2015 jylǵy 22 sáýir, Astana qalasy
AITV ınfeksııasy máseleleri boıynsha tegin negizde Qazaqstan Respýblıkasy azamattardy jáne oralmandardy erikti túrde anonımdik jáne (nemese) qupııa medısınalyq zerttelip-qaralý jáne konsýltasııa alý qaǵıdalaryn bekitý týraly
«Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksiniń 115-babynyń 1-tarmaǵyna sáıkes buıyramyn:
1. Qosa berilip otyrǵan AITV ınfeksııasy máseleleri boıynsha tegin negizde Qazaqstan Respýblıkasy azamattardy jáne oralmandardy erikti túrde anonımdik jáne (nemese) qupııa medısınalyq zerttelip-qaralý jáne konsýltasııa alý qaǵıdalaryn bekitý týraly qaǵıdalary bekitilsin.
2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Medısınalyq kómekti uıymdastyrý departamenti:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin kúntizbelik on kúnniń ishinde merzimdik baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin;
3) osy buıryqtyń Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsynda ornalastyrylýyn qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıse-mınıstri A.V. Soıǵa júktelsin.
4. Osy buıryq ony alǵashqy resmı jarııalaǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Densaýlyq saqtaý jáne áleýmettik damý mınıstri T.DÚISENOVA
Qazaqstan Respýblıkasy Densaýlyq saqtaý jáne áleýmettik damý mınıstriniń
2015 jylǵy 22 sáýirdegi №246 buıryǵymen bekitilgen
AITV ınfeksııasy máseleleri boıynsha tegin negizde Qazaqstan Respýblıkasy
azamattardy jáne oralmandardy erikti túrde anonımdik jáne (nemese) qupııa medısınalyq zerttelip-qaralý jáne konsýltasııa alý qaǵıdalary
1. Jalpy erejeler
1. Osy AITV ınfeksııasy máseleleri boıynsha tegin negizde Qazaqstan Respýblıkasy azamattardy jáne oralmandardy erikti túrde anonımdik jáne (nemese) qupııa medısınalyq zerttelip-qaralý jáne konsýltasııa alý qaǵıdalary (budan ári – Qaǵıdalar) AITV ınfeksııasy máseleleri boıynsha tegin negizde Qazaqstan Respýblıkasy azamattardy jáne oralmandardy erikti túrde anonımdik jáne (nemese) qupııa medısınalyq zerttelip-qaralý jáne konsýltasııa alý tártibin aıqyndaıdy.
2. Osy Qaǵıdalarda mynadaı uǵymdar paıdalanylady:
1) AITV – adamnyń ımmýn tapshylyǵy vırýsy;
2) juqtyrylǵan ımmýn tapshylyǵy sındromy (JITS) – adamnyń ımmýn júıesiniń AITV-dan qatty zaqymdanýynan bolǵan patologııalyq belgiler baıqalatyn AITV-ınfeksııasynyń sońǵy satysy;
3) erikti túrde zerttep-qaraý – alynǵan aqparattyń negizinde adamdardyń qalaýy boıynsha zerttelip-qaralýy;
4) anonımdik qarap-tekserý – adamdy jeke basyn sáıkestendirmeı erikti túrde medısınalyq qarap-tekserý;
5) qupııa medısınalyq zerttep-qaraý – dárigerlik qupııanyń jáne tekseriletin adamnyń jeke basy týraly aqparattyń saqtalýyna negizdelgen zerttep-qaraý;
6) psıhoáleýmettik konsýltasııa berý – AITV-ınfeksııasyna testileýden alynǵan nátıjeni pasıentke túsindirý.
2. AITV-ınfeksııasy máseleleri boıynsha medısınalyq zerttep-qaraý júrgizý tártibi
3. AITV-ınfeksııasyna erikti túrde medısınalyq zerttelip-qaralýǵa nıet bildirgen Qazaqstan Respýblıkasynyń azamattary jáne oralmandar ózderiniń tańdaýy boıynsha zerttelip-qaralady:
1) anonımdik (qujattar talap etilmeıdi);
2) qupııa (jeke basyn kýálandyratyn qujat, úı mekenjaıy usynylady).
