Keshe Parlament Senatynyń Tóraǵasy Qasym-Jomart Toqaevtyń tóraǵalyq etýimen bolǵan Parlament Senaty bıýrosynyń otyrysynda palatanyń 27 qańtarda bolatyn jalpy otyrysynyń kún tártibin qalyptastyrý týraly turaqty komıtetterdiń usynystary qaraldy, dep habarlady Senattyń baspasóz qyzmeti.
Palata otyrysynda talqylaýǵa «1997 jylǵy Iаdrolyq zalal úshin azamattyq jaýapkershilik týraly Vena konvensııasyn ratıfıkasııalaý týraly (12.09.1997 j. Hattamamen engizilgen túzetýlermen 21.05.1963 j. Iаdrolyq zalal úshin azamattyq jaýapkershilik týraly Vena konvensııasynyń jıyntyq mátini)» zań jobasy usynylatyn boldy.
Sonymen qatar, «Ǵylym týraly» jáne qoldanystaǵy zańnamalarǵa ǵylym máseleleri boıynsha ózgerister engizý týraly zań jobasy da depýtattar nazaryna usynylady.
Otyrysta sondaı-aq keıbir zańdarǵa sharýa nemese fermer qojalyǵy týraly ózgerister engizýdi kózdeıtin zań jobasy boıynsha qurylatyn kelisim komıssııasynyń quramyna depýtattar óz áriptesterin saılaıdy.
Bıýro otyrysynda Senattyń 2011 jylǵa arnalǵan negizgi sharalar jospary da qaraldy.