Urpaq tárbıesi – ult bolashaǵy. Bul oraıda, О́skemen qalasy ákimdiginiń «Ortalyqtandyrylǵan kitaphanalar júıesi» (OKJ) kommýnaldyq memlekettik mekemesiniń qyzmetkerleri de birqatar sharalardy júzege asyrýda. Solardyń biri, OKJ-ge qarasty №2 kitaphana-bólimshesiniń kitaphanashylary «Tárbıeshiniń pedagogıkalyq sheberligin arttyrý joldary» atty mamandar kúnin ótkizdi. Sharaǵa «Erketaı», «Aqbota» balabaqshalarynyń jáne qaladaǵy №15 orta mekteptiń janyndaǵy shaǵyn ortalyqtyń tárbıeshileri qatysty. S.Amanjolov atyndaǵy ShQMÝ-diń «Pedagogıkalyq bilim jáne menedjment» kafedrasynyń aǵa oqytýshy-magıstrleri G.K.Qılybaeva men G.Q.Nıǵmedjanova tárbıeshi mamandar úshin dáris oqyp, trenıng ótkizdi.
Baıandama barysynda Elbasymyz N.Á.Nazarbaev atap aıtqandaı, táýelsiz elimizdiń azamattaryn qalyptastyrýda tárbıe jumystarynyń erekshe mańyzy bary basa aıtylyp, bul oraıda qoldanylatyn tıimdi jańa tehnologııalar jaıynda egjeı-tegjeıli áńgime qozǵaldy. Sonymen birge, mundaı sharalar tárbıeshilerdiń ózara tájirıbe almasý jumystaryn odan ári jandandyra túsetini atap ótildi. Dáris balabaqsha tárbıeshileriniń kóńilinen shyǵyp, olar bolashaqta osyndaı sharalar júıeli túrde ótse degen tilekterin jetkizdi.
Táýelsiz eldiń tamyry myqty bolsyn desek, urpaq tárbıeleıtin mamandardyń bilikti de bilimdi bolýy shart. Bul oraıda, S.Amanjolov atyndaǵy ShQMÝ-diń «Pedagogıkalyq bilim jáne menedjment» kafedrasynyń meńgerýshisi Natalıa Radchenko, basqa da kafedra oqytýshylary óz is-tájirıbelerin balabaqsha tárbıeshilerimen bólisýge aldaǵy ýaqytta da nıetti. Al jalpy, el Táýelsizdiginiń 25 jyldyǵyna oraı ótken bul trenıng-dáris balabaqsha men shaǵyn ortalyqtardyń tárbıeshilerine bergeni kóp mańyzdy sharalardyń biri boldy.
Lázzat QAIDAROVA,
О́skemen qalasy ákimdiginiń
«OKJ» KMM kitaphanashysy