2015 jylǵy 28 sáýir, Astana qalasy
Densaýlyq saqtaý salasyndaǵy táýelsiz sarapshylardy tartý qaǵıdalaryn bekitý týraly
«Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksiniń 14-babynyń 4 - tarmaǵyna sáıkes buıyramyn:
1. Qosa berilip otyrǵan Densaýlyq saqtaý salasyndaǵy táýelsiz sarapshylardy tartý qaǵıdalary bekitilsin.
2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Medısınalyq jáne farmasevtıkalyq qyzmetti baqylaý komıteti:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin kúntizbelik on kún ishinde merzimdik baspa basylymdarynda jáne «Ádilet» aqparattyq–quqyqtyq júıesinde resmı jarııalaýǵa jiberýdi;
3) osy buıryqty Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsynda ornalastyrýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıse mınıstri A.V. Soıǵa júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Mınıstr T.DÚISENOVA
Qazaqstan Respýblıkasy Densaýlyq saqtaý jáne áleýmettik damý mınıstriniń
2015 jylǵy 28 sáýir №274 buıryǵymen bekitilgen
Densaýlyq saqtaý salasyndaǵy táýelsiz sarapshylardy tartý qaǵıdalary
1. Jalpy erejeler
1. Osy Densaýlyq saqtaý salasyndaǵy táýelsiz sarapshylardy tartý qaǵıdalary «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksiniń (budan ári – Kodeks) 14-babynyń 4-tarmaǵyna sáıkes ázirlengen jáne densaýlyq saqtaý salasynda táýelsiz saraptamany júzege asyrý kezinde táýelsiz sarapshylardy tartý tártibin aıqyndaıdy.
2. Táýelsiz sarapshylardy tartýdyń maqsaty:
1) densaýlyq saqtaý sýbektileriniń kadrlyq, materıaldyq-tehnıkalyq resýrstaryn ońtaıly paıdalaný jáne zamanaýı medısınalyq tehnologııalardy qoldaný negizinde pasıentterdiń qajetti kólemdegi jáne tıisti sapadaǵy medısınalyq kómek alý quqyqtaryn qamtamasyz etý;
2) densaýlyq saqtaý sýbektileriniń qyzmetin baǵalaýdyń ashyqtyǵy men obektıvtiligin, medısına qyzmetkerleriniń quzyretin, mamandardyń biliktilik deńgeıin qamtamasyz etý;
3) belgili bir aýrý nemese klınıkalyq jaǵdaı kezinde medısınalyq kórsetiletin kómekke qoıylatyn jalpy talaptardy qalyptastyrý kezinde usynymdardyń ózektiligi men negizdiligin qamtamasyz etý bolyp tabylady.
3. Osy Qaǵıdalarda qoldanylatyn negizgi uǵymdar:
1) densaýlyq saqtaý sýbektisi – halyqtyń sanıtarııalyq-epıdemıologııalyq salamattylyǵy salasyndaǵy qyzmetti júzege asyratyn uıymdardy qospaǵanda, densaýlyq saqtaý uıymdary, sondaı-aq jeke medısınalyq praktıkamen jáne farmasevtıkalyq qyzmetpen aınalysatyn jeke tulǵalar;
2) zańdy tulǵa – jeke menshik, sharýashylyq júrgizý nemese jedel basqarý quqyǵyndaǵy oqshaý múlki bar jáne sol múlikpen óz mindettemeleri boıynsha jaýap beretin, óz atynan múliktik jáne múliktik emes jeke quqyqtar men mindetterge ıe bolyp, olardy júzege asyra alatyn, sotta talapker jáne jaýapker bola alatyn uıym;
3) medısınalyq kórsetiletin qyzmetter sapasynyń saraptamasy – medısınalyq kórsetiletin qyzmetter tıimdiliginiń, tolyqtyǵynyń jáne standarttarǵa sáıkestiginiń kórsetkishin kórsetetin ındıkatorlardy paıdalana otyryp, jeke jáne zańdy tulǵalar usynatyn medısınalyq kórsetiletin qyzmetter sapasynyń deńgeıi boıynsha qorytyndy shyǵarý úshin júzege asyrylatyn uıymdastyrý, taldaý jáne praktıkalyq is-sharalar jıyntyǵy;
4) saraptamalyq qorytyndy – densaýlyq saqtaý salasyndaǵy zańnamada belgilengen talaptardyń saqtalýy úshin táýelsiz sarapshynyń aldyna qoıylǵan máseleler boıynsha negizdemesi bar qorytyndy;
5) táýelsiz saraptama – medısınalyq kórsetiletin qyzmetterdiń tıimdiliginiń, tolyqtyǵynyń jáne standarttarǵa sáıkestiginiń kórsetkishin kórsetetin ındıkatorlardy paıdalana otyryp, densaýlyq saqtaý sýbektileri medısınalyq kórsetiletin qyzmetter sapasynyń deńgeıi týraly qorytyndy shyǵarý maqsatynda, sondaı-aq mamandardyń biliktilik deńgeıin aıqyndaý maqsatynda ótkiziletin rásim;
6) táýelsiz sarapshy – densaýlyq saqtaý sýbektileriniń qyzmetine táýelsiz saraptama júrgizý úshin belgilengen tártippen akkredıttelgen jeke tulǵa.
