2015 jylǵy 24 aqpan, Astana qalasy
Qazaqstan Respýblıkasynyń azamattyq avıasııa uıymdarynda avıasııalyq janar-jaǵarmaı materıaldary men arnaýly suıyqtyqtardy saqtaý, quıýǵa berýge daıyndaý jáne olardyń sapasyna baqylaý júrgizý qaǵıdalaryn bekitý týraly
«Qazaqstan Respýblıkasynyń áýe keńistigin paıdalaný jáne avıasııa qyzmeti týraly» Qazaqstan Respýblıkasynyń 2010 jylǵy 15 shildedegi Zańynyń 14-baby 1-tarmaǵynyń 41-45) tarmaqshasyna sáıkes buıyramyn:
1. Qosa berilip otyrǵan Qazaqstan Respýblıkasynyń azamattyq avıasııa uıymdarynda avıasııalyq janar-jaǵarmaı materıaldary men arnaýly suıyqtyqtardy saqtaý, quıýǵa berýge daıyndaý jáne olardyń sapasyna baqylaý júrgizý qaǵıdalary bekitilsin.
2. Qazaqstan Respýblıkasy Investısııalar jáne damý mınıstrliginiń Azamattyq avıasııa komıtetine (B.K. Seıdahmetov):
1) osy buıryqtyń Qazaqstan Respýblıkasy Ádilet mınıstrliginde zańnamada bekitilgen tártipte memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kúnniń ishinde merzimdi baspasóz basylymdarynda jáne «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy «Ádilet» respýblıkalyq memlekettik kásipornynnyń aqparattyq-quqyqtyq júıesine resmı jarııalaýǵa jiberýdi;
3) osy buıryqtyń Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda jarııalanýyn;
4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýbıkasy Investısııalar jáne damý mınıstrliginiń Zań departamentine osy buıryqtyń 2-tarmaǵynyń 1), 2) jáne 3) tarmaqshalarymen kózdelgen is-sharalardyń oryndalýy týraly málimetterdi usynýdy qamtamasyz etsin.
3. Osy buıryqtyń oryndalýyn baqylaýdy ózime qaldyramyn.
4. Osy buıryq alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasy Investısııalar jáne damý
Mınıstriniń mindetin atqarýshy J.QASYMBEK.
«KELISILDI»
Qazaqstan Respýblıkasy Ishki ister mınıstrligi
QASYMOV Q.N. __________________
2015 jylǵy 10 maýsym
«KELISILDI»
Qazaqstan Respýblıkasynyń Energetıka mınıstrligi
ShKOLNIK V.S. __________________
2015 jylǵy 14 maýsym
Qazaqstan Respýblıkasy Investısııalar jáne damý mınıstri mindetin atqarýshynyń
2015 jylǵy 24 aqpandaǵy №191 buıryǵymen bekitilgen
Qazaqstan Respýblıkasynyń azamattyq avıasııa uıymdarynda avıasııalyq janar-jaǵarmaı materıaldary men arnaýly suıyqtyqtardy saqtaý, quıýǵa berýge daıyndaý jáne
olardyń sapasyna baqylaý júrgizý qaǵıdalary
1. Jalpy erejeler
1. Osy Qazaqstan Respýblıkasynyń azamattyq avıasııa uıymdarynda avıasııalyq janar-jaǵarmaı materıaldary men arnaýly suıyqtyqtardy saqtaý, quıýǵa berýge daıyndaý jáne olardyń sapasyna baqylaý júrgizý qaǵıdalary «Qazaqstan Respýblıkasynyń áýe keńistigin paıdalaný jáne avıasııa qyzmeti týraly» 2010 jylǵy 15 shildedegi Qazaqstan Respýblıkasynyń Zańynyń 14-baby 1-tarmaǵynyń 41-45) tarmaqshasyna sáıkes ázirlengen jáne Qazaqstan Respýblıkasynyń azamattyq avıasııa uıymdarynda (budan ári - AAU) avıasııalyq janar-jaǵarmaı materıaldary men arnaýly suıyqtyqtardy saqtaý, quıýǵa berýge daıyndaý jáne olardyń sapasyna baqylaý júrgizý tártibin aıqyndaıdy.
2. Azamattyq áýe kemelerin avıasııalyq janar-jaǵar maı materıaldarymen azamattyq avıasııa uıymynyń qurylymdyq bólimshesi bolyp tabylatyn janar-jaǵarmaı materıaldary qyzmeti nemese derbes zańdy tulǵa - avıaotynymen qamtamasyz etý jónindegi uıym (budan ári - JJMU) qamtamasyz etedi.
3. Osy Qaǵıdalarda paıdalanylatyn termınder men anyqtamalar: 1) avıaJJM – avıasııalyq tehnıkany paıdalaný kezinde qoldanylatyn barlyq markaly otyn, maı, jaǵarmaı jáne arnaýly suıyqtyqtardyń jalpy ataýy; 2) sapa pasporty – avıaJJM sapasynyń kórsetkishterine júrgizilgen taldaýdyń oń nátıjeleri kezinde JJM zerthanasy beretin qujat jáne qoımaǵa qabyldanǵan ónim belgilengen normatıvtik talaptarǵa sáıkestigin jáne azamattyq avıasııanyń áýe kemelerine quıýǵa berýge jaramdy ekendigin rastaıdy;
3) avıaJJM standarttaý jónindegi normatıvtik qujattar (budan ári - avıaJJM NQ) – avıaJJM salasyndaǵy qyzmetke normalardy, qaǵıdalardy, sıpattamalardy, qaǵıdattardy nemese onyń nátıjelerine qatysty belgileıtin qujattar.
