAI. 28 sáýir. Qostanaıdaǵy «Kazgıdromet» ortalyǵy oblystyq fılıalynyń mamandary aldaǵy táýlikterde óńirinde qar aralas jańbyr jaýatynyn boljap otyr. Bul týraly egemen.kz tilshisi habarlady.
Sınoptıkter Qostanaı oblysynda aldaǵy úsh táýlik ishinde 3 gradýsqa deıin kún sýytyp, 28-29 sáýir kúnderi qar aralas jańbyr jaýatynyn aıtty.
«Kazgıdromet» kásiporny oblystyq fılıalynyń ınjener-sınoptıgi Valentına Zagrebına: «Oblys óńirinde 27 sáýirdiń túninde 3 gradýsqa deıin sýyq bolǵan edi. Aýa raıynyń osy minezi aldaǵy táýlikte de ózgermeıdi. Túnde 3 gradýs sýyq bolady da, kúndiz 3-8 gradýsqa deıin jylıdy. Qar aralas jańbyr kútip otyrmyz», – dedi.
Mamannyń aıtýynsha, 30 sáýir men 1 mamyr kúnderi kún jylı túsedi, túnde synap baǵanasy 0-den 5 gradýsqa deıin kóterilse, kúndiz 17, keı jerlerde 23 gradýsqa deıin barady.
Názıra Járimbetova.
Derek, foto: egemen.kz.