Qazaqstandyqtar N.Nazarbaevtyń prezıdenttik ókilettigin uzartýdy qoldaıdy

Elbasymen birgemiz!

Halyq qalaýy – bolashaqqa baspaldaq Nursultan Nazarbaevtyń bas­shy­lyq etýimen Qazaqstan barlyq áleýmettik mańyzy bar salalarda qarqyndy serpilis jasady, dep málimdedi jýyrda Reseı úkimetiniń basshysy Vladımır Pýtın. Máse­len, eldegi búgingi bilim berý júıe­sin jetildirýdiń onjyldyq baǵ­dar­la­masy ınnovasııalyq damýǵa kó­shý­diń basty talaby – kadrlyq áleýetpen qamtamasyz ete otyryp, Qazaqstandy jańa ekonomıkalyq órleýge bastamaq, dep esepteıdi V. Pýtın. Sondaı-aq, Rosbalt agenttigi Reseı úkimeti jetekshisiniń «Osy eldiń halyqaralyq dáre­je­degi bedeli de aıtarlyqtaı ósti», – degen pikirin de jarııa etti. V. Pýtın ásirese Qazaqstan basshy­ly­ǵynyń aýyr kúızelis jyldarynda qolǵa alǵan is-sharalaryn erekshe atap ótti. «Eki eldiń arasyndaǵy taýar aınalymy ulǵaıyp keledi, biz daǵdarystan daǵdarǵan kezeń­nen shyqtyq. Biz, Qazaqstan Prezı­dentiniń ǵalamdyq daǵdarystyń saldarlarymen kúrestegi erik-jigerine rızamyz», – depti reseılik premer-mınıstr Rosbaltqa bergen suhbatynda. Jasyratyny joq, ǵalamdyq eko­nomıkalyq daǵdarys aıaqtal­ma­ǵan jáne álemdegi geosaıası turaq­syzdyqtyń aýmaǵy keńeıgen ke­zeń­de Qazaqstanǵa kúshti de tıimdi kósh­basshylyq aýadaı qajet. О́ıt­keni, sońǵy jyldardaǵy ekono­mı­kalyq qıynshylyqtar kóptegen elderdi taqyrǵa otyrǵyzyp tastady. Tipti, olardyń keıbireýleri áli kún­ge deıin úlken qıynshy­lyq­tardy bastan keshýde jáne ǵa­lam­dyq qarjy daǵdarysynyń jańa tolqynynan úreılenýde. Álemdegi kóptegen elderdiń ekonomıkalyq tyǵyryqqa tirelgenimen salys­tyr­ǵanda, Qazaqstan quldyraýdy al­ǵashqy bolyp quryqtaǵan elderdiń qataryna jatady. Mysalǵa, aldyn-ala jasalǵan boljam boıynsha, 2010 jyly IJО́ ósimi 7 paıyzǵa jýyqtady. Mundaı kórsetkish Mem­leket bas­shy­sy Nursultan Na­zar­baevtyń eko­nomıkalyq saıa­sa­tynyń tıimdiligi men ómirsheńdigin dáleldeıtini sózsiz. Iаǵnı, kózi ashyq, kókiregi oıaý qa­zaqstandyqtardyń barlyǵy qaı kezde de óziniń kósh bastaýshy Prezıdentin qoldaıtyny anyq. Osy turǵydan alǵanda, Prezıdent óki­let­tigin uzartýdy kózdeıtin referendým ótkizý jónindegi bastama da­mýymyzdyń joǵary qarqynyn saqtaýǵa jáne bizdiń elimizdiń álem­niń ındýstrııalyq aldyńǵy qatarly memleketteriniń tobyna qosylýyna serpindi qadam jasaýyna berik negiz qalaıdy degen sóz. Qazaq­stan­dyqtardyń Ult Kóshbasshysyna taǵy bir on jylǵa el bıleýge senim ar­týy – Memleket basshysynyń 2020 jylǵa deıin elimizdi da­my­týdyń strategııalyq baǵdar­la­ma­syn júzege asyrýyna qolaıly jaǵ­daı týǵyzatyny belgili. Qazaqstannyń halqy basqa pos­ke­ńestik elderdiń halqymen salys­tyrǵanda, saıası bılikti aýys­ty­rýǵa áýestenbegeni ras, deıdi belgili saıasattanýshy, «Izvestııa-Qa­zaqstan» gazetiniń bas redaktory Edýard Poletaev. Qazaqstandyqtar bıliksiz qalǵan kezeńdi, saıası dúdá­maldyqty basynan keshpegendikten birlikti qalaıdy, referendýmdy