Qazaqstan Respýblıkasynyń azamattyq avıasııa uıymdarynda avıasııalyq janar-jaǵarmaı materıaldary men arnaýly suıyqtyqtardy saqtaý, quıýǵa berýge daıyndaý jáne
olardyń sapasyna baqylaý júrgizý tártibi
1-paragraf. AvıaJJM jáne arnaýly suıyqtyqtardy saqtaý
4. JJMU-da avıaJJM men arnaýly suıyqtyqty saqtaý avıaJJM men arnaýly suıyqtyqtar qoımaǵa túsken jáne qabyldanǵan sátten bastap júzege asyrylady.
5. Kelip túsken avıaJJM men arnaýly suıyqtyqtar AAU-nyń qabyldaý nemese shyǵys rezervýarlarynda jáne ydys qoımalarynda saqtalady.
Kondısııalyq avıaJJM jáne arnaýly suıyqtyqtardy saqtaý merzimi ÁK-ge quıý úshin aǵymdaǵy qajettiliktermen nemese rezervti qurý qajettiligimen aıqyndalady. Rezervtik saqtaý merzimi óndirýshi zaýyttyń avıaJJM NQ-de aıtylǵan saqtaýdyń kepildik merzimi sheginde belgilenedi.
6. Ashyq zaýyt ydysyndaǵy avıaJJM-ge saqtaýdyń kepildik merzimi qoldanylmaıdy. Plastıkalyq jaǵarmaılardy ashyq 150-200 lıtrlik bóshkelerde saqtaýǵa muqııat aralastyrylǵannan keıin ár úsh aı saıyn osy Qaǵıdalarǵa 1-qosymshanyń 5-baǵanyna sáıkes kórsetkishter boıynsha sapany turaqty baqylaı otyryp, daıyndaǵan sátten bastap 2 jyldan aspaıtyn merzimge jol beriledi.
7. AvıaJJM-dy kepildik merzimi ishinde saqtaý kezinde jeńil fraksııalardyń ushýy, lastanýy nemese avıaJJM-niń basqa túrlerimen (markalarymen) aralasýy, zaýyttyq ydystyń tumshalanýynyń buzylýy esebinen olardyń sapasyn ózgerý sharttary eskerilmeıdi.
AvıaJJM-niń sapasy men sanyn saqtaý tehnologııalyq jabdyqtyń ýaqtyly qyzmet kórsetýin saqtaýmen, kondısııalyq emes avıaJJM-di bólek saqtaýdy júzege asyrýmen, rezervýarlardan erkin sý men lastaýdy joıýmen, avıaJJM tazalyǵynyń deńgeıin baqylaýmen, tumshalanǵan ydystyń jaı-kúıin aıyna kem degende bir ret turaqty qaraýmen qamtamasyz etiledi.
8. Rezervýarlarǵa qabyldanǵan avıaJJM tundyrylýǵa jatady. Tundyrýǵa qajetti ýaqyt salmaqqa quıý deńgeıine jáne lastaný dıspersııalylyǵyna baılanysty bolady. Avıasııalyq otyndy quıýdyń ár metrine eń az degende 4 saǵat, al avıasııalyq benzınge 2 saǵat tundyrý ýaqyty talap etiledi.
9. Saqtaý kezinde avıaJJM sapasynyń saqtalýshylyǵy osy Qaǵıdalarǵa 1-qosymshaǵa sáıkes Qazaqstan Respýblıkasynyń azamattyq avıasııa uıymdarynda avıaJJM sapasyn turaqty baqylaýmen rastalady.
10. Qoımalyq baqylaý nátıjeleri qanaǵattanǵan kezde avıaJJM odan ári saqtalýǵa nemese quıýǵa berýge jatady. Sapa pasportynda taldaý júrgizilgen kún týraly belgi qoıylady. AvıaJJM NQ sheginde sapanyń tekseriletin kórsetkishteriniń bireýi nemese birnesheýi ózgergen jaǵdaıda, kórsetkishterdiń ózgergen mólsherleri sapa pasportyna engiziledi.
11. Taldaýdyń qanaǵattanarlyqsyz nátıjesin alǵan kezde, ónimdi qoldaný jaǵdaılaryn anyqtaý úshin synamalar iriktep alynady jáne qosymsha taldaý júrgizý úshin olar azamattyq avıasııanyń bazalyq zerthanasyna jiberiledi.
12. Saqtaý merzimi aıaqtalǵanǵa deıin avıaJJM standarttarda nemese tehnıkalyq talaptarda belgilengen saqtaý sharttaryn oryndaý kezinde ydysta tumshalanýyn saqtaǵan avıaJJM quıýǵa jiberiledi.
13. Saqtaýdyń kepildik merzimi aıaqtalǵannan keıin oramanyń tumshalanýy buzylǵan nemese ónimniń búlingendigine kúdik bolǵan kezde synamalar iriktep alynady jáne olar azamattyq avıasııanyń bazalyq zerthanasyna, al qajet bolǵan kezde táýelsiz zerthanaǵa zertteýge jiberiledi. AvıaJJM ótkizý týraly sheshim azamattyq avıasııanyń bazalyq zerthanasynyń, ne táýelsiz zerthananyń qorytyndylary jáne usynymdary negizinde qabyldanady. Sheshim qabyldaǵanǵa deıin avıaJJM jeke rezervýarda saqtalady jáne onyń kommýnıkasııaǵa túsý nemese quıý úshin ydysta berý múmkindigin boldyrmaıtyn sharalar qabyldanady.
2-paragraf. AvıaJJM-n quıýǵa berýge daıyndaý
14. AvıaJJM-n quıýǵa berýge daıyndaý jónindegi operasııalar kesheni onyń sapasyn ónim berýshiden qabyldanǵan sátten bastap áýe kemelerine quıýǵa deıin ustaýǵa arnalǵan.
