ASTANA. 1 mamyr. London ýnıversıtettik kolledjiniń ókilderi Mars betiniń jańa fotolaryn tanystyrdy. Sýretter arqyly osydan 13 jyl buryn joǵalǵan «Bıgl-2» qondyrý modýlin kórýge bolady. Bul týraly inform.kz-ke silteme jasaǵan egemen.kz tilshisi habarlady.
Fotolardy túsirý úshin zertteýshiler Gotcha-PDE-TV tehnologııasyn paıdalanǵan. Mamandar bul isti Mars Reconnaissance Orbiter ǵarysh apparatynyń bortyna ornatylǵan HiRISE kamerasy arqyly júzege asyrdy. HiRISE kamerasynyń ereksheligi – 300 shaqyrym bıikten 30 santımetr zatty ajyrata alady. Bul tusta arnaıy mamandardyń kómegimen fotoapparattyń sapasyn kúsheıtip, 5 santımetrge deıin anyqtaıtyndaı etip jańartty.
Tehnologııany qurastyrýshylar eki sýretti jurt nazaryna usynyp otyr. Olardan Marsta júrgen SPIRIT kóliginiń izderin kórýge bolady. Qazir zertteý jumystary júrip jatyr.
Aıan Ábdýálı.
Derek, foto: inform.kz.