Senat Tóraǵasy Qasym-Jomart Toqaevtyń tóraǵalyq etýimen Semeı ıadrolyq synaq polıgonynyń jabylýynyń 25 jyldyǵyna arnalǵan «Iаdrolyq qarýsyz álem qurý» taqyryby boıynsha halyqaralyq konferensııaǵa daıyndyq jáne ony ótkizý jónindegi uıymdastyrý komıtetiniń alǵashqy otyrysy boldy, dep habarlady osy palatanyń baspasóz qyzmeti.
Konferensııa álemdik qoǵamdastyq ókilderiniń, parlamentshiler jáne sarapshylardyń qatysýymen bıyl 29 tamyzda Astanada ótti.
Keńesti asha kelip, Q.Toqaev: «Qarýsyzdaný jáne ıadrolyq qarýdy taratpaý isine qomaqty úles qosqan Qazaqstan Prezıdenti Nursultan Nazarbaev shyn máninde jahandyq ıadrolyq qarýǵa qarsy qozǵalystyń moıyndalǵan kóshbasshysy bolyp tabylady», – dedi. Memleket basshysynyń «Álem. HHI ǵasyr» manıfesiniń negizinde ıadrolyq qarýdan tolyq arylý ıdeıasy jatyr.
«Semeı ıadrolyq synaq polıgonynyń jabylýynyń ataýly kúni Qazaqstan ǵana emes, kúlli álemdik qoǵamdastyqqa jer júzinde ornyqty beıbitshilikti qalyptastyrýdyń birinshi kezektegi mańyzdylyǵy týraly oılanýǵa ıgi sebep bolýy tıis», – dedi ári qaraı Senat basshysy. Osyǵan baılanysty Parlamenttiń joǵarǵy palatasynyń Tóraǵasy jınalǵandarǵa konferensııany ótkizýdiń mazmundyq jáne uıymdastyrý máselelerin muqııat ázirleýdi tapsyrdy.
Prezıdent Ákimshiligi Basshysynyń orynbasary Baǵlan Maılybaev óz sózinde Uıymdastyrý komıtetiniń múshelerin konferensııa aldynda turǵan mindettermen tanystyrdy. Syrtqy ister mınıstriniń orynbasary Roman Vasılenko forýmǵa ázirliktiń mazmundyq jáne uıymdastyrý máseleleri, seriktestermen, onyń ishinde halyqaralyq úkimettik emes uıymdarmen ózara is-qımyl týraly aqparatpen tanystyrdy.