15. AvıaJJM men arnaýly suıyqtyqtardy berýge daıyndaý erekshelikteri osy Qaǵıdalarǵa 2-qosymshada keltirilgen.
16. Kondısııalyq ónim retinde ÁK júıelerinde avıaJJM-dy quıýǵa berýge jiberý úshin negizder qujattarmen rastalǵan olardyń avıaJJM-niń osy markasyn daıyndaý avıaJJM NQ sáıkestigi qujattamalyq rastaý, zerthananyń oń qorytyndysy, sondaı-aq osy Qaǵıdalarǵa sáıkes olardyń operasııalyq daıyndaýynan ótýi bolyp tabylady.
17. AvıaJJM sapasy men kondısııalyǵyn rastaıtyn qujattar daıyndaýshynyń pasporty jáne sáıkestik sertıfıkaty, al quıý kóligimen nemese qubyrjoldar boıynsha jetkiziletin avıaJJM sol úshin sapa pasporty men baqylaý talony bolyp tabylady.
18. Daıyndaýshynyń avıaJJM pasporty avıaJJM-niń osy markasyn daıyndaýǵa avıaJJM NQ kiretin fızıka-hımııalyq jáne paıdalaný kórsetkishteriniń tolyq kesheni kólemindegi taldaý nátıjelerin jáne óniminiń osy partııasynyń avıaJJM NQ sáıkestigi týraly qorytyndyny qamtıdy. Daıyndaýshynyń pasporty men jetkiziletin avıaJJM-niń sáıkestik sertıfıkatyn usynǵan avıaJJM ónim berýshisi avıaJJM NQ aıtylǵan ónimniń sapasy men saqtalýyn, sondaı-aq aıtylǵan saqtaý jáne tasymaldaý sharttary saqtalǵan kezde jaramdylyq merzimi úshin jaýapty bolady.
19. Sapa pasporty JJMU-nyń ishki qujaty bolyp tabylady jáne qoımaǵa qabyldanǵan avıaJJM belgilengen avıaJJM NQ-n sáıkestigin jáne AA ÁK-ge quıýǵa berýge jaramdylyǵyn rastaıdy. Sapa pasportyn avıaJJM sapasynyń kórsetkishterine júrgizilgen taldaýdyń, ónimge ilespe qujattamany taldaýdyń oń nátıjeleri kezinde JJM zerthanasy beredi. Sapa pasporty osy Qaǵıdalarǵa 3-qosymshaǵa sáıkes quıý quraldaryna avıaJJM berý júzege asyrylatyn árbir rezervýarǵa resimdeledi. Berýge jaramdylyǵy týraly qorytyndylary joq quıý ónimderin áýe kemeleriniń (budan ári - ÁK) júıelerine quıýǵa jol berilmeıdi.
20. Baqylaý talony árbir quıý quralyna jáne onyń ydysynan nemese ol arqyly ÁK júıesine tartylatyn avıaJJM-ǵa beriledi. Baqylaý talony osy Qaǵıdalarǵa 4-qosymshaǵa sáıkes nysan boıynsha resimdeledi. Baqylaý talonyn resimdeý úshin negiz Sapa pasportynyń qorytyndysy jáne ónim tazalyǵyn baqylaý nátıjeleri jáne quıý quralynyń daıyndyǵy bolyp tabylady. Baqylaý talony ÁK-ge avıaJJM quıý úshin resmı qujat bolyp tabylady. Baqylaý talondaryn berý osy Qaǵıdalarǵa 5-qosymshaǵa sáıkes nysan boıynsha baqylaý talondaryn berý jýrnalynda tirkeledi.
21. Temirjol, teńiz (ózen), avtomobıl kóligimen nemese qubyrjol boıynsha túsetin avıaJJM-dy quıýǵa berýge daıyndaý boıynsha operasııa:
1) tasymaldaý quraldarynan quıýdy;
2) rezervýarlarda saqtaýdy;
3) súzý jáne sý bólýdi;
4) sapasy men tazalyǵyn baqylaýdy;
5) qoımaaralyq jáne qoımaishilik tartýlardy;
6) quıý quraldaryna jáne ortalyqtandyrylǵan quıý júıesiniń júıesine berý;
7) sýdyń krıstaldanýyna qarsy suıyqtyqtardy (budan ári – SKQ suıyqtyǵy) avıasııalyq kerosınge mólsherlep engizýdi qamtıdy.
Tehnologııalyq jabdyqtar men tehnıkalyq quraldarǵa tehnıkalyq qyzmet kórsetý jónindegi reglamenttik jumystardy júrgizý joǵaryda kórsetilgen operasııalardyń quramdas bóligi bolyp tabylady.
22. Zaýyt oramasynda túsken avıaJJM men arnaýly suıyqtyqtardy (gıdrojúıelerge arnalǵan jumys suıyqtyqtaryn, plastıkalyq jaǵarmaılar men maılardy jáne basqalardy) quıýǵa berýge daıyndaý boıynsha operasııa:
1) ydystyq úı-jaıdy, qabyldaý jáne saqtaý oryndaryn daıyndaýdy;
2) zaýyttyq oramada saqtaýdy;
3) saqtaýdyń kepildik merzimi ishinde tutynýshyǵa ótinim boıynsha berýdi qamtıdy.
23. Daıyndaý boıynsha operasııany tolyq kólemde ótpegen avıaJJM-ni quıýǵa berýge jol berilmeıdi.
24. AvıaJJM-n áýe kemelerine quıýǵa berýge daıyndaý boıynsha tehnologııalyq operasııalardy júrgizý tártibi osy Qaǵıdalar jáne JJMU qyzmetin reglamentteıtin qujattar negizinde ázirlengen AAU-nyń jumys tehnologııasymen jáne tehnologııalyq nusqaýlyqtarymen aıqyndalady.
