Alashqa arman bolǵan

Táýelsizdik  – taǵdyrymyz Elimizdegi oń ózgeristerdi qalt jibermeı, oǵan ún qosýdy murat etken­der­diń nıetine rıza bolasyń. Osyndaı jandar qatarynda tilshiler qosy­ny­na arnaıy kelgen oralman qanda­sy­myz Márııa Mámıqyzynyń usynysyn qabyl aldyq. Bar ǵumyryn sahnada ótkizip, áýezdi ánimen halyqty tánti etken jan atamekenge kelgennen keıin de mamandyǵy boıynsha eńbegin jal­ǵastyrǵan. Oraıy kelgende «Táýelsizdik sizge ne berdi?» degen saýa­lymyzǵa irkilmegen ol áńgimesin áserli sabaqtady. – Men úshin  ótken jyl – erek­she jyl bolǵanyn aıtaı­yn. Sebebi, tamyz aıynda Elbasy Nur­sultan Nazarbaevpen ob­lys­qa kelgen saparynda júz­de­sýdiń sáti tústi.  Bul kezdesýdiń  oı­lamaǵan jerden oraıy keldi. Elbasy «halyqpen kezdesedi» degendi estigen soń, baıyz taý­yp úıde otyra almaı, jurtpen birge sonda bardym. Nópir ha­lyqtyń aldyna qalaı shyǵyp alǵanymdy  bilmeımin. Ol bir qas-qaǵym sát bolsa da, Prezıdentke  el jaıyn, Otanyna oral­ǵan aǵaıyndardyń áleý­met­tik-turmystyq ahýaly kún ótken saıyn jaqsarǵanyn aı­typ úl­gerdim. Árdaıym  qol dorbamda júretin joldasym, belgili kompozıtor, dırıjer, eńbek sińir­gen óner qaıratkeri, marqum Ahmetbek Álpek­uly­nyń Elbasyna arnap jazǵan «Táýelsiz Qazaq­stan» atty mý­zykalyq shy­ǵar­masyn usynyp úlgerýimniń ózi men úshin baqyt boldy. Osyndaı qysqa ýaqytta mar­qumnyń ózi tapsyra alma­ǵan amanatyn oryndaýdyń ózi qan­daı  ǵanıbet! Sol kezde moı­ny­m­nan aýyr júk  túskendeı boldy. Bul mýzykalyq týyndy –  «Táýelsiz Qazaqstan»  hor, solıst, orkestrge arnap ja­zylǵan edi. Jýyrda osy shy­ǵar­ma Astana qalasy  fı­lar­mo­nııasynyń repertýaryna engizilgenin estip, taǵy bir mar­qaı­dym. Elimizde atqarylyp jatqan jaqsy isterdiń, sara da syn­darly saıasat pen  baıandy bas­ta­­malardyń,  tipti, sheteldegi  uly kóshtiń elge burylýynyń bar­lyǵy   tikeleı Elbasy qam­qor­lyǵynyń   arqasy.  Mundaı jetistikke tek táýelsizdik ar­qy­ly qol jetkizilgenin  óz ómi­riń arqyly kún saıyn sezi­ný­diń ózi qandaı ǵanıbet. Mine, Táýelsizdiktiń 20 jyl­dyǵy qarsańynda qazaq­stan­dyqtar ár kúnderin biregeı istermen atap ótýde. Tal­dyqorǵan qalasy kórkeıgen ásem Astana­nyń jaqsylyq­ta­ryn enshilep, odan úlgi alyp, ósip, órkendeýde. Shahardyń ke­shegisi men búginin salys­ty­rýǵa kelmeıdi. Ertegidegideı túrlengen qalada kóp jyl­ǵy eń­begimniń zeınetin kórip, ba­lalardyń amandyǵyn tilep otyr­ǵan jaıym bar. El ómi­rindegi mereıli sátter meni úıde baıyz taýyp otyrǵyzbaı, eli­mizdiń bas gazeti qosynyna jeteledi. Men nege jaqsylyǵymdy halqymmen bólispeımin. Jýyrda  yntaly  toptyń О́s­­kemende Tuńǵysh Prezı­denti­mizdiń ókilettigin 2020 jyldyń 6 jeltoqsanyna   deıin uzartý  jó­nindegi respýblıkalyq referendým ótkizý  týraly bas­tamasyn qýana quptap, qýat­taı­myz. Biz Elbasymen birgemiz. Iá, qoǵamdyq pikir – qo­ǵam­­daǵy qozǵaýshy kúsh desek, má­denıet qaıratkeriniń áń­gi­me­­si­nen halyqtyń Memleket bas­shy­syna degen qaltqysyz kóńi­lin kóremiz. Demek, el irgesi berik. Jazyp alǵan Kúmisjan BAIJAN, Almaty oblysy.