ótkizý bastamasyn jaqtaıdy, deıdi saıasattanýshy. «Mysalǵa, mem­leket­tiń birinshi basshysynyń ár­bir aýysýy tóńkerispen, buzaqy­lyq­pen, quldyraýmen júzege asa­tyn kórshiles Qyrǵyzstandy alaı­yq. О́tken jyldyń sáýir aıynda prezıdent Qurmanbek Bakıev taǵy­nan taıdyrylǵan soń Qyrǵyzstan saıası daǵdarysty basynan keshirýde. Q.Bakıevtiń bıligi toqtatylǵan­nan keıin, eldiń ońtústiginde qyr­ǵyz jáne ózbek qaýymdarynyń arasynda qandy qaqtyǵystar oryn aldy. Almazbek Atambaev basshy­lyq etetin qazirgi úkimet eldegi ahýaldy turaqtandyrýǵa tyrysýda, alaıda jaǵdaı áli de ýshyqqan kúıinde qalyp otyr. Sondyqtan, Qazaqstannyń halqy saıası haos­tyń eshqandaı da jaqsylyq alyp kelmeıtinin jaqsy túsinedi», – deıdi Edýard Poletaev. Shynynda da saıası tańdaý ja­saýdaǵy sharasyzdyqtyń sońy óki­nishti jaǵdaılarǵa uryndyrýy áb­den múmkin. Sondaı kemshilikti biz kórshilerimizden kórip otyrmyz. Budan shyǵatyny, qazaq qoǵamyna elimizdegi etnıkalyq jáne áleý­met­tik toptardy biriktire alatyn qaıratty da qabiletti kóshbasshy kerek. Memleket basshysy Nursul­tan Nazarbaevtyń saıası baǵyty osy turǵydan alǵanda el halqy­nyń basym bóliginiń qoldaýyna ıe. Bir ǵana mysal aıtaıyq. Ulttyq birlik pen saıası turaqtylyqtyń ar­qasynda Qazaqstan óziniń aldyn­daǵy strategııalyq mańyzy zor ǵalamdyq máseleni iske asyra aldy. Ol – 2010 jyly ótken Eýro­padaǵy qaýipsizdik jáne yntymaq­tastyq uıymynyń Astanadaǵy 7-shi sammıti. Al, referendýmdy ót­kizý qazaqstandyqtardyń osynaý tarıhı jetistigin bekitip, stra­te­gııa­lyq damýynyń jańa kók­jıek­terin anyqtap alýyna múmkindik beredi. Qarapaıym halyq prezıdenttiń bılikte qalǵanyn qalap otyr, deıdi senator Serik Aqylbaı. О́ıt­keni, bılik ózgergen kezde, saıasat ta ózgerip ketedi. Memleket bas­shysynyń búgingi saıasaty – elimizdegi ultaralyq tatýlyq, dinaralyq syılastyq, ekonomıkamyzdyń qa­rysh­tap damýy, ınnovasııalyq teh­no­logııalardyń kelýi – bunyń bar­lyǵy biz úshin keremet alǵa jyljý bolyp otyr. Osyny qarapaıym qara halyq túsinip, referendým ótkizý týraly bastama kó­te­rýde. «Buryn bı­liktiń ishinde bo­lyp, búgin bıliksiz qalǵan keıbir oppozısıonermiz dep júrgender saılaýda bir jerge ótsek, bir orynǵa talassaq eken deıtin shy­ǵar. Biraq, halyqqa turaqtylyq, tynyshtyq, bereke kerek. Iаǵnı, referendým – bul joǵarydan emes, tómennen bastalǵan úrdis. Ha­lyq­tyń osyndaı umtylysyn kór­gen­nen keıin, Parlamentte bizdiń úndemeı otyrǵanymyz durys emes. Biz halyqtyń qalaýymen birden kelistik. Konstıtýsııaǵa sáıkes, tek zańdy turǵyda referendým ótkizý týraly ózimizdiń qadamymyzdy jasadyq. Meniń oıymsha, bul óte durys qadam. Sebebi, Elbasy óziniń bastaǵan isin 2020 jylǵa deıingi ekonomıkalyq damý baǵdarlama­myzdy ózi aıaqtaǵany durys», – deıdi Serik Aqylbaı. Prezıdenttiń ókilettigin uzar­týǵa referendým ótkizýge qajetti negizgi ıdeologııalyq dáleldiń biri – 2010 jyly maýsym aıynda qa­byldanǵan «Qazaqstan Res­pýb­lıkasynyń Tuńǵysh