3-paragraf. AvıaJJM men arnaýly suıyqtyqtardyń sapasyn baqylaý
25. AvıaJJM men arnaýly suıyqtyqtardyń sapasyn zerthanalyq baqylaýdy JJM zerthanasy júrgizedi.
26. Jabdyqtarmen jáne aspaptarmen jaraqtandyrylýyna baılanysty JJM zerthanalary:
1) bazalyq zerthana;
2) 1-shi, 2-shi, 3-shi synyptaǵy zerthanalar bolyp bólinedi.
27. JJM-niń bazalyq zerthanasy mynadaı jumystardy júzege asyrady:
1) AAU-nyń basqa JJM zerthanalary boıynsha avıaJJM-niń baqylaý synamalaryn taldaý nátıjelerin salystyrý jóninde is-sharalar uıymdastyrý jáne ótkizý;
2) oǵan bekitilgen JJM zerthanalarynyń avıaJJM sapasyn zerthanalyq baqylaýdy júzege asyrý jónindegi ádistemelik nusqaý;
3) ǵylymı-zertteý ınstıtýtymen birlesip avıaJJM sapasyn baqylaý jóninde qujattardy (nusqaýlyqtar, qaǵıdalar, ádistemeler, oqýlyqtar, hımmotologııa boıynsha aqparattyq paraqtar jáne t.b.) ázirleý;
1-shi synyptaǵy JJM zerthanasy úshin kózdelgen kólemde avıaJJM sapasyn baqylaýdy oryndaý;
5) AAU-nyń ótinimderi boıynsha JJM zerthanalarynyń personalyn (tehnık-zerthanashylardy) oqytý jáne taǵylymdamadan ótkizý;
6) derbes jumysqa jiberý múmkindigi týraly qorytyndymen synaq qabyldaı otyryp, AAU-nyń JJM zerthanalarynyń basshy ınjenerlerin oqytý jáne taǵylymdamadan ótkizý;
7) avıaJJM sapasyn baqylaý máseleleri jóninde AAU-ǵa bekitilgen ótinimder boıynsha JJM qyzmetiniń qyzmetkerlerin oqytý;
8) AAU-ǵa kelip túsetin avıaJJM sapasynyń jekelegen kórsetkishteri boıynsha arbıtrajdyq zertteýler júrgizý;
9) JJM sapasyna áýeaılaqtyq baqylaý júrgizýdi ádistemelik nusqaý;
10) normatıvtik-quqyqtyq qujattarda belgilengen kórsetkishter boıynsha ÁK júıelerinen avıaJJM-ge (tıisti qyzmetterdiń synamalardy berýi boıynsha) taldaý júrgizý;
11) qajet jaǵdaılarda avıaJJM synamalaryn jáne basqa da obektilerdi daıyndaý jáne azamattyq avıasııa salasynda ýákiletti organ bolyp tanylǵan uıymǵa nemese ýaǵdalastyq boıynsha shet elderdegi JJM-niń bazalyq zerthanasyna taldaýǵa jiberý;
12) avıaJJM sapasynyń nasharlaý sebepterin taldaý jáne olardyń búlinýin boldyrmaý jóninde is-sharalar ázirleý.
28. AAU-nyń 1-shi synyptaǵy JJM zerthanasy mynadaı jumys túrlerin júzege asyrady:
1) avıasııalyq tehnıkalardy paıdalaný kezinde qoldanylatyn avıaJJM-ge taldaý júrgizý;
2) 2 jáne 3-shi synyptaǵy bekitilgen zerthanalary boıynsha taldaýlar nátıjeleriniń qaıtarymdylyǵyn salystyrýdy jylyna kem degende bir ret júrgizý;
3) avıvJJM sapasyn zerthanalyq jáne áýeaılaqtyq baqylaý máseleleri jóninde bekitilgen zerthanalardy, tirkelgen áýeaılaqtardy ádistemelik nusqaý jáne tehnıkalyq kómek kórsetý;
4) JJM qyzmeti qyzmetkerlerin avıaJJM sapasyn áýeaılaqtyq baqylaý ádistemeleriniń talaptaryn oryndaýǵa oqytý;
5) avıaJJM synamalaryn bazalyq zerthanaǵa taldaýǵa daıyndaý jáne jiberý (qajettiligine qaraı);
6) normatıvtik-quqyqtyq qujattarda belgilengen kórsetkishter boıynsha ÁK júıelerinen avıaJJM-ge (tıisti qyzmetterdiń synamalardy berýi boıynsha) taldaý júrgizý;
7) AAU-nyń ótinimderi boıynsha JJM zerthanalarynyń personalyn (tehnık-zerthanashylardy) oqytý jáne taǵylymdamadan ótkizý.
29. 2-shi synyptaǵy JJM zerthanasy:
1) avıasııalyq tehnıkany paıdalaný kezinde qoldanylatyn avıaJJM-ge taldaý júrgizýdi;
2) avıaJJM sapasyn zerthanalyq baqylaý jáne olarǵa tehnıkalyq kómek kórsetý máseleleri jóninde bekitilgen zerthanalardy, tirkelgen áýeaılaqtardy ádistemelik nusqaýdy;
3) JJM qyzmeti qyzmetkerlerin avıaJJM sapasyn zerthanalyq jáne áýeaılaqtyq baqylaý ádistemeleriniń talaptaryn oryndaýǵa oqytýdy;
4) AAU JJM qoımasyna kelip túsetin, saqtalatyn jáne beriletin avıaJJM sapasynyń jaı-kúıin esepke alýdy;
5) avıaJJM synamasyn (qajettiligine qaraı) daıyndaýdy jáne osy zerthana bekitilgen zerthanaǵa taldaýǵa jiberýdi júzege asyrady.
