ASTANA. 3 mamyr. Irak astanasy Baǵdad qalasyndaǵy lańkestik áreketten qaza tapqandar sany 18 adamǵa jetti. Bul týraly TASS aqparat agenttigine silteme jasaǵan egemen.kz tilshisi habarlady.
Oqıǵa myńdaǵan turǵyndardyń jetinshi shııt ımamy Mýsa ıbn Djafar al-Kazımanyń mazary ornalasqan Altyn meshitke ketip bara jatqan kezinde bolǵan. Málimetter boıynsha, osy kezde jankeshti mingen kólik jarylǵan. Associated Press agenttigi bul isti TGIL sodyrlary óz moınyna alǵanyn habarlady.
Polısııa qyzmetkerleri teraktiniń saldarynan taǵy 45 adamnyń túrli deńgeıde jaraqat alǵanyn málimdedi.
Aıta keteıik, ótken dúısenbi kúni, ıaǵnı 2 mamyrda Baǵdad qalasyna taıaý mańda eki terrorlyq shabýyl boldy. Atalǵan qaladan 25 shaqyrym qashyqtyqta ornalasqan Tarmııa aımaǵynda jarylǵysh zat iske qosylyp, saldarynan eki adam mert bolyp, altaýy jaralandy. Al ekinshisi Halısa qalasynda oryn aldy. Bir adam qaza taýyp, eki turǵyn zardap shekti.
Aıan Ábdýálı.
Derek, foto: TASS.