ATYRAÝ. 29 sáýir. Atyraý oblysynyń Qurmanaǵazy aýdanynyń ákimi bolyp Bıboz Shaıahmetov taǵaıyndaldy. Búgin oblys ákimi Nurlan Noǵaev aýdan aktıvine jańa ákimdi tanystyrdy. Bul týraly egemen.kz tilshisi habarlady.
Prezıdent Ákimshiliginiń jáne aýdandyq máslıhat depýtattarynyń kelisimi boıynsha, oblys ákimi Nurlan Noǵaevtyń ókimimen Qurmanǵazy aýdanynyń ákimi bolyp taǵaıyndalǵan Bıboz Shaıahmetovtiń jasy 56-da. Batys Qazaqstan aýyl sharýashylyǵy ınstıtýtyn bitirgen.
Eńbek jolyn 1976 jyly Qyzylqoǵa aýdanyndaǵy «Kazselhoztehnıka» birlestiginde jóndeýshi bolyp bastaǵan. 1983-1990 jyldary Qyzylqoǵa aýdandyq qarjy, josparlaý bólimderinde, «Mııaly avtotranstport» kásipornynda aǵa ekonomıst, aýdandyq komsomol komıtetinde ekinshi, keıin birinshi hatshy bolyp istegen. 1990-1999 jyldary aýdandyq halyqtyq baqylaý komıtetinde ınspektor, aýdandyq partııa komıtetinde nusqaýshy, aýdandyq qarjy bóliminde aýyl sharýashylyǵy jónindegi aǵa ekonomıst, aýdandyq tólem ortalyǵynda birinshi sanattaǵy maman, aýdandyq ekonomıka basqarmasynyń bastyǵy, aýdan ákiminiń orynbasary qyzmetterin atqarǵan.
1999-2016 jyldary Qyzylqoǵa aýdandyq ekonomıka, ınvestısııa jáne kásipkerlikti qoldaý bóliminde, aýdandyq kommýnaldyq menshik, qurylys, kóriktendirý jáne turǵyn úı sharýashylyǵy bóliminde, aýdandyq qala qurylysy, qurylys, turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminde bólim meńgerýshisi, Qyzylqoǵa aýdany ákiminiń orynbasary bolyp istegen.
«Úzdik memlekettik qyzmetshi» tósbelgisimen marapattalǵan.
Joldasbek Shópeǵul.
Derek, foto: egemen.kz.