Prezıdenti – Ult Kóshbasshysy tý­ra­ly» Zań. Úńilip qa­rasaq, qazaq­stan­dyqtardyń erekshe senimine kirgen M­em­­­leket basshy­sy­na res­mı mártebeniń berilýiniń ózi – halyq­tyń kezekti pre­zıdenttik saılaýǵa muqtaj emes­tigin kórsetedi. Máse­len, qazirgi kezde áleýmettik zert­teýlerdiń qorytyndysy boıynsha, Qazaqstan halqynyń 95 paıyzdan astamy Nursultan Nazarbaevqa senetinin rastaǵan. Respýblıka aza­mat­tarynyń 90 paıyzdan astamy Mem­leket basshysynyń bılik ba­syndaǵy atqarǵan qyzmetin joǵary baǵalaıdy. Osy jerde salystyra ketelik. Qazaqstan turǵyndarynyń elimizdegi basqa saıasatkerlerge degen senimi óte tómen, olardy qol­daıtyndardyń kólemi 5 paıyzdyq deńgeıden aspaıdy. Sózdiń toq eteri sol, qazirgi tańda Qazaqstanda pre­zıdent saılaýyn ótkizý óziniń burynǵy maǵynasyn joǵaltty. О́ıt­keni, qoǵamda da, saıasatta da Nur­sultan Nazarbaevqa balama bo­latyn birde-bir adam joq. Bul aqı­qatty sanaly azamattar da, sheteldik saıasatkerler men sarapshylar da tolyq moıyndap otyr. 2012 jyly Qazaqstanda referendým óte me, álde, saılaý óte me báribir Nursultan Nazarbaev prezıdenttik ókilettigin saqtap qala­dy, deıdi qazaqstandyq saıasattaný­shy Edýard Poletaev. «Búgingi Pre­zı­dentti halyqtyń basym kóp­shiligi qoldaıtyndyqtan, ol kez-kelgen jaǵdaıda – saılaý bolsyn, referendým bolsyn tolyq jeńiske jetedi. О́ıtkeni, Nursultan Nazarbaev óziniń kóshbasshy ekenin keńes zamanynda-aq dáleldegen adam. Ol qatal partııa mektebiniń synynan súrinbeı ótti. Nursultan Nazar­baevty burynǵy KSRO-nyń memleketterinde bılikke kele sala odan aırylǵan saıasatkerlermen salys­ty­rýǵa kelmeıdi», degen pikirde E.Poletaev. Sondaı-aq, Qazaqstan­da­ǵy prezıdenttik saılaýdy referendýmmen aýystyrý bastamasy batys elderinde eshqandaı da tańdanys týǵyzǵan joq, deıdi ol. Sózimizdi qoryta kelgende aı­ta­rymyz, referendýmnyń nátı­je­le­ri Memleket basshysynyń búgingi saıasatyna halyqtyń senim arta­ty­nyn kórsetip, elimizdiń saıası ke­ńis­tiginde múldem jańa joldy qa­lyptastyrady. О́ıtkeni, aldaǵy on­jyldyqta ǵalamdyq qaýip-qater­lermen bilek sybanyp kúresýi úshin qazaqstandyqtarǵa tájirı­beli kóshbasshy, abyroıly saıasatker qajet. Al ulttyń óz Kósh­basshysynyń tóńiregine toptasýy – Qazaqstanǵa halyqaralyq dáre­jedegi bedelin saqtap qalýǵa ǵana emes, sondaı-aq óziniń ishki saıasatyndaǵy jetistikterin baıandy etýge de jol ashady. Tańatar TABYNULY. Álemdi nurǵa bólegen Táýelsiz elimizdiń Eýropadaǵy qaýipsizdik jáne yntymaqtastyq uıymyna tóraǵalyq etýi Qazaq­stan­nyń álemdik arenadaǵy aby­roıy men bedelin arttyra tústi. Eger tarıhqa kóz jibersek, on to­ǵyz jylda bir memlekettiń eko­no­mıkalyq-áleýmettik, qoǵamdyq-saıa­sı baǵyttarda tabysty is júr­gizýi sırek qubylys. Máselen, álemdi jaılaǵan qarjy daǵdarysy kezinde Qazaqstan halqy tarshylyqtan taryǵyp, joqshylyqtan júdegen joq. Kerisinshe, zeınetaqy, jár­dem­aqy jáne jalaqyǵa Elbasynyń Joldaýynda atap kórsetken mól­sherde