4. AITV-ınfeksııasyna antıdenelerdiń bolýyna zerttelip-qaralý JITS ortalyqtarynyń zerthanalarynda qupııalylyq jaǵdaıynda júrgiziledi.
5. Qan alý menshik nysanyna jáne vedomstvolyq tıistiligine qaramastan medısınalyq uıymdardyń emshara kabınetterinde júrgiziledi.
6. Anonımdik qarap-tekserý kezinde, tekserilýshige aýyzsha habarlanatyn jeke sıfrlyq kod beriledi.
7. AITV-ınfeksııasyna antıdenelerdiń bolýyna zertteý júrgizý úshin qannyń synamalary JITS ortalyqtaryna jetkiziledi jáne «Densaýlyq saqtaý uıymdarynyń bastapqy medısınalyq qujattamasynyń nysandaryn bekitý týraly» Qazaqstan Respýblıkasy Densaýlyq saqtaý mınıstriniń mindetin atqarýshynyń 2010 jylǵy 21 qarashadaǵy № 907 buıryǵymen (Normatıvtik quqyqtyq aktilerdi memlekettik tirkeý tiziliminde № 6697 bolyp tirkelgen) bekitilgen nysandar boıynsha joldamamen jiberiledi:
jeke – bir danada (№264-8/e nysan);
tizimmen – eki danada (№264/e nysan).
8. Osy Qaǵıdalarǵa 1-qosymshaǵa sáıkes AITV-ınfeksııasynyń bolýy týraly nátıje Qazaqstan Respýblıkasy Densaýlyq saqtaý jáne áleýmettik damý mınıstrliginiń «JITS-tiń aldyn alý jáne oǵan qarsy kúres jónindegi respýblıkalyq ortalyǵy» sharýashylyq júrgizý quqyǵyndaǵy respýblıkalyq memlekettik kásiporny AITV-ınfeksııasyn zerthanalyq dıagnostıkalaý algorıtmi boıynsha júrgizilgen zertteýlerdiń negizinde aýmaqtyq JITS-tyń aldyn alý jáne oǵan qarsy kúres ortalyqtaryna beredi.
9. Kámeletke tolmaǵandar men áreketke qabiletsiz adamdarda AITV-ınfeksııasynyń bolýyna testileýdiń nátıjeleri olardyń zańdy ókilderine beriledi.
10. Anonımdik qarap-tekserý kezinde teris nátıje sıfrlyq kodty kórsetkennen keıin aýyzsha habarlanady, oń nátıje sıfrlyq kodty jazbasha túrde psıho-áleýmettik testten keıingi konsýltasııa berý barysynda habarlanady.
11. Adamnyń ımmýn tapshylyǵy vırýsyna antıdenelerdi zertteý týraly anyqtama-sertıfıkatty JITS profılaktıkasy jáne oǵan qarsy kúres jónindegi ortalyqtar Qazaqstan Respýblıkasy azamattarynyń, oralmandardyń talaptary boıynsha jeke basyn kýálandyratyn qujatyn usynǵan jaǵdaıda osy Qaǵıdalarǵa 2-qosymshaǵa sáıkes nysan boıynsha beredi.
3. AITV-ınfeksııasy máseleleri boıynsha konsýltasııa júrgizý tártibi
12. Kámeletke tolmaǵandar men áreketke qabiletsiz adamdarǵa konsýltasııa berý olardyń zańdy ókilderiniń qatysýymen júzege asyrylady.
13. AITV-ınfeksııasyna testtiń oń nátıjesi alynǵan jaǵdaıda psıhoáleýmettik konsýltasııa berýdi JITS ortalyqtarynyń mamandary júrgizedi, olar saqtaný sharalaryn, medısınalyq kómek usyný tártibin, basqa adamdarǵa juqtyrǵany úshin ákimshilik jáne qylmystyq jaýapkershiligin túsindiredi.
