ASTANA. 30 sáýir. «Qazaqstan» ulttyq arnasy Qanat Islamnyń kásipqoı bokstaǵy 21 jekpe-jegin tikeleı efırde kórsetedi. Bul týraly «Qazaqstan» RTRK» AQ baspasóz qyzmetine silteme jasaǵan egemen.kz tilshisi habarlady.
Bul joly Qanat Islam kolýmbııalyq bylǵary qolǵap sheberi Hýan De Anhelmen kezdesedi. Jekpe-jek 9 mamyr kúni AQSh-tyń Florıda shtatyndaǵy Leıklend qalasynda ótedi. Otandastarymyz kezdesýdi tikeleı efırde Astana ýaqytymen tańǵy 07:00-de kóre alady.
Qanat Islam 2012 jyly kásipqoı boksqa aýysqannan keıin 20 jekpe-jek ótkizip, sonyń barlyǵynda jeńiske jetken. Onyń ishinde 17 kezdesýde qarsylastaryn nokaýtqa jibergen.
Hýan De Anhel 2008 jyldan beri kásipqoı boksta. Ol sharshy alańda 22 ret aıqasyp, 18 ret jeńgen. Qalǵan tórt kezdesýdiń úsheýinde De Anheldiń qarsylastary basym tússe, bir kezdesýde ol teń eseppen aıaqtalǵan. Bul onyń kásipqoı bokstaǵy alǵashqy jekpe-jegi bolatyn.
Qanat 4 jyldan beri Amerıka Qurama Shtattarynda jattyǵyp júr. Onyń jattyqtyrýshysy – amerıkalyq maman Nelson Lopes.
Dastan Kenjalın.
Derek: «Qazaqstan» RTRK