Danııaǵa zertteýge jiberilgeni daqpyrt»
Taıaý kúnderi ǵana Tengrinews.kz tilshileri Esik qorǵanynan tabylǵan Altyn adamnyń súıek qaldyqtarynyń úlgileri ǵylymı saraptama jasaý úshin Danııa eline jiberilgeni týraly aqparat taratqan bolatyn. Bul málimdemeniń ózi ǵalamtorda qıǵash kózqarastarǵa túrtki bolǵandyqtan, osy jańalyqtyń anyq-qanyǵyn tolyǵyraq bilý maqsatynda «Esik tarıhı-mádenı qoryq murajaıynyń» dırektory Gúlmıra Muhtarovaǵa habarlasqan edik.
Altyn adamnyń jasy men jynysy týraly áli kúnge deıin naqty dáıekteme bolmaǵandyqtan ǵylymı qaýymdastyqta túrli pikir týǵyzyp kele jatqany belgili. Eger Almaty oblysyndaǵy Esik qalasynyń soltústigindegi Esik ózeniniń sol jaq jaǵalaýyndaǵy temir dáýirinen saqtalǵan, saq obasynan tabylǵan altyn kıimdi adamnyń jynysyn naqty anyqtaý kerek bolsa, onda nege tańdaý Danııa sarapshylaryna tústi degen saýalǵa tarıh ǵylymdarynyń kandıdaty Gúlmıra Muhtarova bul aqparattyń naqty emes ekendigin aıtyp otyr.
Esik tarıhı-mádenı qoryq murajaıynyna dırektory atalmysh saıt jazyp otyrǵandaı Danııanyń mamandary Qazaqstanǵa kelip, zertteýler jasaý úshin Altyn adam súıekteriniń qaldyqtary men DNK analızderi osy elge alyp ketkendigi týraly aqparatty rastaǵan joq.
– Shyn máninde bul naqty aqparat emes. Kezinde bir baspasóz máslıhaty Danııa mamandary da Altyn adamǵa saraptama jasaýǵa qyzyǵýshylyq tanytyp otyrǵany ǵana aıtylǵan bolatyn. Qazir alyp-ushyp, asyǵys aqparattar taratatyn saıttar oqyrman tartý úshin aqıqatqa tolyq negizdelmegen jańalyqtar taratýǵa májbúr.
Tengrinews.kz tilshisi habarlasqan kezinde, dál osy máselege qatysty asyǵystyq tanytpaýyn suraǵan bolatynbyz. Biraq, olar bizdiń bul ótinishimizge qaramastan, dabyraıǵan dardaı taqyryp qoıyp, jarııalap otyr. Al Altyn adamnyń jynysy men jasyn, basqa da jaǵdaıattaryn anyqtaýǵa ózimizdiń ǵalymdar tartyla ma, álde shetelde saraptama jasala ma, bul áli tolyq sheshilgen joq. Bul másele boıynsha aldaǵy 1-1,5 aı kóleminde mámile jasalynady, – dedi «Esik tarıhı-mádenı qoryq-murajaıynyń» dırektory G.Muhtarova.
Qazirgi tańda atalǵan murajaıda 2 myńnan astam tarıhı jádiger saqtaýly. 1969 jyly saq qorǵandarynan «Altyn adam» tabylǵan soń osy óńirge degen arhelogtardyń qyzyǵýshylyǵy arta túsken. Qazirgi kezde de qorǵandarda qazba jumystary júrip turady.
Aınash ESALI,
«Egemen Qazaqstan»