tıisinshe ústemeler qosyl­dy. Sóz ben istiń arasynda esh­qandaı alshaqtyq bolǵan joq. Burynǵy Keńes odaǵynyń qu­ramynda bolyp, sonyń bıligimen ǵana ómir súrip kelgen elimiz az ýaqyttyń ishinde eńsesin tik kóte­rip, kórshi el syılap, áriptesteri sa­nasatyn qabyrǵaly elge aınaldy. Bul Qazaqstan Respýb­lı­ka­sy­nyń Prezıdenti Nursultan Ábish­uly Nazarbaevtyń sara basshy­ly­ǵy arqasynda saıasat sahnasynda jetken jetistikterimiz ekeni daý­syz. Sammıt jıynyn telearnadan basynan aıaq kórdim. Ásirese, qaty­sýshy elder osy bir uıymnyń jal­py álemdik arenadaǵy rólin kóte­rýge asa asyǵa qoımaıtynyn da tanytty. Degenmen, Sammıttiń jan-jaqty oılastyrylyp uıym­das­tyrylýy, talqylanatyn máse­le­lerdiń tolyqqandylyǵy kóp­te­gen joǵary dárejeli laýazym ıe­leriniń sózderinen ortaq múdde tur­ǵysyna qaraı oıysyp, bir ar­naǵa toǵysty. Uıym tóraǵasy retinde Qazaqstan usynǵan Astana Deklarasııasynyń qabyldanýy Qa­zaq­stannyń, onyń beıbitsúıgish halqynyń abyroıyn álem aldynda asqaqtatyp tastady. Sóıtip, álem Qazaqstandy taǵy bir márte moı­yn­dady. О́ziniń san ǵasyrlar boıy qalyptasqan tarıhı tulǵasy bar el ekenin dáleldedi. Al, Sammıtke qatysýshy elderdiń ishinde talaı alpaýyttardyń bar ekeni ózinen-ózi belgili. Men seksenniń seńgirine kelgen adammyn. Buryn oblys deńgeıinde basshylyq qyzmette bolyp, Elbasymen kezdesken sátterim de kóp boldy. Elbasynyń baıyp­ty­ly­ǵy, bilimdiligi men kez kelgen máseleni talqylaýdaǵy daralyǵy erekshelenip turady. Dana halqy­myzda «Ákeden ul týsa edi, áke jolyn qýsa ıgi edi» degen qanatty sóz bar. Bul halqyna qalqan bol­ǵan, eli súıenetin arqa bolǵan, Nursultandaı nar uldarǵa, nar­tul­ǵalarǵa arnalsa kerek. Halqynyń qamyn jegen, bolashaqtyń kemel keleshegin oılaǵan, parasattylyq pen batyldyq, kóregendik pen ke­meń­gerlikti tý etip ustaǵan Elba­sy­nyń saıasatyn biz árqashan qoldaımyz. B.SAQAÝOVA,  eńbek ardageri.  Almaty oblysy. Kemel oıdyń ıesi Otanymyzdyń júregi, halqy­myz­dyń tiregi, gúl jaınaǵan Astanada 1-2 jeltoqsanda ótken Qazaq­stannyń Eýropadaǵy qaýipsizdik jáne yntymaqtastyq uıymyna tór­aǵalyq etýin qorytyndylaǵan Sammıt elimizdiń mártebesin kóte­rip tastady. Bizdiń álem bas qosqan jıyn­nyń osylaı joǵary dárejede óte­tin­digine kúmánimiz bolǵan joq. Ázir­lik jumystarynyń asa zor yj­daǵat­tylyqpen júrgizilgenin gazet betterinen, telearnalardan be­rilgen habarlardan estip, bilip otyrdyq. Álemdik alqaly jıynda kóp­te­gen elder basshylarynyń sózderi Qazaqstannyń Eýropadaǵy qaýip­siz­dik jáne yntymaqtastyq uıy­my­na tóraǵalyǵy kezinde jetken jetistikterin saralaı aıtyp, oǵan saıası baǵa da berip jatty. Bul uıy­mnyń aldaǵy ýaqytta qandaı joldy jáne qandaı saıasat ustanýy qajettigin belgilep bergen kezeń boldy desek, artyq aıtqandyq bolmas edi. Elbasynyń taıaý jyldary yn­tymaq pen beıbitshilikti saqtaý ba­ǵytyndaǵy jumystary eń birinshi Qazaqstandy beıbitshilikti súıe­tin, yntymaqty qoldaıtyn mem­leket