ASTANA. 4 mamyr. Ispanııanyń Sevılıa provınsııasyna qarasty Tomares qalasynda Tragsa kompanııasynyń qyzmetkerleri salmaǵy 600 kılo bolatyn ejelgi tıyndardy taýyp aldy. Bul týraly espanarusa.com-ǵa silteme jasaǵan egemen.kz tilshisi habarlady.
Bir metr tereńdikten Rım ımperııasynyń tıyndary salynǵan 19 qumyra tabyldy. Arheologtar tabylǵan oljany ejelgi tarıhty zertteýde mańyzy zor ekenin aıtty. Mamandar III jáne IV ǵasyrǵa tıesili ekenin málimdedi. Olardyń keıbiri tipti aınalymǵa shyqpaǵan kúıi saqtalǵany belgili boldy.
Sonymen qatar, bul zattardyń tutas bir uıymnyń qarjysy nemese Rım ımperııasynyń áskerlerine arnalǵan jalaqy da bolý múmkindigi joqqa shyǵarylmady. Qazir mamandar osy ispen aınalysýda.
Resmı málimetter boıynsha, tıyndardyń syrtynda Konstantın jáne Maksımılıan ımperatorlardyń tańbalary basylǵan. Qundy dúnıe tek qoladan ǵana emes, kúmisten soǵylǵan degen boljam bar.
Aıan Ábdýálı.
Derek, foto: espanarusa.com.