2015 jylǵy 30 naýryz, Astana qalasy
Memlekettik satyp alý salasynda mamandardy qaıta daıarlaý jáne olardyń biliktiligin arttyrý qaǵıdalaryn bekitý týraly
«Memlekettik satyp alý týraly» Qazaqstan Respýblıkasynyń 2007 jylǵy 21 shildedegi Zańy 14-babynyń 16) tarmaqshasyna sáıkes buıyramyn:
1. Qosa berilip otyrǵan Memlekettik satyp alý salasynda mamandardy qaıta daıarlaý jáne olardyń biliktiligin arttyrý qaǵıdalary bekitilsin.
2. Qazaqstan Respýblıkasy Qarjy mınıstrliginiń Memlekettik satyp alý zańnamasy departamenti (S.M. Ahmetov) zańnamada belgilengen tártippen:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryq memlekettik tirkelgennen keıin kúntizbelik on kún ishinde ony merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi;
3) osy buıryqty Qazaqstan Respýblıkasy Qarjy mınıstrliginiń ınternet-resýrsynda ornalastyrýdy qamtamasyz etsin.
3. Osy buıryq alǵashqy resmı jarııalanǵan kúninen keıin on kúntizbelik kún ótken soń qoldanysqa engiziledi.
Mınıstr B.SULTANOV.
Qazaqstan Respýblıkasy Qarjy mınıstriniń 2015 jylǵy 30 naýryzdaǵy №232 bekitilgen
Memlekettik satyp alý salasynda mamandardy qaıta daıarlaý jáne
olardyń biliktiligin arttyrý qaǵıdalaryn bekitý týraly
Osy Memlekettik satyp alý salasynda mamandardy qaıta daıarlaý jáne olardyń biliktiligin arttyrý qaǵıdalary (budan ári – Qaǵıda) «Memlekettik satyp alý týraly» Qazaqstan Respýblıkasynyń 2007 jylǵy 21 shildedegi Zańy (budan ári – Zań) 14-babynyń 16) tarmaqshasyna sáıkes ázirlendi jáne memlekettik satyp alý salasynda mamandardy qaıta daıarlaý jáne olardyń biliktiligin arttyrý tártibin anyqtaıdy.
1. Osy Qaǵıdada mynadaı negizgi uǵymdar paıdalanylady:
bilim berý uıymdary – qosymsha bilim berýdiń oqý baǵdarlamalaryn iske asyratyn oqý oryndary;
tapsyrys berýshi – ulttyq basqarýshy holdıngterdi, ulttyq holdıngterdi, ulttyq basqarýshy kompanııalardy, ulttyq kompanııalardy jáne olar affılıırlegen zańdy tulǵalardy qospaǵanda, Zańǵa, sondaı-aq Qazaqstan Respýblıkasynyń azamattyq zańnamasyna sáıkes taýarlardy, jumystardy, kórsetiletin qyzmetterdi satyp alýdy júzege asyratyn memlekettik organdar, memlekettik mekemeler, sondaı-aq memlekettik kásiporyndar, daýys beretin aksııalarynyń (jarǵylyq kapıtalyndaǵy qatysý úlesteriniń) elý jáne odan astam paıyzy memleketke tıesili zańdy tulǵalar jáne olar affılıırlegen zańdy tulǵalar.
2. Memlekettik satyp alý salasynda mamandardy (budan ári – mamandar) qaıta daıarlaýdy jáne olardyń biliktiligin arttyrýdy bilim berý uıymdary júrgizedi.
3. Bilim berý uıymdary mamandardy qaıta daıarlaý jáne olardyń biliktiligin arttyrý jónindegi oqý baǵdarlamalaryn (budan ári – oqý baǵdarlamalary) ázirleıdi, olar Qazaqstan Respýblıkasynyń bilim berý salasyndaǵy zańnamasyna sáıkes bekitiledi.
4. Mamandardy oqytý bekitilgen oqý baǵdarlamalaryna saı júrgiziledi.
5. Oqý baǵdarlamasynyń jalpy saǵaty sanynyń keminde 20%-yn memlekettik satyp alýdy uıymdastyrý jáne júrgizý rásimderiniń oryndalýyna jaýapty tapsyrys berýshilerdiń, qyzmetkerleri qatarynan is júzindegi qyzmetkerlerdi, sondaı-aq joǵaryda kórsetilgen rásimderdi baqylaýdy júzege asyratyn memlekettik organdardyń qyzmetkerlerin tarta otyryp, memlekettik satyp alýdy uıymdastyrý jáne júrgizý praktıkasyn zerdeleýdi quraýy tıis.
6. Bilim berý uıymdary oqytýshylyq qyzmetke memlekettik satyp alý jónindegi ýákiletti organmen kandıdatýralaryn keliskennen keıin is júzindegi qyzmetkerler men memlekettik organdardyń qyzmetkerlerin tartady.
Buıryq Qazaqstan Respýblıkasynyń Ádilet mınıstrliginde 2015 jylǵy 29 sáýirdegi Normatıvtik quqyqtyq kesimderdi memlekettik tirkeýdiń tizilimine №10854 bolyp engizildi.