ekendigin álem aldynda pash etti. Taýly Qarabaq pen Grýzııa, Armenııa men Ázirbaıjan, kórshiles Qyrǵyz elindegi janjaldar men qyrqysýlardyń aldyn alý, bitimgershilik jolynda júrip, olardy beıbit mámilege keltirý Elbasy­nyń asqan parasattylyǵy men asa sheber saıasatker ekenin dáleldep berdi. О́zgeniń tilin tabý ońaı emes. Alaıda, Qazaqstan Respýb­lı­ka­synyń Prezıdenti Nursultan Ábish­uly Nazarbaev ózge ult­tar­dyń ózekti máselesin beıbit jolmen sheshýge atsalysty, bel orta­synda júrdi. Bolmasty boldyrdy, ıilmesti ıdirdi, bura tartqandy kúrejolǵa saldy. Sammıtte ózderin alpaýyt elderge sanaıtyn keıbir memleket basshylary jeme-jemge kelgende ke­ritartpa oılaryn da bildirip qalýǵa tyrysty. Biraq, qaralǵan má­selelerdiń adamzat balasyna or­taqtyq mańyzy oǵan jol bergen joq. Sammıt aıasynda Astana Dek­la­rasııasynyń qabyldanýy óz táýel­sizdigin alǵan jas el bolsa da, Qa­zaqstandy álemdik mańyzdy máse­lelerdi sheshýde negizgi rólderdi sátti oınaı biletin, jaýapkershilikti atqara alatyn memleket retinde tanytty. Tipti, dúnıe júzi, atap aıt­qanda, qurylyqtardy bóle-jar­maı-aq, birtutas baǵyttardy tal­qy­laýda da óziniń ustanymy bar eke­nin aıqyndap berdi. Bul beıbitshilikti saqtaýdyń tetigi ekeni sózsiz. Sammıttiń tabysty ótýi biz sııaqty kópti kórgen kónekóz adamdar úshin de qýanysh, maqtanysh. О́ıtkeni, el bolashaǵy senimdi, aby­roıly qolda ekenine kózimiz jetti. Elbasynyń sarabdal saıasatyna kámil senimmen qarap, ony ár­daıym qoldaýǵa ázirmiz. Sammıttiń óte sátti qory­tyn­dylanýy Qazaqstan Elbasynyń arqasynda eger jaýapkershilik júk­tele qalsa, Eýroatlantıkalyq jáne Eýrazııa aýmaǵynda bitimgershilik mıssııalardy júrgize ala­tyn­dyǵyn kórsetti. 2011 jyly Elbasyn Islam Konferensııasy Uıymyn basqarýǵa shaqyrýy da tegin bolmasa kerek. Oǵan Elba­synyń úlken abyroımen jetekshilik jasaıtynyna esh kúmán joq. E.DALBAǴAEV, Almaty oblystyq aqsaqaldar alqasynyń tóraǵasy. Rektorlar qaýymdastyǵy koalısııaǵa  qosyldy «Nur Otan» ha­lyq­tyq-demo­kratııalyq par­tııa­sy­nyń bas­ta­ma­symen demokratııalyq kúshterdiń jalpyulttyq «Qazaq­stan-2030» koa­lısııasy qurylǵany belgili. О́z aldyna Ult Kósh­bas­shy­synyń óki­lettigin uzartý jóninde referendým ótkizýdi qoldaý maq­satyn qoı­ǵan nurotandyqtardyń úndeýinde barlyq saıası partııalar, úkimettik emes uıymdar, qoǵamdyq birlestikter úshin jáne elimizdegi «tu­raqtylyq, kelisim, progress pen modernızasııa  qymbat» dep esepteıtin árbir azamat úshin koalısııa esiginiń aıqara ashyq ekendigi aıtylǵan. «Nur Otan»» halyqtyq-de­mo­kratııalyq partııasynyń bul bas­ta­ma­syn qyzý qoldaǵan Almaty qa­la­sy joǵary oqý oryndary rektor­larynyń keńesi de osy koalısııaǵa qosylýǵa ynta bildirip, Abaı atyndaǵy Qazaq Ulttyq peda­gogıkalyq ýnıversıtetiniń májilis zalyna jınaldy. – Búgingi basqosý – «Nur Otan» ha­lyqtyq-demokratııalyq partııa­sy­nyń «Qazaqstan-2020» jalpy­ult­tyq demokratııalyq kúshter koa­lı­sııasyn qurý