30. 3-shi synyptaǵy JJM zerthanasy mynalardy júzege asyrady:
1) AAU-da qoldanylatyn avıaJJM-ge taldaý júrgizý;
2) avıaJJM sapasyna áýeaılaqtyq baqylaý júrgizýdi ádistemelik nusqaý;
3) synamalardy iriktep alý, daıyndaý jáne osy zerthana bekitilgen JJM zerthanasyna taldaýǵa jiberý;
4) kelip túsken ónim markasynyń tıeý-jóneltý qujattarynda kórsetilgen markaǵa sáıkestigin belgileý maqsatynda avıaJJM kelip túsken kezde sapasyna kiris baqylaýdy júrgizý.
31. AvıaJJM men arnaýly suıyqtyqtardyń sapasyn baqylaý túrleri: kiris, qabyldaý, qoımalyq jáne áýeaılaqtyq.
32. Kiris baqylaýy kez kelgen kólik túrimen jetkizilgen daıyndaýshydan (ónim berýshiden) túsken avıaJJM-nyń ár partııasyn qoımaǵa qabyldaý kezinde júrgiziledi jáne:
1) túsetin kólik quraldary men ydystardyń sáıkestigin, sondaı-aq ondaǵy ónim sanynyń ilespe qujattamaǵa sáıkestigin anyqtaýǵa;
2) kelip túsken quıylatyn avıaJJM-nyń tazalyǵyn baǵalaýǵa arnalǵan.
Kiris baqylaýynyń nátıjeleri boıynsha túsken ónimdi qoımaǵa qabyldaý týraly sheshim qabyldanady, ol rezervýarlyq jýrnalǵa jáne/nemese aýysymdy tapsyrý jýrnalyna jazylady.
33. Quıylatyn avıaJJM-dy qabyldaý baqylaýy ónim partııasyn qabyldaýdy aıaqtaǵannan keıin jáne rezervýarǵa basqa partııa ónimin ústemelep quıǵannan soń júrgiziledi.
Qabyldaý baqylaý:
1) osy rezervýardaǵy ónimniń markasyn tekserýge;
2) qoımaǵa tasymaldaý nemese qabyldaý prosesinde ony avıaJJM túrlerimen nemese markalarymen nemese hımııalyq zattarmen aralastyrýǵa jol berilmegen basqalarmen aralastyrý nátıjesinde kondısıonerlik emes avıaJJM-niń tehnologııalyq prosesine tartý múmkindigin boldyrmaýǵa arnalǵan.
Qabyldaý baqylaýǵa osy Qaǵıdalarǵa 1-qosymshanyń 5-baǵanyna sáıkes avıaJJM-niń fızıka-hımııalyq kórsetkishterin anyqtaý jáne onyń tazalyq deńgeıin belgileý kiredi.
Quıý kóliginde kelip túsken avıaJJM-dy qabyldaý baqylaýdyń qanaǵattanarlyq nátıjeleri kezinde osy rezervýardaǵy ónim Sapasynyń pasporty qalyptastyrylady. Sapa pasporty ony saqtaýdyń kepildik merzimi sheginde rezervýardan tekserilgen ónimdi jaratqanǵa deıin, biraq avıasııalyq otyndar, maılar úshin bir jyldan astam emes jáne SKQ suıyqtyqtary úshin alty aıǵa jaramdy bolady.
Qabyldaý baqylaý nátıjeleri boıynsha rezervýardaǵy ónimniń berýge jaramdylyǵy týraly sheshim qabyldanady.
34. Qoımalyq baqylaý avıasııalyq otyn men avıasııalyq maılar alty aı saqtalǵannan keıin jáne osy rezervýarda SKQ suıyqtyǵy úsh aı saqtalǵannan keıin júrgiziledi.
Qoımalyq baqylaý:
1) saqtalatyn ónim sapasynyń ólshemderiniń ózgerý deńgeıin anyqtaýǵa;
2) ónimniń odan ári saqtalý nemese qoldanylý múmkindigin rastaýǵa arnalǵan.
Qoımalyq baqylaýǵa avıaJJM-niń fızıka-hımııalyq kórsetkishterin anyqtaý jáne onyń tazalyq deńgeıin belgileý kiredi. Qoıma baqylaý nátıjeleri boıynsha saqtaýǵa jaramdylyǵy nemese ónimdi osy rezervýardan quıýǵa berý týraly sheshim qabyldanady.
Qoımalyq baqylaýdyń qanaǵattanarlyq nátıjeleri kezinde taldaý júrgizý kúni kórsetile otyryp, qoldanystaǵy Sapa pasportyna belgi qoıylady. Kórsetkishterdiń ózgergen mólsherleri de Sapa pasportyna engiziledi.
35. Áýeaılaq baqylaýy shyǵys rezervýarynan jáne naqty quıý quralynyń ydysynan ónimdi qabyldaýǵa jaramdy avıaJJM-di quıýǵa berýge daıyndyǵyn rastaıdy.
Áýeaılaq baqylaýynyń qanaǵattanarlyq nátıjeleri kezinde osy Qaǵıdalarǵa 4-qosymshada kórsetilgen nysan boıynsha baqylaý talony resimdeledi. Baqylaý talony osy quıý quraly arqyly daıyn turǵan avıaJJM-di ÁK-ge quıýǵa berýge ruqsat berilgendigin rastaıdy. Baqylaý talonynyń jaramdylyq merzimi-shyǵys rezervýarynan ónimdi jumsaý merzimi aıaqtalǵanǵa deıin, biraq ónimniń osy partııasynyń Sapa pasportynyń qoldanylý merziminen astam emes.
