Qyzylorda oblysynda Bilim jáne ǵylym mınıstri Baqytjan Jumaǵulov arnaıy issaparmen boldy. «Biter istiń basyna, jaqsy keler qasyna» deıdi qazaq. Sol aıtpaqshy, Bilim jáne ǵylym mınıstri Qyzylorda qalasynyń irgesinde ornalasqan Qaraýyltóbe aýylynyń oqýshylary men muǵalimderiniń qýanyshyna ortaqtasty. Sebebi, atalǵan aýylda 250 oryndyq jańa mekteptiń qurylysy aıaqtalyp, paıdalanýǵa berilgeli turǵan. Sóıtip, mınıstr jańa mekteptiń lentasyn qıdy.
A.Hangeldın atyndaǵy mektepti ashýǵa kelgen oblys basshysy Bolatbek Qýandyqov munyń bári Elbasy N.Nazarbaevtyń syndarly saıasatynyń, jas urpaqqa qamqorlyǵynyń arqasynda iske asyp jatqan sharýa ekenin basa aıtty. Al Bilim jáne ǵylym mınıstri mektepte júrgen bolashaq aqyn, ákim, mınıstrlerdi jigerlendirip, el keleshegi úshin bilimdi urpaqtyń altynnan da qymbat ekenin basa kórsetip, jan-jaqty bilim alýǵa shaqyrdy.
Búginde Qyzylorda oblysynda 170 balabaqsha, 123 mektep janyndaǵy shaǵyn ortalyq jumys isteıdi. Eger atalǵan sandardy 2009 jylmen salystyrsaq, onda mektepke deıin bilim beretin mekemelerdiń 110-ǵa artqanyn kóremiz. Al bul – úlken kórsetkish.
Mınıstr sapary barysynda «Saryarqa-LM» jekemenshik balabaqshasynda jáne jaqynda ǵana ashylǵan daryndy balalarǵa arnalǵan №4 mektep-ınternatynda boldy.
Erjan BAITILES.
Qyzylorda.