týraly basta­ma­syna qoldaý kórsetip,  sol koalısııa tóńiregine toptasý maqsatyn kózdeıdi, – dedi Abaı atyndaǵy Qazaq Ulttyq pedagogıkalyq ýnı­versıtetiniń rektory, professor Serik Pirálıev jınalysty ashyp turyp. – Munda  Almaty aıma­ǵyn­daǵy  joǵary oqý oryndary rek­tor­larynyń  keńesi  men elimizdegi 100-den asa joǵary oqý oryn­da­ry­nyń qaýymdastyǵyna enip otyrǵan  bilim ordalarynyń  professor-oqy­týshylar quramy  men osy oqý oryndarynyń stýdentter qaýy­my­nyń ókilderi bas qosyp otyr. Maqsat – ortaq, tilek – bireý. Ol «Nur Otan» HDP bastamasymen qurylǵan «Qazaqstan-2020» jal­py­ulttyq demokratııalyq  kúshter koalısııasyna  ený jáne  sonyń qa­tarynda Elbasynyń ókilettik merzimin  2020 jylǵa deıin uzartý  jóninde referendýmdy qoldaý. Alǵash bolyp sóz alǵan  «Tu­ran» ýnıversıtetiniń rektory, Jo­ǵa­ry  oqý oryndary  qaýym­das­ty­ǵynyń tóraǵasy Rahman Alshanov joǵary  oqý oryndarynyń rek­tor­lary  «Qazaqstan-2020»  jalpy­ult­tyq koalısııasyna  enýge  yn­ta­ly  ekenin, referendýmdy shyn jú­rekten qýattaıtyndyqtaryn  aıta kelip, biz, rektorlar qaýymy  re­fe­rendýmdy  tek sóz júzinde  ǵana qol­dap  qoımaı, ony uıymshyl­dyq­pen ótkizýge belsene  atsaly­sýymyz kerek, – dedi. T.Júrgenov  atyndaǵy  Ulttyq óner akademııasynyń rektory A.Mu­hamedıuly, Qazaq memlekettik qyz­dar  pedagogıkalyq ýnıver­sı­te­ti­niń rektory Sh.Berkimbaeva, Q.Sát­baev  atyndaǵy  Qazaq ulttyq teh­nı­kalyq  ýnıversıtetiniń rektory J.Ádilov,  Týrızm jáne  sport aka­demııasynyń rektory Q. Zákárııa­nov  jáne basqalar Elbasynyń óki­lettigin 2020 jylǵa deıin uzartý  týraly  referendým ótkizý  jónin­degi  bastamany biraýyzdan qoldaı otyryp, «Nur Otan» HDP bas­tamasymen   qurylǵan  demokra­tııa­­lyq  kúshterdiń «Qazaq­stan-2020» jalpyulttyq koa­lı­sııa­syna  top­tasýdy maquldady. Qorǵanbek AMANJOL. Bolashaqtyqtar referendýmdy qoldaıdy! Alǵashqy túlekteri tarapynan qurylǵan «Bolashaq» stıpendıat­tary­nyń qaýymdastyǵy 10 jyldan beri óziniń búkil qyzmetinde jas­tar­dy eldiń ornyqty damýy jolynda bi­riktire otyryp, Qazaqstan Respýb­lıkasynyń Prezıdenti Nursultan Nazarbaevtyń reformalaryna qalt­qysyz qoldaý bildirip keledi. Prezıdenttik baǵdarlamanyń ná­tı­j­esinde myńdaǵan qazaqstandyq stýdentter ozyq sheteldik ýnıversıtetterde bilim alyp qana qoımaıdy, sonymen qatar jańa álemmen etene tanys bola túsedi, óz eline ózge má­de­nıetter men qundylyqtar tur­ǵy­synan qaraý múmkindigine ıe bolady. Damý jolynda qaryshty sekiris jasaǵan memleketterdiń tájirıbesi jeke tulǵanyń taǵdyrly ról atqara alatynyn dáleldeıdi. Konrad Adenaýer, Lı Kýan Iý, Franklın Rýzvelt, Mustafa Kemal Atatúrik, Sharl de Goll, Mohamad Mahathır sııaqty zamanynan ozyp týǵan kóregen-kemeńger, aıryqsha qajyrly jáne tabandy kóshbasshylar óz halyqtaryn turaqty damýǵa, ósip-órkendeýge jáne baqýatty turmysqa jetkizdi. Biz Elbasymyz Nursultan Nazar­baevtyń Qazaqstannyń Týyn buryn-sońdy bolmaǵan bıikke