Dintaný ǵylymy men bilimi – mańyzdy sala

Astana qalasynda elimizdiń Mádenıet jáne sport mınıstr­liginiń Din isteri komıtetine qarasty Din máseleleri jónin­degi ǵy­lymı-zertteý jáne taldaý ortalyǵy «Qazaqstandaǵy dintaný ǵy­­ly­my men biliminiń damý úrdisi jáne ózekti máseleleri» taqy­ry­­bynda respýblıkalyq ǵylymı-tájirıbelik konferensııa ótkizdi. Sala mamandarynyń aıtýynsha, mundaı jıyndy uıymdastyrý Qazaqstandaǵy dintanýlyq bilim berý júıesin birizdilendirý, mazmundyq turǵydan baıytý, osy saladaǵy tájirıbelik kýrstardyń sany men sapasyn arttyrý talabynan týyndap otyr eken. Otyrysta sóz alǵan Din isteri komıtetiniń tóraǵasy Ǵa­lym Shoıkın qazirgi dinı ahýal qo­ǵamnyń sanasyndaǵy radıkal­dy jáne teris pıǵyldy aǵym­darǵa qarsy ımmýnıtetti qalyp­tas­tyrýǵa, zaıyrly memleket qun­dy­lyqtaryna qurmet sezimin sińi­rýge, ártúrli konfessııa ókilderine tolerantty qarym-qatynas máde­nıetin qalyptastyrýǵa, dinta­ný­lyq bilimniń sapasyn jetildirýge ıtermelep otyrǵanyn jetkizdi. «Qazaqstan azamattary men sheteldikterdiń el aýmaǵyna erkin kirip, shyǵýy, aqparattyq teh­no­logııalardyń, baılanys qural­darynyń, ınternettiń keńinen taralýy, respýblıkada túrli dinı aǵym ıdeıalarynyń taralýyna da sebep bolyp otyrǵany jasyryn emes. Bul rette, jastarymyzdyń boıynda radıkaldy jáne destrýktıvti ıdeıalarǵa qarsy ımmýnıtetti qalyp­tastyrý, memlekettiń zaı­yr­lylyq qaǵıdattaryna qurmet kór­setý, álemdik jáne dástúrli dinder­diń negizderi týraly obek­tıvti aqparat alý, túrli konfes­sııany ustanýshylarǵa degen tole­rant­ty qarym-qatynasty tárbıe­leý úshin bilim berý júıesiniń túrli deńgeılerinde dintanýlyq já­ne dinı bilim berýdi engizý asa mańyzdy. Sebebi, dintaný – qazirgi adam­zat qoǵamynyń keshendik bili­mi men ǵylymynyń mańyzdy salasy», – dedi Ǵ. Shoıkın óz sózinde. Al Din máseleleri jónindegi ǵylymı-zertteý jáne taldaý ortalyǵynyń dırektory Aı­nur Ábdirásilqyzy ótken jyly ózi jetekshilik etetin ortalyq pen eldegi barlyq dintaný kafed­ra­larynyń arasynda yntymaq­tastyq týraly memorandýmǵa qol qoıylǵanyna toqtaldy. «Bul memorandým aıasynda ózara baı­la­nysymyz jandandy. Aqparat­tar almastyq, málimetter jı­naq­tadyq. Bizdiń saıtymyzda dintaný ka­fed­ralarynyń jumystary keńinen nasıhattala bastady. Osyn­­daı zertteý jumystarynyń ná­­tı­jesinde arnaıy kitapsha shy­ǵar­dyq», – dedi Aınur Ábdirásil­qyzy. Onyń aıtýynsha, eń birinshi kezekte mamandar dintaný kafed­ra­lary oqytýshylarynyń sapa­lyq quramyna taldaý jasaǵan eken. «Soń­ǵy jyldary dintaný magıs­tr­­- leriniń daıarlanyp, óndiris­ke aralasa bastaýy, bizdiń kafedra­lardyń jumystaryna edáýir serpin berdi. Buǵan qosa, qazir dintaný kafedralarynda 10 kásibı pán oqytylady. Iаǵnı, kásibı jáne bazalyq pánder barlyq pánderdiń 30 paıyzyn qurap otyr», – dedi ortalyq dırektory. Bul kúngi jıynda sala mamandary otandyq dintaný ǵylymynyń ózekti máseleleri jónindegi oı-paıymdarymen bólisip, dintaný bilimi men ǵylymyn jetildirý jóninde usynystar ázirledi. Láıla EDILQYZY, «Egemen Qazaqstan»