36. Olardyń sapasynyń ózgerý múmkindigine kúdik týyndaǵan kezde (saqtaý talaptaryn saqtamaý, jabdyqtardyń tehnıkalyq sıpattarynyń nasharlaýy, qyzmet kórsetýdiń reglamenttik merzimderin saqtamaý) avıaJJM-di saqtaý prosesinde nemese qoldanýǵa daıyndaý kezeńinde JJM (JJMU) qyzmeti basshysynyń sheshimi boıynsha sapasyn baqylaý merziminen buryn júrgiziledi. Bul jaǵdaıda, synamany iriktep alý ornyn jáne sapanyń baqylanatyn kórsetkishter tizbesin JJM (JJMU) qyzmeti basshysy belgileıdi.
37. Qoımaǵa kelip túsken avıaJJM sapasynyń avıaJJM NQ talaptaryna sáıkes kelmeý nemese sapanyń jasyryn tapshylyǵy anyqtalǵan kezde JJM (JJMU) qyzmeti basshysynyń ótinimi boıynsha tórelik baqylaý júrgiziledi.
Tórelik baqylaýdy ár jaǵdaıda kórsetkishterdiń belgili tizbesi boıynsha AAU-nyń JJM bazalyq zerthanasy oryndaıdy. Baqylaý nátıjeleri boıynsha AAU-nyń JJM bazalyq zerthanasy ónimdi qoldaný sharttary týraly qorytyndysy bar tórelik taldaýdy beredi.
38. ÁK júıelerinen avıaJJM sapasyn baqylaý naqty áýe kemesinde normatıvtik-tehnıkalyq qujattamalarmen belgilengen kórsetkishter kóleminde, zertteý ádisterimen jáne merzimdiligimen JJM zerthanasy júrgizýi múmkin. Baqylaý nátıjeleri boıynsha usynylǵan synamany zertteý kezinde belgilengen parametrlermen kórsetkishter taldaýy beriledi. Sapa kórsetkishterin taldaý osy Qaǵıdalarǵa 6-qosymshaǵa sáıkes nysan boıynsha resimdeledi.
39. AvıaJJM, áýe kemesiniń apattyq agregettarynan jáne isten shyqqan agregattarynan alynǵan tunbalardyń jáne shógindilerdiń sapasyn baqylaý ózine taldamalyq hımııanyń standarttalǵan jáne aspapty ádisterimen zertteý júrgizýdi jáne alynǵan nátıjelerdiń ÁK júıelerinde ony qalypty paıdalaný kezinde jáne isten shyqqan kezde avıaJJM naqty túriniń normatıvtik-tehnıkalyq qujattama kórsetkishterge sáıkestigin qamtıdy.
Avıasııalyq oqıǵany (oqys oqıǵany) tekseretin komıssııanyń nusqaýy boıynsha Tapsyrys berýshige taldaýlary bar qorytyndylardy bere otyryp zertteý obektilerin baqylaýdy AAU-nyń JJM bazalyq zerthanasy júrgizedi.
40. Tasymaldaý, saqtaý jáne quıý quraldarynan avıaJJM synamalary avıaJJM sapasyn anyqtaý úshin iriktep alynady.
ÁK júıeleri men agregattarynan iriktep alynatyn avıaJJM synamalary olardyń tazalyǵy men sapasynyń deńgeıin, tehnıkalyq qyzmet kórsetý jónindegi reglamenttik jumystardyń tolyq oryndalýyn jáne júıeler men agregattardyń paıdalanýǵa daıyndyǵyn anyqtaý úshin iriktep alynady.
41. Tasymaldaý, quıý jáne avıaJJM qoımalaryn tehnologııalyq jabdyqtaý quraldarynan synamalardy iriktep alýdy JJM (JJMU) qyzmetiniń tehnıkalyq personaly júrgizedi.
ÁK júıeleri men agregattarynan alynǵan synamalardy iriktep alýdy JJM (JJMU) qyzmetiniń ınjenerlik-tehnıkalyq qyzmetkerlerin tarta otyryp, ınjenerlik-avıasııa qyzmetiniń tehnıkalyq quramy júrgizedi.
42. Synamalar:
1) núktelik; 2) biriktirilgen; 3) túptik bolyp bólinedi.
Núktelik synama - belgilengen iriktep alý ornynan bir rette alynatyn synama.
Biriktirilgen synama – avıaJJM NQ-da belgilengen ara qatynas kóleminde núktelik synamalardy aralastyrý nátıjesinde jasalǵan synama.
Túptik synama – ydystyń tómengi bóliginen, quıý quralynyń tundyrǵyshynan, súzgiden, súzgi-separatorynan nemese rezervýardyń tunbany (sıfon) tógetin tómengi kranynan nemese qubyrjolynan alynǵan núktelik synama.
43. AvıaJJM-niń iriktep alynatyn synamalary mańyzdy bolýy tıis. Synamalar mańyzdylyǵyna:
1) oryndarda belgilengen tásilmen jáne osy Qaǵıdalardyń 46, 47-tarmaqtarynda belgilengen merzimdilikpen onyń kóleminiń belgili bóliginen avıaJJM-nyń berilgen sanyn irikteýmen;
2) synamalardy arnaıy daıyndalǵan ydysqa irikteýmen;
3) synamaǵa qosa berilgen qujattamanyń dáıektiligimen jáne qajetti kólemimen;
4) osy Qaǵıdalardyń 49-tarmaǵymen belgilingen ydystyń tyǵyndap tumshalanýyn saqtaýmen jáne zertteý, saqtaý ornyna jetkizýmen qol jetkiziledi.
44. AvıaJJM synamalaryn tógý qurylǵysy (otyn quıý, maı quıý ydysynyń tundyrǵyshtary, sıfondar, rezervýarlardyń tómengi krandary, tazalaý men sý bólý quraldarynyń tundyrǵyshtary) arqyly iriktep alǵan kezde aldyn ala tunbany tógý, tógý krany tolyq ashyq kezde birtekti, biraq keminde 0,5 dm3 ónimniń paıda bolýyna deıin júrgiziledi.