kóterip, mıl­lıondaǵan qazaqstandyqtyń júregine keleshekke degen nyq senim uıalatyp, álem tarıhyndaǵy kórnekti tulǵaǵa aınalǵanyn maqtanysh etemiz. Táýelsizdigimizdiń nebary 20 jy­lynda bizdiń Prezıdentimiz Qazaq­standy eleýsiz elden álemdik qaýym­dastyqtyń zor qurmetine bólengen qýatty memleketke aınaldyrdy. Bú­gingideı barynsha damyǵan elderdiń qataryna enýge naqty tarıhı múm­kindik týyp turǵan shaqta bizdiń bar­sha­myz orasan zor saıası tájirıbege, halyqtyń joǵary senimine jáne úlken halyqaralyq bedelge ıe Elbasynyń tóńiregine toptasýymyz kerek. Sondyqtan «Bolashaq» qaýym­dastyǵy ótken senbidegi ashyq jı­y­nynda «Qazaqstan-2020» jalpyha­lyqtyq koalısııasyna qosylýǵa jáne jastardy Qazaqstan Respýblıkasy Prezıdenti Nursultan Nazarbaevtyń ókilettigin uzartý jóninde referendým ótkizý bastamasyn qoldap, turaqtylyq pen ósip-órkendeý úshin sanaly tańdaý jasaýǵa shaqyrý týraly sheshim qabyldady. Halqymyzǵa qajet kóshbasshy Qolymyzdy júregimizge qoıyp turyp aıtsaq, Elba­sy­myz – Qazaqstannyń baǵy úshin jiberilgen Allanyń elshisi. EQYU-ǵa tóraǵalyq etýimiz Prezıdenttiń álem aldyn­daǵy asqaq tulǵasyn aıqyndap berdi. Astana tórindegi samıttiń joǵary deńgeıde ótkenin búginde búkil álem moıyndaýda. Árıne, bunyń barlyǵy N.Nazar­baevtyń saıası arenadaǵy bedeliniń joǵarylyǵyn kór­se­tedi. Keńes ókimeti tusynda Qazaqstan deıtin res­pýblıka baryn kórshiles elderden basqalar bilmeıtin. Aınaldyrǵan jıyrma jyldyń bederinde Qazaq­stan­dy Jer sharynyń barsha memleketi moıyndady. Sóz joq, bunyń barlyǵy Nursultan Ábish­ulynyń sara saıasatynyń arqasynda júzege asýda. Endi, mine, elimiz Islam Konferensııasy Uıymyna tóraǵalyq etpek. Islam yntymaqtastyqty nyǵaıtý, saıası, ekonomıkalyq, áleýmettik, mádenı jáne ǵylymı salalardaǵy talaptardy jaqsartý, sonymen birge elder arasyndaǵy tyǵyz qarym-qatynas pen ózara túsinikti arttyrýǵa múmkindikter týǵyzý baǵytyndaǵy bul eńbektiń de jemisti bolaryna senimdimiz. Qazaqstannyń jarqyn bolashaǵy úshin qazirgi Pre­zı­dentimizdiń qajettiligin halyq jaqsy túsinip otyr. Son­dyq­tan elimen etene Elbasynyń ókilettigin 2020 jyl­dyń 6 jeltoqsanyna deıin uzartý jónindegi bastamany  qol­daǵan úndeýdi men qyzý qýattap, on segiz myń ǵa­lam­nyń jaratýshysy – Uly Allahtan Memleket bas­shy­sy­nyń densaýlyǵyn bes ýaqyt namazda jalbarynyp tileımin. Irısdaýlet qajy AHMEDOV, Kosmoenergetıka, rýhanı jáne saýyqtyrý álemi akademııasynyń akademıgi. Eline emirene eńbek etken Ár óńirdiń, ár eldiń ózindik ereksheligi bolady. Osy turǵydan aıtqanda, bizdiń Qyzylqoǵa – oblystan eń shalǵaıdaǵy aýdan. Eldi mekenderi de bir-birinen qashyq­ta jatyr. Muqyr, Saǵyz sekildi qos eldi mekennen basqasyna poıyz qatynamaıdy. Atyraýdan tóteleı tartylǵan asfalt jol taǵy joq. Munaı kenishteri de kóp emes. Bir sózben túıindegende, aýdannyń problemasy bastan asyp jatýshy edi. Eń bastysy, aýdanǵa byltyrǵa deıin tabıǵı gaz jelisi tartylmaı, ár shańyraqtyń tú­tinin