Statıstıkalyq málimetter dál bolýy kerek

Keshe Premer-Mınıstr Kárim Másimovtiń qatysýymen Statıstıka agenttiginiń keńeıtilgen alqa otyrysy bolyp ótti. Májiliste agenttiktiń ótken jylǵy jumys qorytyndylary talqylanyp, bıylǵy jylǵa belgilengen negizgi baǵyttary men mindetteri anyqtaldy. Atalǵan jıynda negizgi baıandamany Statıstıka agenttiginiń tóraǵasy Álıhan Smaıylov jasady. 2010 jyly agenttikte má­li­metterdi paıdalanýshylardyń statıstıkalyq aqparattarǵa já­ne damýdyń strategııalyq maq­sattaryna qol jetkizýge qa­jet­tilikterin qanaǵattandyrýǵa ba­ǵyt­talǵan aýqymdy jumystar atqarylǵan. Sondaı-aq ótken jyly 189 statıstıkalyq baıqaý ótkizildi. El Prezıdentiniń «Jańa on­jyldyq – jańa ekonomıkalyq órleý – Qazaqstannyń jańa múmkindikteri» atty Joldaýy jáne elimizdiń 2010-2014 jyl­darǵa arnalǵan údemeli ın­dýstrııalyq-ınnovasııalyq damý baǵdarla­ma­synyń iske asy­ry­lýyn monıtorıngileý maq­satyn­da agenttik atal­ǵan baǵdarlama­nyń maqsatty ın­dıkatoryn bildiretin statıs­tı­ka­lyq kórset­kish­ter tizbesin ázir­le­gen. Sony­men birge toq­san sa­ıyn «Qazaq­stan Res­pýb­lıka­sy­nyń 2010-2014 jyl­dar­ǵa arnalǵan úde­meli ın­dýstrııa­lyq-ınnovasııa­lyq damýy­nyń kór­set­kishteri» bıýlleteni qa­lyp­tastyry­l­maq. El Úkimetiniń qoldaýymen agent­tik «e- statıstıka» júıesin iske asyrý boıynsha jumystar júrgizse, bul statıstıkalyq derekterdi jınaý, óńdeý jáne taratý barysyn avtomattandyrýdyń jańa deńgeıin qamtamasyz etýge múmkindik berip otyr. «Derekterdi on-laın rejiminde jınaý», «Aqparattyq taldamaly júıe», «Ákimshilik derekter qory» aqpa­rat­tyq júıelerin jasaý ke­zeń-kezeńmen engizý bastalǵan. Osy rette ótken jylda bolǵan mańyzdy oqıǵalardyń biri – 2009 jylǵy halyq sanaǵynyń sońǵy qorytyndylaryn shyǵarý jáne 2010 jyly 16 jeltoqsanda 16 jınaqtyń jarııa­la­nýy boldy. Qa­zirgi tańda jınaq­tardyń elektron­dy nusqalary agenttik saıtynda ornalasqan. Agenttik 2011 jylǵa Jahan­dyq halyqaralyq salystyrý­lar­dyń kezekti raýndynyń daıyndyq is-sharalaryn iske asyrý, kom­mersııalyq jyljymaıtyn múlik­ti jalǵa berý baǵalaryna sta­tıs­tıkalyq eseptilik engizý sekildi jumystardy josparlasa, bıyl­ǵy 1 shildeden bastap Keden odaǵy aıasynda kedendik resimdeýdi joıý jaǵdaıynda ózara saýda boıynsha jańa statıstıkalyq baıqaý júr­gizý de agenttiktiń aldaǵy ýaqytta atqarar jumystary qatarynda tur. Sonymen qatar «Mýltı-ın­dıkatorlyq klasterlik zert­teýdiń» 4-shi raýndynyń qory­tyn­dylaryn shyǵarý jumys­taryn aıaqtaý men ózge de ma­ńyzdy mindetterge qol jetkizý josparlanǵan. Basqosýda vedomstvo basshysy Á.Smaıylov elimizdiń statıstı­ka­lyq júıesin jetildirý úshin 2010 jyly Búkilálemdik bankten 20 mln. dollar kóleminde zaem alý boıynsha jumystar bas­talǵa­nyn, sondaı-aq joba­nyń negizgi maqsaty respýblı­kanyń barlyq statıstı­ka­lyq júıesin, onyń ishin­de statıs­tıkalyq jumys­taryn halyqara­lyq tájirıbe­ler­ge sáıkes jetildirý bolyp ta­by­latynyn aıt­ty. Agenttik tór­aǵasynyń aı­týynsha, osy kún­deri joba Ekonomıkalyq damý jáne saýda, Baılanys jáne aqpa­rat mınıstrlikteriniń ekono­mı­­ka­lyq oń baǵalaýyn alǵan. Qar­jy mı­nıstrliginiń barlyq eskertpeleri joıylsa, endi Búkil­álemdik bankpen kelissózderdi bastaý úshin Respýblıkalyq bıýdjettik ko­mıs­sııa­nyń sheshimi qajet eken. Statıstka agenttiginiń alqa oty­rysyn qorytyndylaǵan Pre­mer-Mınıstr Kárim Másimov qazirgi tańda elde «Elektrondy Úkimetti» damytý máselesine basa kóńil bólinip otyrǵanyn jáne buǵan qajetti resýrstar da jetkilikti ekenin aıta kele, Statıstıka agenttigi bul rette bazalyq máli­metterdiń birkelki bolýyn nazarda ustaýy qajet ekenin jetkizdi. Sonymen birge ol agenttik ókil­deriniń statıs­tıkalyq málimettiń barynsha dál jáne birkelki bo­lýyna kúsh jumyldyrǵandary abzal degendi de qaperge sala kelip, statıs­tıkalyq málimet neǵurlym dál bolsa, basqarý sheshimi de soǵur­lym týra bolady degendi de nazardan tys qaldyrmady. Otyrysta Úkimet basshysy Statıstıka agenttiginiń aımaq­tardaǵy ókildikteriniń jergilikti atqarýshy organdar tarapy­nan qysym kórip otyrǵanyn , osy tusta olardyń jergilikti bılik tarapynan sóz estigisi kel­meıtinin aıta kele, soǵan qa­ramastan agenttik ókilderine óte dál jáne týra aqparat berý­diń mańyzdy ekenin mindettedi. О́ıtkeni elimizdiń qandaı da bir aımaǵynda, máselen, baǵanyń ósý jaǵdaılary oryn alǵan kezderde biz atalǵan másele boıyn­sha jedel sheshim qabyldaı alýy­myz kerek, dedi Kárim Qa­jymqanuly. Alqa májilisiniń qorytyn­dysynda Úkimet basshysy men agenttik tóraǵasy arasyndaǵy 2011 jyly agenttiktiń aldyna qoıǵan maqsattary men mindetterine qol jetkizýine baǵyttal­ǵan memorandýmǵa qol qoıyldy. Ábdirahman QYDYRBEK.