Qurmetti qazaqstandyqtar!
Biz, elimizdegi dinı birlestikter ókilderi, barlyq otandastarymyzdy jalpyulttyq mereke – Qazaqstan halqynyń birligi kúni merekesimen quttyqtaımyz.
Bul kún elimizde ómir súrip jatqan barlyq etnostardyń aýyzbirshiliginiń, kelisimi men baýyrlastyǵynyń kúni bolyp tabylady. Bul – qazaqstandyq patrıotızmniń, atamekenge degen sheksiz súıispenshiliktiń merekesi.
1 mamyr – ózara senimge, dostyq pen súıispenshilikke negizdelgen bizdiń kópultty halqymyzdyń merekesi. Bul – elimizdegi turaqtylyq pen bolashaqqa degen senimniń kepili.
Árbir qazaqstandyq jarasymy mol osyndaı tamasha kúni úlken jáne tatý otbasynyń bólshegi ekenin erekshe sezinedi.
Bizderge, ıaǵnı dinı birlestikter ókilderine azamattarymyzdyń ózara yntymaqtastyq sezimin kórsetýleri erekshe qymbat, óıtkeni, ol – túrli etnostar men dinı senimderden turatyn adamdardyń birtutas qaýymdastyǵyn quraıtyn Qazaqstan halqy aýyzbirshiliginiń aıqyn aıǵaǵy.
Qazaqstan halqynyń birligi kúni barshańyzǵa jaqsylyq pen molshylyq, baqyt pen qýanysh, amandyq pen meıirim tileımiz.
Jaratqannyń rahymymen álemde jáne árbir shańyraqta árqashan beıbitshilik, tynyshtyq pen bereke bolsyn!