«Astana – Qostanaı» baǵytynda taǵy bir poıyz jolǵa shyǵady. «Jolaýshylar tasymaly» aksıonerlik qoǵamy jolaýshylardyń suranysyn eskerip, №91/92 «Astana – Qostanaı» baǵytynda júretin jańa «Tulpar-Talgo» júrdek poıyzynyń jolǵa shyǵatynyn habarlady.
Poıyz 2 mamyrdan bastap kúnara qatynaıtyn bolady. Jol boıynda ol Atbasar, Jaqsy, Esil, Qusmuryn, Tobyl, Jelezorýdnaıa beketterinde aıaldaıdy. Poıyz tańǵy 09 saǵat 15 mınýtta Astanadan, al Qostanaıdan keshki 21 saǵat 11 mınýtta attanady. Jańa poıyz jolda júrý ýaqytyn edáýir qysqartyp otyr. Endi jolaýshylar Qostanaıǵa deıin 09 saǵat 15 mınýtta, al Astanaǵa deıin 09 saǵat 11 mınýtta jetedi.
«Tulpar-Talgo» poıyzy 27 vagonnan turady. Onyń ekeýi «Grand», taǵy ekeýi «Bıznes», 18-i «Týrıst» sanatyndaǵy vagondar. Sonymen birge, 2 vagon-restoran (vagon-bar) men 3 tehnıkalyq vagon bar.
Poıyz týraly qosymsha aqparatty temirjol vokzaldarynyń anyqtamalyqtarynan nemese 105 biregeı anyqtama qyzmetinen alýǵa bolady.