«Nur Otan» partııasynyń aımaqtyq jáne aýmaqtyq barlyq qoǵamdyq qabyldaý bólmeleri Qazaqstan halqy Assambleıasynyń aımaqtaǵy etnomádenı birlestikterimen úndese otyryp, halyq arasyndaǵy dostyqty, yntymaqty nyǵaıtý jáne turaqtylyqty nasıhattaý maqsatynda jer-jerde «Biryńǵaı azamattardy qabyldaý kúni» respýblıkalyq aksııasyn ótkizdi.
Is-sharaǵa «Nur Otan» partııasy elimizdegi etnomádenı birlestikterdiń ókilderimen birge Parlament Májilisi, oblystyq, aýdandyq máslıhattar depýtattary da qatysyp, shalǵaı eldi mekenderge shyǵyp, azamattarǵa Elbasynyń «Álem. HHI ǵasyr» manıfesi, «Qazaqstan-2021: Birlik. Turaqtylyq. Jasampazdyq» atty saılaýaldy baǵdarlamasyn jáne Qazaqstan halqy Assambleıasynyń saıasatyn jan-jaqty túsindirdi. Sonymen qatar, turǵyndardy jeke máseleleri boıynsha qabyldaýlar júrgizip, kóptegen túıindi máselelerdi sheshýge yqpal etti.
Sonyń ishinde ulttar dostyǵynyń is-sharasyna elimizdegi qazaq, orys, belorýs, ózbek, nemis, uıǵyr, koreı jáne ózge de ulttyq birlestikterdiń ókilderi qatysyp, ózderine júktelgen mindetterdi abyroımen oryndady.
Jalpy alǵanda, ótkizilgen respýblıkalyq aksııada taǵy da ulttar arasyndaǵy tatýlyqtyń, dostyqtyń jáne týysqandyqtyń týy jelbirep turdy.
Asqar QUMARBAI,
«Nur Otan» partııasy respýblıkalyq qoǵamdyq qabyldaý bólmesiniń konsýltanty