túzý ushyrmaqty oılaıtyn aqjaý­lyq­tylar qysy-jazy tezek jaǵý aza­by­nan arylmaýshy edi. Elbasy Nursultan Nazarbaev jyl saıynǵy joldaýlarynda halyqtyń áleýmettik turmysyn jaqsar­tý­ǵa basa mán berip, ınfraqurylymdardy damytýdy tapsyryp keledi. Osy maq­sattardyń iske asýy úshin bıýdjetten qarjy qarastyryp, onyń oryndalýyn qatań qadaǵalap otyrady. Elbasymyzdyń osy tapsyrmasyna oraı byltyrdan beri qııandaǵy Qyzyl­qo­ǵa aýdanyna tabıǵı gaz jelisi tartyla bas­tady. Alǵashynda aýdan jurtshy­ly­ǵy­nyń abdyrap qalǵany ras. О́ıtkeni, bul aýdan qurylǵannan bergi 60 jyldan asa merzimde qol jetpegen arman edi. Aýyl­y­myz­ǵa tabıǵı gaz jelisin tartyp berińder dep aıtýdyń ózi aspandaǵy aıǵa qol soz­ǵanmen birdeı bolatyn. Endi mine, “al­dymen ekonomıka...” degen baǵdarly maq­satty ustanýmen birge, halyqtyń áleý­mettik turmysyn alǵy kezekte oılaıtyn Tuńǵysh Prezıdentimiz Nursultan Nazar­baevtyń jemisti saıasatynyń arqasynda 60 jyl armandaǵan tabıǵı gaz rahatyna ke­nele bastadyq. Aýdannyń temir jol boıyndaǵy tórt-bes eldi mekeninen bas­qa­syna “kógildir otyn” jelisi tartylyp, ár úıdiń peshinde mazdaǵan alaýmen birge tórine jylylyq endi. Ár adamnyń kó­ńilinde shýaq ornady. Mal tezegin jaǵyp, shelektep kúl shyǵaratyn kelinder qaba­ǵyndaǵy kirbiń jazyldy. Endi aýdannyń eldi mekenderine taza aýyz sý jelisi de jetip jatyr. Mııaly-Sa­ǵyz aralyǵyn jalǵaıtyn joldy jón­deý bastaý aldy. Mine, bizdiń aýdan aýma­ǵyn­daǵy turmysty jaqsartýdyń mysal­dary osyndaı. Bul árıne, tek bir aýdanda ǵana qolǵa alynǵan jumys emes. Eli­miz­diń ár túkpirinde osy taqylettes ıgi sharalar qanshama! Onyń bári Tuńǵysh Prezıdentimiz Nursultan Nazarbaevtyń tikeleı yqpalymen iske asyrylyp jatyr. Al Nursultan Ábishuly bar óńirdiń bir-birinen qalys qalmaı, birdeı damyǵanyn, órkendegenin shyn júregimen qalaıdy. Alystaǵy aýyldar da órkenıettiń jemisin kórse eken deıdi. Qazaqtyń jastary álemdegi eń bilimdi, eń bilikti maman bolsa eken degendi tek armandaýmen shektelmeı, jyl saıyn 3000-nan astamyn “Bolashaq” baǵdarlamasymen eń damyǵan, eń ozyq ýnıversıtetterde oqytyp jatyr emes pe? Árıne, Elbasynyń eli úshin emirene etken eńbegi ushan-teńiz. Ony bir-eki mysal­men tarqatyp berý múmkin emes. Elin súı­gen Er ǵana halqynyń turmysyn jarqyn etýdi, keleshegin kemeldendirýdi oılaıdy. Ol Er – Tuńǵysh Prezıdentimiz Nursultan Nazarbaev. Elbasyn eli de súıedi. Oǵan arqa súıeıdi. Endeshe, elim dep emirengen, halqym dep bar qajyr-qaıratyn jumsap júrgen Tuńǵysh Prezıdentimiz Nursultan Nazarbaevtyń ókilettigin 2020 jylǵy 6 jeltoqsanǵa deıingi merzimge uzartýdyń esh ábestigi bolmaıdy. Reformator, batyl oı­la­ryn iske asyrýda tabandylyqtan taı­qy­maıtyn kemeńgerlik qasıeti mol Nursultan Nazarbaevtyń Qazaqstandy álemdegi kósh­bas­shy memleketter qataryna qosaryna, sóıtip, eliniń erteńi úshin eren eńbek eterine senemin. Tolqyn BEIISQALI, Qyzylqoǵa aýdandyq máslıhatynyń hatshysy. Atyraý oblysy.