4. Densaýlyq saqtaý jáne áleýmettik damý salasyndaǵy ýákiletti organ (budan ári – ýákiletti organ) Normatıvtik quqyqtyq aktilerdi memlekettik tirkeý tiziliminde № 10735 bolyp tirkelgen «Densaýlyq saqtaý salasyndaǵy akkredıtteý qaǵıdalaryn bekitý týraly» Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 10 naýryzdaǵy № 127 buıryǵymen bekitilgen Densaýlyq saqtaý salasyndaǵy akkredıtteý qaǵıdalaryna sáıkes táýelsiz sarapshylardy akkredıtteıdi jáne olardyń derekqoryn qalyptastyrady.
2. Táýelsiz sarapshylardy tartý tártibi
5. Táýelsiz sarapshylar:
1) ýákiletti organ jáne onyń aýmaqtyq bólimsheleri;
2) densaýlyq saqtaý sýbektileri;
3) jeke tulǵalar densaýlyq saqtaý sýbektileriniń qyzmetine táýelsiz saraptama júrgizý úshin tartylady.
6. Táýelsiz sarapshylar táýelsiz saraptama júrgizý úshin:
1) Normatıvtik quqyqtyq aktilerdi memlekettik tirkeý tiziliminde № 10880 bolyp tirkelgen «Medısınalyq qyzmetter kórsetý sapasynyń ishki jáne syrtqy saraptamalaryn uıymdastyrý men júrgizý qaǵıdalaryn bekitý týraly» Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 27 naýryzdaǵy № 173 buıryǵyna sáıkes medısınalyq qyzmetterdiń sapasyna syrtqy saraptama júrgizý;
2) Normatıvtik quqyqtyq aktilerdi memlekettik tirkeý tiziliminde № 10735 bolyp tirkelgen «Densaýlyq saqtaý salasyndaǵy akkredıtteý qaǵıdalaryn bekitý týraly» Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 10 naýryzdaǵy № 127 buıryǵyna sáıkes medısınalyq uıymdardy akkredıtteýdi júrgizý kezinde;
3) jeke tulǵalar memlekettik medısınalyq saraptama qorytyndysymen kelispegen kezde tartylady.
7. Ýákiletti organ nemese onyń aýmaqtyq bólimsheleri – memlekettik satyp alýdy uıymdastyrýshylar jyl saıyn medısınalyq qyzmetterdiń sapasyna syrtqy saraptama júrgizý jáne densaýlyq saqtaý sýbektilerin akkredıtteý kezinde tartylatyn táýelsiz sarapshylardyń qyzmetterine memlekettik satyp alýdy júzege asyrady.
8. Jeke tulǵalar memlkettik medısınalyq saraptama qorytyndysymen kelispegen jaǵdaıda, sondaı-aq densaýlyq saqtaý sýbektileri táýelsiz sarapshylardy shart negizinde tartady.
Táýelsiz sarapshylar týraly málimetterdi jeke tulǵalar men densaýlyq saqtaý sýbektileri densaýlyq saqtaý salasyndaǵy akkredıttelgen táýelsiz sarapshylar derekqorynan alady.
9. Táýelsiz sarapshy saraptamaǵa onyń negizgi medısınalyq, farmasevtıkalyq mamandyǵy eskerile otyryp tartylady.
10. Táýelsiz saraptama júrgizý qyzmetterine aqy tóleý oryndalǵan jumystar aktisi negizinde júzege asyrylady.
3. Qorytyndy erejeler
11. Eger:
1) tekseriletin densaýlyq saqtaý sýbektisimen eńbek nemese sharttyq qarym-qatynasta bolsa;
2) saraptama júrgizý kezinde olarmen týystyq nemese ózge de qarym-qatynastaǵy tulǵalardyń múddeleri qozǵalsa;
3) ótinish ıesi óziniń alǵashqy ótinishi boıynsha tekserýge buryn qatyspaǵan táýelsiz sarapshyny tarta otyryp, qaıtadan saraptama júrgizý týraly ótinish bildirse, saraptamaǵa táýelsiz sarapshylar tartylmaıdy.
Buıryq Qazaqstan Respýblıkasynyń Ádilet mınıstrliginde 2015 jylǵy 28 mamyrda Normatıvtik quqyqtyq kesimderdi memlekettik tirkeýdiń tizilimine №11207 bolyp engizildi.