Osy jyldyń 3 qazanynan bastap eki, bes jáne on myńdyq kýpıýralar qoldanystan alynyp tastalady. Bul aqshalar 2006 jyly shyqqan. Sondyqtan da, qarjy mamandary aınalymda júrgen 300 mıllıard teńge bolatyn eski banknottardyń kúshin joıýdy qup kórip otyr.
Ulttyq bank basshylyǵy qazaqstandyqtarǵa qoldanysta júrgen atalǵan kýpıýralardyń qazan aıyna deıin jaramdy ekenin tekserýde. – Eger de qazirgi tańda atalǵan banknottardy qandaı da bir mekeme qabyldaýdan bas tartsa, Ulttyq bankke baryp, shaǵymdanýǵa tolyq quqyńyz bar, – deıdi qarjy mamandary. Sondaı-aq, Ulttyq banktiń qolma-qol aqshamen jumys júrgizý basqarmasy basshysynyń orynbasary Andreı Balahmetov «Báıterek beınelengen jalpy somasy 300 mlrd. teńgeniń kýpıýralary aınalymnan alynýda. Eger siz úıden osyndaı eski aqshany taýyp alsańyz, alaıda, ony aýystyrý ýaqyty ótip ketse, abyrjýdyń qajeti joq. О́ıtkeni, keler jyly tolyǵymen aıyrbastap alýǵa quqyńyz bar», – deıdi.
Aıta keteıik, Qazaqstan boıynsha atalǵan banktiń barlyq bólimsheleri 2016 jyldyń 3 qazanynan bastap, 2020 jyldyń 3 qazanyna deıin tórt jyl boıy kýpıýralardy aýystyrý aıasynda jumysyn jalǵastyra beredi.
Talǵat RAIYMBEK,
«Egemen Qazaqstan»