Jarııa etý jumysy jalǵasýda

Keshe Premer-Mınıstr Kárim Másimov selektorlyq rejimdegi kezekti Úkimet otyrysyn ótkizdi. Onda múlikti jarııa etý boıynsha naýqan ótkizý barysy týraly Qarjy mınıstri Baqyt Sultanov málimdedi. Onyń málimetinshe, qazirgi sát­te málimdelgen múlik somasy eli­miz boıynsha 1,4 trln. teńgege jet­ti, onyń 1,2 trln. teńgege jýyǵy ja­rııa etildi. Zańnyń jańa sharttaryndaǵy jumystyń bes aıynda, ıaǵnı 2015 jyldyń 1 jeltoqsanynan keıin 794 mlrd. teńge jarııa etildi, bul naýqannyń barlyq kezeńindegi jalpy somanyń úshten eki bóligin quraıdy, dep atap ótti B.Sultanov. «Túzetýler jarııa etý barysyna jaqsy serpin bergeni kórinip tur. Kezeń boıy naýqannyń múm­kin­dikterin 86 myńǵa jýyq azamat paıdalandy. О́tinishter sany­nyń artýy halyq tarapynan qyzy­ǵýshylyqtyń artqanyn bildiredi», – dedi Qarjy mınıstri. Ulttyq bank tóraǵasy Danııar Aqy­shev naýqannyń áreket etý ke­zeń­inde bankter 910 shot ashyp, olar­ǵa 590,3 mlrd. teńge salyn­ǵanyn aıtty. «Oǵan qosa, arnaıy shottardaǵy barlyq aqshanyń 83%-y aǵymdaǵy jyldyń tórt aıynda jarııa etildi. Osyndaı shot­tarǵa aı saıynǵy aqsha aǵy­my osy jylǵy orta eseppen alǵanda 148 mlrd. teńgeni qura­dy, bul zańnamaǵa engizilgen ózge­ris­terdiń durystyǵyn taǵy da ras­taıdy», dedi naýqanǵa 30 bank pen «Qazposhta» AQ qa­ty­satynyn eske salyp ótken D.Aqy­shev. Orman jáne dala órtteriniń aldyn alý máseleleri boıynsha Ishki ister mınıstri Qalmuhanbet Qasymov baıandady. Mınıstrdiń málimetinshe, jyl saıyn elimizde 4000-ǵa de­ıin orman-dala órtteri oryn ala­dy, olar 180 myń ga.-ǵa jýyq aý­dan­dy qamtıdy, zalal 230 mln. teńgeden asady. «Aǵymdaǵy jyldyń basynan bastap orman qory aýmaǵynda jalpy aýdany 285 ga bolatyn 16 órt tirkeldi, zalal somasy 1,7 mln. teńgeni quraıdy. Dala alaptarynda 2 180 ga kólemdi alatyn 410 órt tirkeldi. Qurbandar men zalaldar joq», dep málimdedi IIM basshysy. «Aǵymdaǵy jyly Qaz­gıd­ro­mettiń málimetinshe, shilde-tamyzda aýanyń ortasha temperatýrasy +30 gradýsqa deıin jetetindigi boljanyp otyr. Oǵan qosa, batys jáne ońtústik oblystarda jaýyn-shashyn tapshylyǵy kútilýde, sondyqtan eldiń birqatar óńirlerinde dala-orman órtteriniń shyǵý qaýpi bar», dep málimdedi Q.Qasymov. Osyǵan baılanysty IIM órt qaýpi bar maýsymda orman jáne dala órtteriniń aldyn alý jáne joıý boıynsha arnaıy jospar jasady. Qazirgi ýaqytta elimiz boıynsha orman-dala órtterin joıý úshin 4779 avtokólik, sýaǵar qurylǵylary bar 11 tikushaq, 47 órt poıyzy jáne 34 myńnan astam adam bólingen. Shekara mańyn­daǵy aýmaqtarda ózara is-qı­myldy pysyqtaý úshin Reseı jáne kórshi elderdiń TJM bólim­she­lerimen taktıkalyq oqý­lar ótkizý josparlanǵan. Q.Qasymov 90% jaǵdaıda ormandar adamdardyń kesirinen janatynyn eske salyp, halyq ara­synda profılaktıkalyq is-sh­a­ra­lardy kúsheıtýge, azamattardy órt qaýipsizdigi erejeleri týraly belsendi aqparattandyrýǵa shaqyrdy. Otyrys qorytyndysy boıynsha Kárim Másimov múddeli memlekettik organdarǵa birqatar tapsyrmalar berdi. «Egemen-aqparat»