1 jylda 3 mıllıard dollardy quraıdy
Alyp shahardyń halqy tutynatyn taǵamdardyń basym bóligi – shetelderden ákelingen ımporttyq ónimder. Sondyqtan da el kólemindegi dúken sórelerin syrttan kelgen ónimder basyp ketkenine alańdaǵan Almaty qalasynyń ákimi Baýyrjan Baıbek bul máseleni oń sheshýge qol jetkizdi. Osyǵan oraı, óz ónimderin saýda núktelerine deldalsyz jetkizýge múmkindik beretin memorandýmǵa Almatydaǵy iri saýda jelileri men Almaty oblysynyń aýylsharýashylyq kooperatıv ókilderi qol qoıdy.
«Importtyń úlesin azaıtý úshin Almaty, Jambyl jáne Ońtústik Qazaqstan oblystarymen aradaǵy baılanysty nyǵaıtý qajet», degen mamandar sharýa qojalyqtaryn kooperatıvterge birigýge shaqyrdy. Búginde qala dúkenderindegi taýarlardyń 37 paıyzy sheteldik ónimder, otandyq taýardyń ara salmaǵy nebári 35 paıyzdan aspaıdy. Bir ǵana irimshik pen qus etiniń 50 paıyzy syrttan jetkiziledi.
Osy teńsizdikti joıý maqsatynda qala basshysy jalpy quny 8 mıllıard teńgeni quraıtyn jylyjaı soǵyp, jyl on eki aı otandyq ónimmen qala dúkenderin qamtamasyz etý jolyn usynýda.
Qanat ESKENDIR,
«Egemen Qazaqstan»
Almaty