Memleket basshysy N.Á.Nazarbaev qazaqtyń kórnekti aqyny, Memlekettik syılyqtyń laýreaty Qadyr Myrza Áliniń ómirden ozýyna baılanysty marqumnyń otbasy men týǵan-týystaryna kóńil aıtý jedelhatyn joldady, dep habarlady Qazaqstan Respýblıkasy Prezıdentiniń baspasóz qyzmeti.
Elbasy jedelhatta ardaqty aqynnyń dúnıeden ótýi qazaq ádebıeti úshin orny tolmas qaza ekenin, onyń azamattyq, patrıottyq taqyryptarǵa jazylǵan, fılosofııalyq túıindeýlerge qurylǵan jyrlaryn halqymyzdyń súıip oqıtynyn atap ótken.
«Qadyr Myrza Áli tek qalamgerlik qaıratymen ǵana emes, bıik azamattyq bolmysymen, eńbeksúıgishtik qasıetimen de jurtshylyqqa jaqsy úlgi edi. Halqymyz onyń jarqyn dıdaryn, tapqyr da shýaqty ázilin sózsiz saǵynatyn bolady. Qadyrdaı aqynnyń ómiri onyń júreginiń toqtaýymen aıaqtalmaıdy, endi onyń shyǵarmashylyq mol murasynyń máńgilik ǵumyry bastalyp, baıanyn taba beretini sózsiz», delingen jedelhatta.