45. Zerthanalyq taldaýlarǵa arnalǵan synamalar kólemi avıasııa kerosınderi men avıasııa benzınderi úshin keminde 1,5 dm3, al avıaJJM men arnaýly suıyqtyqtardyń qalǵan túrleri úshin keminde 0,7 dm3 quraıdy.
Avıaotyndar men avıasııalyq maılardyń tazalyq deńgeıin kózben sholyp tekserý úshin iriktep alynatyn synama kólemi 0,5 – 0,8 dm3 quraıdy.
46. AvıaJJM synamalaryn iriktep alý AAU-nyń JJM zerthanasy daıyndaǵan ydysqa (ydys-aıaqqa) alynýy tıis, ol týraly synamany iriktep alý aktisinde tıisti belgi qoıylady.
47. Synamalary bar bótelkeler tyǵyndarmen nemese tósemderi bar buramalyq qaqpaqtarmen nyǵyz jabylady, olardyń materıaldary avıaJJM-da erimeıdi. Rezeńke nemese qabyqty qaqpaqtar qoldanylǵan kezde olardy oraý úshin polıetılen plenkasy paıdalanylady. Bótelkeniń moıyny polıetılen nemese basqa tyǵyz plenkamen oralady jáne jetek arqanmen baılanady, onyń ushtary zattańba sańylaýyna ótkiziledi. Jetek arqannyń ushtaryn plombylaıdy nemese kartonnan, aǵashtan nemese basqa materıaldan jasalǵan plastınkada súrgish (mastıka) quıady jáne mór basady. Bótelkege zattańba japsyrýǵa jol beriledi.
48. Zattańbada:
1) synamalardy iriktep alýdy esepke alý jýrnaly nemese synamalardy tirkeý jýrnaly boıynsha synama nómiri;
2) ónimniń ataýy, markasy;
3) rezervýar nómiri, synama qandaı mólsherde iriktep alynǵany, ydystar, sısternalar partııasynyń nómiri, kemeniń ataýy, synama iriktep alynǵan tankiniń nómiri;
4) synama iriktep alynǵan kún; 5) ónimge avıaJJM NQ ataýy;
6) synamany iriktep alǵan jáne mór basqan tulǵalardyń tekteri men qoldary kórsetiledi.
49. Synamalardy iriktep alý osy Qaǵıdalarǵa 7-qosymshaǵa sáıkes nysan boıynsha avıaJJM synamasyn irikteý aktisimen resimdeledi.
50. Avıasııalyq oqıǵalar men tosyn jaǵdaıynda avıaJJM synamalaryn ÁK júıesiniń bólshekteri men agregattarynan tunbalar men shógindilerin iriktep alý osy Qaǵıdalarǵa 8-qosymshada jazylǵan.
51. Taldaý úshin zerthanaǵa kelip túsken avıaJJM synamalary osy Qaǵıdalarǵa 9-qosymshaǵa sáıkes nysan boıynsha Synamalardy tirkeý jýrnalynda tirkeledi. Taldaý úshin basqa zerthanaǵa jiberilgen synamalar osy jýrnalda tirkeledi.
52. Osy Qaǵıdalarǵa 1-qosymshada kórsetilgen tizbe boıynsha avıaJJM sapasynyń fızıka-hımııalyq kórsetkishterin taldaý JJM zerthanalarynda oryndalady.
53. AvıaJJM sapasy men tazalyǵyna taldaý júrgizý metrologııalyq tekserilgen ólsheý jáne synaý quraldarynda júrgiziledi.
ÁK-ge quıýǵa berýge daıyndalǵan avıaJJM-niń tazalyq deńgeıin tekserý otyn sapasynyń ındıkatoryn (budan ári – OSI) paıdalanatyn POZ-T quralynyń (PEK-T ındıkatorynyń) kómegimen júrgiziledi. Avıasııalyq maılardaǵy sýdyń mólsheri kózben sholyp jáne avıaJJM NQ boıynsha «tyrsyldatý» ádisimen anyqtalady.
AvıaJJM tazalyǵynyń deńgeıin kózben sholý arqyly tekserý synamalardy iriktep alý oryndarynda (JJM qoımalarynda, arnaıy kólikter turaǵynda, ushý alańdarynda) júrgizilýi múmkin.
Avıaotynnyń tazalyǵy iriktep alynǵan synamasy bar áınek sılındrdi (arnaýly ydystardy) jaryq sáýlesine qarata otyryp, kózben sholyp tekseredi. Otyn sapasynyń ındıkatorymen avıaotyndardyń tazalyq deńgeıin anyqtaý osy Qaǵıdalarǵa 10-qosymshada keltirilgen.
Maıda mehanıkalyq qospalardyń bolmaýy taza qurǵaq shyny ydysqa alynǵan jáne 1:4 ara qatynasynda B-70 benzıni nemese S-50/170 Nefras qosylǵan synamada tekseriledi.
54. AvıaJJM sapasynyń fızıka-hımııalyq kórsetkishteriniń taldaý nátıjeleri, eger olardyń mólsheri avıaJJM NQ-da normatıvtik qujattarmen belgilengen mánderdiń ruqsat etý sheginiń mólsherinen aspasa, qanaǵattanarlyq dep sanalady.
Tazalyqty tekserýdiń qanaǵattanarlyq nátıjeleri: kózben sholyp tekserý kezinde kórinetin lastaý bólshekteriniń, muz krıstaldarynyń, sý tamshylarynyń bolmaýy jáne/nemese OSI-diń sary qabatynda kem degende eki kókshil daqtyń, al aq qabatynda iz baqylaýdaǵydan ashyqtaý bolýy bolyp tabylady.