AITV ınfeksııasy máseleleri boıynsha tegin negizde Qazaqstan Respýblıkasy
azamattardy jáne oralmandardy erikti túrde anonımdik jáne (nemese) qupııa medısınalyq
zerttelip-qaralý jáne konsýltasııa alý qaǵıdalaryna 1-qosymsha
Eresekterde AITV-ınfeksııasyn zerthanalyq dıagnostıkalaý algorıtmi
*JITS RO – ekinshi sarysýdy alý múmkindigi bolmaǵan jaǵdaıda, AITV-ǵa antıdenelerdiń bolýyna jáne bolmaýyna birinshi sarysý boıynsha qorytyndy bermeıdi (ólim, QR tys shyǵý, jasyryn zerttep-qaraý)
** JITS OQO epıdemıologııalyq zertteý sapasyn arttyrý maqsatynda ekinshi qan sarysýyn IFT ádisimen anti HCV-da zertteý usynylady
Abbrevıatýralardy ashyp jazý:
IB – ımmýnoblot
IFT – ımmýnofermenttik taldaý
JITS OQO – JITS profılaktıkasy jáne oǵan qarsy kúres jónindegi oblystyq jáne qalalyq ortalyqtar
PTR – polımerazdyq tizbektik reaksııa
JITS RO - Qazaqstan Respýblıkasy Densaýlyq saqtaý jáne áleýmettik damý mınıstriginiń «JITS-tiń aldyn alý jáne oǵan qarsy kúres jónindegi respýblıkalyq ortalyǵy» sharýashylyq júrgizý quqyǵyndaǵy respýblıkalyq memlekettik kásiporny
AITV ınfeksııasy máseleleri boıynsha tegin negizde Qazaqstan Respýblıkasy
azamattardy jáne oralmandardy erikti túrde anonımdik jáne (nemese) qupııa medısınalyq
zerttelip-qaralý jáne konsýltasııa alý qaǵıdalaryna 2-qosymsha
Nysan
CERTIFICATE
A N Y Q T A M A - S E R T I F I K A T
Of test on antibodies to HIV
adamnyń ımmýn tapshylyǵy vırýsyna antıdenelerdi zertteý týraly
I am (Men) _____________________________________________________________________________________
(name of doctor) (Dárigerdiń tegi, aty, ákesiniń aty (bolǵan jaǵdaıda)
hereby certify that (osymen kelesini rastaımyn)_________________________________________________________
____________________________________________________________________________________________
(name of patient) (pasıenttiń tegi, aty, ákesiniń aty (bolǵan jaǵdaıda) latyn áripterimen)
_______________________________________________________________________________________________
Pasıenttiń tegi, aty, ákesiniń aty (bolǵan jaǵdaıda) kırıllısada
___________________________ was tested on (tekserildi) ____________________________________________
(date of birth of patient) (pasıenttiń týǵan datasy) (date) (data)
For the presence in his/her blood of antibodies to the human immunodeficiency virus (HIV) and that the result of the test was NEGATIVE.
Adamnyń ımmýn tapshylyǵy vırýsyna (AITV) antıdenelerdiń bolýyna teris nátıjemen.
Atalǵan anyqtama-sertıfıkat zertteý júrgizilgen kúnnen bastap úsh aı boıy jaramdy.
Stamp:
Mór:
Signature:
Qoly:
Eskertpe: anyqtama - sertıfıkatty toltyrý boıynsha túsinikteme
1.Anyqtama-sertıfıkat tek bir adamǵa ǵana beriledi, ujymdyq kýálikter berýge ruqsat etilmeıdi.
2. Sertıfıkat baspalyq latyn áripterimen toltyrylady, olaı bolmaǵan jaǵdaıda ol jaramsyz dep tanylady.
3.Zertteýdi júrgizý jáne týý datalary kelesi rettilikte toltyrylady: kúni, aıy, jyly, aıdyń ataýy sıfrmen emes, árippen.
4. Anyqtama-sertıfıkatqa dáriger qol qoıady jáne JITS profılaktıkasy jáne oǵan qarsy kúres jónindegi ortalyqtyń dóńgelek móri basylady.
Buıryq Qazaqstan Respýblıkasynyń Ádilet mınıstrliginde 2015 jylǵy 23 mamyrda Normatıvtik quqyqtyq kesimderdi memlekettik tirkeýdiń tizilimine №11145 bolyp engizildi.