QOSTANAI. 4 mamyr. A.Baıtursynov atyndaǵy Qostanaı memlekettik ýnıversıtetinde «Alash» alleıasy ashyldy. Oǵan Alash ardaqtylarynyń árqaısysynyń atyna arnap aǵash kóshetteri otyrǵyzyldy. Bul týraly egemen.kz tilshisi habarlady.
Alash ardaqtysy, ult kósemi Álıhan Bókeıhanovtyń týǵanyna 150 jyl jáne Qostanaı oblysynyń qurylǵanyna 80 jyl tolýyna baılanysty ótken «Álıhan Bókeıhan jáne Alash taǵylymy» atty ǵylymı-praktıkalyq konferensııasy aıasynda taǵy bir ıgilikti shara atqaryldy. Konferensııaǵa kelgen qonaqtar men stýdentter, bilim ordasynyń oqytýshy-professor quramy qazaq zııalylarynyń árqaısysyna, Álıhan Bókeıhanǵa, Ahmet Baıtursynovqa, Mirjaqyp Dýlatovqa jáne Qoshke Kemeńgerdiń qurmetine arnap aǵash kóshetterin otyrǵyzdy.
Ýnıversıtet aldynda oblys ortalyǵynyń kórikti oryndarynyń biri – gúlzar, saıabaq ornalasqan. Onda ult ustazy Ahmet Baıtursynovtyń oıly qarap otyrǵan eskertkishi jurttyń nazaryn erekshe aýdarady. Endi ýnıversıtet aldynan oryn tepken ult qaıratkerlerine arnalǵan alleıa da jastarǵa rýh beretin bolady.
Názıra Járimbetova.
Derek, foto: egemen.kz.