Qosylǵan qos ózen

bir arnada eki túspen aǵady Almaty halyqaralyq áýejaıy mańynda túıisetin Jarbulaq pen Kishi Almaty ózenderi tabıǵattyń tamasha qubylysymen turǵyndardy tańdandyryp otyr. Quldılap aqqan qos ózen bir arnada túıiskende ekeýiniń sýy bir-birimen aralas­paı, eki túrli reńkpen aǵýda. Qalanyń ár túkpirinen arnaıy kelip tamashalap jat­qan halyqty tańǵaldyrǵan kórinisti belgili ekolog Mels Eleýsizov «tabıǵattyń tosyn qubylysy» dep baǵalap otyr. Onyń aıtýynsha, ómirde mundaı qubylystar sırek te bolsa kezdesip turady. Eki túr­li reńk­pen aǵatyn ózender taýly jerlerde kóp ushyrasady eken. Sebebi, bir ózenniń bas­­ta­ýy bulaqtan móldir qalpynda aq­sa, onymen túıisetin kelesi bir ózen alystan aǵyp kelýi sebepti, sondaı-aq, jol bo­ıynda jarqabaqtardyń sazy­men aralasa otyryp múldem ózge reńke boıalady. Nátıjesinde quramdary uqsas, tipti, birdeı eki ózenniń birigip aqqan aǵysy túrli reńkke boıalmaq. О́zen sýynyń bulaı minez tanytýyna aǵyn sýdyń qosylar saǵasynyń da ornalasqan orny áser etedi eken. Degenmen, atal­ǵan ózenniń eki túrli reńge boıalyp aǵatyny tabıǵattyń ereksheligi bolsa kerek! Qanat ESKENDIR, «Egemen Qazaqstan» ALMATY