PETROPAVL. 3 mamyr. M. Qozybaev atyndaǵy Soltústik Qazaqstan memlekettik ýnıversıteti ǵımaratynyń qabyrǵasyna belgili qoǵam qaıratkeri, aıtýly ǵalym, tehnıka ǵylymdarynyń doktory Qaıyrbek Orazovtyń qurmetine eskertkish taqta qoıylyp, onyń ashylý saltanatyna oblys ákimi Erik Sultanov pen marqumnyń týǵan-týystary qatysty. Bul týraly oblystyq ákimdiktiń baspasóz qyzmetine silteme jasaǵar egemen.kz tilshisi habarlady.
El Táýelsizdiginiń óńirde ornyǵýyna, qalyptasýyna Qaıyrbek Orazovtyń sińirgen eńbegi ólsheýsiz. Ol Qaraǵandy polıtehnıkalyq ınstıtýtynyń Petropavldaǵy fılıalyna jetekshilik ete júrip, ǵylymı-tehnıkalyq sala úshin bilimdi shákirtter daıarlady. Onyń qalalyq «Qazaq tili» qoǵamynyń tóraǵasy retinde ana tilimizdiń órken jaıýyna, qazaq mektepteri men synyptarynyń ashylýyna qosqan zor úlesin jerlesteri umytpaq emes. Birinshi saılanǵan Joǵarǵy keńes depýtaty retinde de qoǵamdyq jumystardyń alyńǵy leginen kórindi. Premer-mınıstrdiń keńsesinde qyzmet atqara júrip, ómirden erte ozdy.
Ol jaıly zaıyby Sapýra Orazova, shákirti L.Gýmılev atyndaǵy Eýrazııa ýnıversıtetiniń professory Baqytjan Bákenov, taǵy basqalary estelikter aıtyp, adamgershilik qyrlary jaıly áńgimeledi.
Aıta keteıik, búginde uly Berik áke jolyn abyroımen jalǵastyryp keledi.
О́mir Esqalı.
Derek, foto: Soltústik Qazaqstan oblysy ákiminiń baspasóz qyzmeti.