ASTANA. 2 mamyr. Iemenniń Amran provınsııasynda atyshýly lańkestik uıymdardyń biri áskerı bazaǵa shabýyl jasady. Bul týraly 24.kz-ke silteme jasaǵan egemen.kz tilshisi habarlady.
Qaqtyǵys kezinde qansha adamnyń qaza tapqany ázirge belgisiz. Tergeý jumystary júrgizilip jatyr.
Lańkestik shabýyldyń taǵy biri memlekettiń Aden qalasynda da boldy. Resmı málimetter boıynsha, 5 adam opat bolyp, birneshe beıbit turǵyn túrli deńgeıde jaraqat aldy. Beıresmı aqparattarda bul shabýyl atalǵan qalanyń qaýipsizdik qyzmetiniń basshysyna jasalǵan degen boljam bar.
Eldiń syrtqy ister mınıstri terrorlyq shabýyldardyń Kýveıtte ótip jatqan Iemendegi qaqtyǵysty toqtatýǵa arnalǵan beıbit kelisimge keri áserin tıgizýi múmkin ekendigin málimdedi.
Aıan Ábdýálı.
Derek, foto: 24.kz.