Apattyń sebebi zerdelenýde

Qańtardyń saqyldaǵan sary aıazynda jurtty ábigerge salǵan Sha­ryn ózeni búgin óz arnasyna túsip, jaılana aǵyp jatyr. Árıne, aýyl turǵyndary japa shekti, «óz úıi, óleń tósegin» tastaýǵa májbúr boldy. Desek te sharyndyqtarǵa kó­mek der kezinde kórsetilip, qut­qarý sharalary jumyldyryldy. Sharyn aýylyna 21 qańtar kúni Premer-Mınıstrdiń birinshi oryn­basary О́mirzaq Shókeev kelip, apat­tyń oryn alýyna sebepker bolǵan Sharyn ózenindegi temir jol kópiri qurylysy júr­gizilgen qosalqy  arna jumysy­men tanysty. Eldi mekendi muz­dan tazartý, jaǵany bekitýge ob­lys bıýdjetinen bólingen 30 mln. teńgege qosymsha aýdannan 60 mln. teńge qarjy qarastyrylǵan. Úkimet basshysynyń orynba­sa­ry jasalyp jatqan dambany kó­rip, apattyń sebep-saldaryn ta­ra­zylady. Sý shaıǵan turǵyn úılerdi aralap, halyqpen pikirlesken О́mirzaq Shókeev, respýblıkalyq komıssııa músheleri, oblys ákimi Serik Úm­betov, jergilikti turǵyndardyń qa­tysýymen keńes ótkizip, oqıǵa egjeı-tegjeıli tekserilip, aıyp­ty­lar jazalanatynyn, basqa da óti­nish-tilekter óńir basshysymen birlese sheshiletinine sendirdi. Jıynda osy oqıǵanyń basyn­da júrgen oblys ákiminiń birinshi orynbasary Amandyq Batalov 7 úı aǵymdaǵy, 1 úıge kúr­deli jóndeý jumystary júrgi­zile­ti­nin jetkizdi. Sý kirgen shetki kóshelerdegi 243 úıdiń aýlasy men kósheleri muzdan tolyq tazartyl­sa, t­urǵyndarǵa 104 tonna kómir, 40 tekshe metr otyn, 118 qap un, 400-ge jýyq etik, kúrteshe, 2 tonna qus eti men taǵy basqa qajettilikter berilgen. Budan keıin О́.Shókeev Balqash aýdanyndaǵy «Dınara-Rancho» JShS-degi asyl tuqymdy mal sharýa­shylyǵynyń etti baǵyttaǵy gereford tuqymy men qazaqtyń aqbas sıyryn ósirýdegi tıimdi jo­banyń iske asyrylýymen tanysty. Mundaǵy bir buqanyń sal­maǵy 1 tonna 200 kılo. О́ndiristik kooperatıv aýyl halqyn jumys­pen qamtýmen qatar qus ósirýdi de qolǵa alǵan. «Dınara Rancho» kooperatıvin aralaǵan jumys toby iri qara etiniń eksporttyq áleýetin arttyrý taqyrybynda aımaqtyq semınar ótkizip, asyl tuqymdy mal ósirý, etti eks­porttaý, qarjylandyrý jónindegi túıindi máselelerdi ortaǵa saldy. Kúmisjan BAIJAN, Almaty oblysy.