Jarystar jańǵyryǵy

Aýyr atletıka.  Tash­kent qalasynda aýyr atletıkadan Azııa chempıonaty aıaqtaldy. Chempıonatqa Qazaqstannan eki sportshy qatysyp, ekeýi de altyn medaldy jeńip aldy. 85 kıloǵa deıingi salmaqta Denıs Ýlanov pen 94 kıloǵa deıingi salmaqta kúsh synasqan Vladımır Sedov Azııa chempıony atandy. Dzıýdo. Germanııanyń Berlın qalasynda Eýropa kýbogy úshin jarys ótti. Bul syn­da  Damır Bolatbekov 50 kılo salmaqta kúmis medaldy ıelendi. Qol kúresi. Tashkent qa­la­synda armrestlıngten jas­ós­pirimder, jastar jáne eresekter arasynda Azııa chempıonaty bolyp ótti. Oǵan 21 memleketten 770 sportshy qatysty. Qazaqstan quramasy 20 altyn medal jeńip alyp, komandalyq esepte birinshi oryndy ıelendi. Boks. Pavlodarda jas­tar arasynda Azııa chempıonaty bastaldy. Oǵan 18 eldiń sport­shylary qa­tysýda. Chempıonat Halyqaralyq boks qaýymdastyǵynyń (AIBA) ere­jesine sáıkes  10 salmaq dáre­jesi boıynsha ótedi.  Jarysqa 15 adam tórelik jasaıdy. Qazaq kúresi. Osy kúnderi elimizdiń ár aımaǵynda «Qazaqstan barysy» týrnırine irikteý jarys­tary ótip jatyr. Almatyda  Vık­tor Demıanenko «Almaty ba­rysy» atansa, Qyzylordada Ela­man Erǵalıev «Syr barysy» týr­­nırin jeńip aldy. Mańǵystaý oblysynda Erbol Igilik «Aqtaý barysy» ataǵyn ıelendi.  Endi olar «Qazaqstan barysy» týrnı­rine qatysady. Velosport. Qyzylordada jasóspirimder arasynda velosporttan qazaqtan shyqqan tuń­ǵysh álem chempıony, KSRO-ǵa eńbegi sińgen sport sheberi Marat Satybaldıevtiń júldesine ar­nalǵan respýblıkalyq velojarys aıaqtaldy. Bıyl jetinshi ret ótken jarysqa elimizdiń 10 oblysynan 17 komanda, 150-ge jýyq sportshy qatysty. 57 shaqyrymdyq toptyq jarysta Gleb Brýsenskıı (Taldyqorǵan qalasy) jeńimpaz atandy. Qyzdar arasynda 24 shaqyrymdyq toptyq jarysta Aqtolqyn Ábdijappar (Qyzylorda oblysy) bas júldeni jeńip aldy. Fýtbol. Qazaqstan premer-lıgasynyń 8-týry ótti. Osy týrdyń basty oıyny «Astana» men «Qaırat» komandalarynyń arasynda boldy. Bul matchta alań ıeleri 1:0 esebimen jeńiske jetti. Basqa kezdesýler mynadaı eseppen aıaqtaldy: «Ordabasy» (Shymkent) – «Aqjaıyq» (Oral) 1:0,  «Tobyl» (Qostanaı) – «Taraz» (Taraz) 1:0,  «Jetisý» (Taldyqorǵan) – «Ertis» (Pavlodar) 0:3,  «Shahter» (Qaraǵandy) – «Atyraý» (Atyraý) 0:0, «Aqtóbe» (Aqtóbe) – «Oqjetpes» (Kókshetaý) 1:0. «Egemen-aqparat»