Kishi jumys toby «100 naqty qadam» Ult Josparyn is júzinde iske asyrý maqsatynda Májilis depýtattarynan, memlekettik organdar men úkimettik emes uıymdardyń ókilderinen qurylady.
«Ashyq úkimetti» engizý boıynsha atqarylyp jatqan jumys jóninde Investısııalar jáne damý vıse-mınıstri Sáken Sársenov tanystyrdy. О́ziniń sózinde S.Sársenov Investısııalar jáne damý mınıstrligi tarapynan memlekettik organdardy, halyqty tehnıkalyq, sondaı-aq, aqparattyq qoldaý boıynsha belsendi jumys atqarylyp jatqanyn atap ótti. Sondaı-aq, Investısııalar jáne damý mınıstrligi zańdy oryndaý boıynsha aqparat ıelerin oqytý úshin modeldi alań retinde áreket etýge daıyn ekendigin málimdedi.
Almaty ákimdigi baspasóz qyzmetiniń jetekshisi Gúljazıra Saıdahmedova óziniń sózinde «Aqparatqa qol jetkizý týraly» Zańdy iske asyrý boıynsha Almaty qalasynyń ákimdiginde modeldi alań qurý boıynsha atqarylyp jatqan jumys týraly baıandady.
Otyrysta, sonymen qatar, «Aqparatqa qol jetkizý týraly» Zań erejelerin óńirlerde túsindirý boıynsha halyqaralyq ınstıtýttarmen birlesken jumystyń perspektıvalary talqylandy.
Birinshi semınar-trenıng Ońtústik Qazaqstan oblysynda 28-29 sáýirde ótse, endi mundaı is-sharalar taǵy toǵyz aımaqta josparlanyp otyr.
Otyrys barysynda Kishi jumys komıssııasynyń músheleri «Aqparatqa qol jetkizý týraly» Zań normalaryn jedel iske asyrý bizdiń azamattarymyzǵa ózderine qajetti tolyq, dáıekti aqparatty shuǵyl túrde alýyna, NQA jobalaryn, respýblıkalyq jáne jergilikti bıýdjetterdi talqylaýǵa qatysýǵa, usynystar men usynymdardy engizýge, sondaı-aq, memlekettik organdardyń qyzmetin baǵalaýǵa múmkindik beretinin atap ótti.
Otyrysty qorytyndylaı kele, M.Áshimbaev qaralyp otyrǵan másele jan-jaqty ári nysanaly talqylanǵanyn jáne talqylaý barysynda aıtylǵan barlyq syndarly eskertýler men usynystar Qazaqstanda «Ashyq úkimetti» engizý boıynsha odan ári jumys barysynda eskerilýge tıis ekenin atap kórsetti, dep habarlady Májilistiń baspasóz qyzmeti.