National Geographic

 tilshisi Qazaqstandy jaıaý sharlap ótedi Pýlıtser syılyǵynyń eki márte ıegeri, dúnıe-­júziniń 30-dan astam tilinde jaryq kóretin AQSh-tyń National Geographic Magazine basylymynyń tilshisi, jazýshy, jıhanger Pol Salopek Qazaqstanǵa jaıaý keldi. Ol aldyna maqsat etip qoıǵan uzaq saıahatyna 2013 jyly shyqqan. О́z jos­pary boıynsha 7 jyl ishinde 35 myń shaqyrym qashyqtyqty júrip ótip, adamzattyń 60 myń jyl­dyq kóshi-qon tarıhyn qaı­talamaqqa bekinipti. Bul saıahatyn áıgili jýrnalıst «Jumaqtan serýendep shy­ǵý» dep ataǵan eken. Jer-jahandy betke alǵan saıahatshynyń sapary Afrıka qurlyǵyndaǵy Efıopııa elinen bastalǵan. Mine, araǵa birneshe jyl salyp, Qazaqstanǵa da jetken. Pol Salopek elimizde eki aıdaı bolýdy josparlap otyr. О́zi qyzmet etetin jýrnalǵa Qazaqstannyń tarıhy men sulý tabıǵaty jaıly maqalalar jarııa­lamaq. Saıahat barysynda halyqtyń turmys-tir­shiligimen ja­qynyraq tanysý úshin qa­ra­paıym tur­ǵyndardyń úı­lerine qo­nyp, olarmen syrlaspaq. Qalalar men aýyldardy, shóldi aımaqtardy, sozylyp jatqan taý-tas, belesterdi kesip ótip, qazaq­tyń dalasy, ondaǵy janýarlar dúnıesi jáne ózge de tabıǵı baılyǵyna da kóz sala jú­rýdi mádenı saparynyń aıasyndaǵy mindetterimen oraılastyrsa kerek. Aıta keteıik, áıgili basy­lymnyń jýrnalısi sapa­rynyń árbir 1160 shaqy­rymyn basyp ótken soń, estigen-bilgenderin, kórgen-túıgenderin qaǵazǵa túsirip, aıaldaǵan jerlerine belgi retinde «jol tasyn» qoıyp otyrýdy ádetke aınaldyryp keledi eken. Aıan ÁBDÝÁLI, «Egemen Qazaqstan»