55. JJM zerthanasy oryndaǵan avıaJJM synamalaryn taldaý nátıjeleri osy Qaǵıdalarǵa 11-qosymshaǵa sáıkes nysan boıynsha Taldaýlardy tirkeý jýrnalyna engiziledi. Taldaýdyń rettik nómiri taldaýǵa kelip túsken synamanyń nómiri boıynsha synamalardy tirkeý jýrnalyna jazylady.
Jýrnaldyń «Qorytyndy» degen baǵanynda «AvıaJJM túri berýge jaramdy nemese jaramsyz» dep jazylady.
Maı qospalaryn nemese SKQ suıyqtyqtary qospalaryn taldaý kezinde maı qospasynyń markasy nemese SKQ suıyqtyqtary qospasynyń quramy kórsetile otyryp, «Qospa normatıvterine sáıkes keledi (sáıkes kelmeıdi)» dep jazylady.
Qorytyndyǵa taldaýdy oryndaǵan tehnık-zerthanashy jáne zerthananyń ınjener-basshysy nemese oǵan AAU basshysynyń ókimimen osy mindetter júktelgen basqa jaýapty tulǵa qol qoıady.
56. Synamalarǵa taldaý júrgizý kezinde jazbalar men esepteýler tehnık-zerthanashylardyń jumys jýrnalynda jazylady. Bul jazbalardy jeke paraqtarda júrgizýge jol berilmeıdi.
57. Jappaı anyqtaýlar (avıasııalyq kerosındegi SKQ suıyqtyǵynyń quramyn, avıamaılarda sýdyń bolmaýyn tekserý) nátıjelerin jazý úshin bólek jýrnaldar júrgizýge ruqsat etiledi. Arnaýly suıyqtyqtar taldaýlar tirkeý jýrnalynyń nysany osy Qaǵıdalarǵa 11-qosymshada keltirilgen.
58. Qabyldaý baqylaý kóleminde avıaJJM sapasyn taldaýdyń qanaǵattanarlyq nátıjeleri kezinde JJM zerthanasy Sapa pasportyn beredi. Sapa pasportyna zerthana basshysy (nemese ony aýystyratyn tulǵa), taldaýlardy júrgizgen oryndaýshy qol qoıady, jáne zerthananyń nemese JJMU-nyń mórimen kýálandyrady.
59. ÁK júıelerinen alynǵan avıaJJM-di taldaý avıaJJM-niń barlyq tehnıkalyq parametrleri boıynsha júrgiziledi. Eger baqylanatyn ólshemderdiń kólemine qol jetkizilmegen jaǵdaıda, synamalar AA-nyń bazalyq zerthanasyna zertteýge jiberiledi.
60. JJM zerthanasynda jumsalatyn jáne saqtalatyn avıaJJM-ge berilgen taldaýlardyń, sondaı-aq ýaqytsha áýeaılaqtar (tikushaq aılaqtary) men qoný alańshalaryna berilgen avıaJJM taldaýlarynyń jaramdylyq merzimderine baqylaý kestesi júrgiziledi.
61. AvıaJJM-dy ýaqytsha áýeaılaqtar (tikushaq aılaqtary) men qoný alańshalaryna jiberý kezinde JJM (JJMU) qyzmeti basshysynyń qolymen jáne mórimen kýálandyratyn jiberýshi uıymnyń JJM zerthanasy Sapa pasportynyń kóshirmesin beredi.
62. Synamalardy iriktep alý aktileri, sapa pasporty jáne sáıkestik sertıfıkattary, daıyndaýshynyń (ónim berýshiniń) pasporty, avıaJJM-niń ár partııasynan bir-bir danadan ónimniń osy partııasy jumsalǵannan keıin kem degende úsh aı ishinde zerthanada saqtalady.
63. Tehnık-zerthanashylardyń aýysymdyq jumysy kezinde zerthanada aýysymdardy tapsyrý jýrnaly júrgiziledi, onda erkin túrde mynadaı derekter jazylady:
1) kelip túsken avıaJJM jáne onyń sapalyq jaı-kúıi;
2) aýysym aıaǵynda aıaqtalmaı qalǵan synamalar taldaýy;
3) berý júrgiziletin avıaJJM markalary boıynsha shyǵys rezervýarlarynyń nómirleri;
4) avıaJJM-ǵa berilgen taldaý nómirleri;
5) zerthanalyq jabdyqtyń jaı-kúıi.
64. Tazartylǵan sýdy daıyndaý jáne sapasyn baqylaý tártibi osy Qaǵıdalarǵa 12-qosymshada keltirilgen.
Qazaqstan Respýblıkasynyń azamattyq avıasııa uıymdarynda avıasııalyq janar-jaǵarmaı materıaldary men arnaýly suıyqtyqtardy saqtaý, quıýǵa berýge daıyndaý jáne olardyń sapasyna baqylaý júrgizý qaǵıdasyna 1-qosymsha
Qazaqstan Respýblıkasy azamattyq avıasııa uıymdarynda avıaJJM-niń sapasyn baqylaý
BAQYLAÝ TÚRLERI
KIRIS QABYLDAÝ
Taldaýlar Tekserýler Merzim-diligi Qoımaǵa qabyldaý úshin negiz Taldaýlar Tekserýler Merzim-diligi Quıýǵa daıyndaý úshin negiz
1 2 3 4 5 6 7 8
AVIASIIаLYQ KEROSIN
Salmaqtyq tyǵyzdyǵy Qabyldaý rezervýa-ryndaǵy jáne jetkizý quralda-ryndaǵy tazalyǵy. Syrtqy túri. Ilespe qujat-tama. Daıyn-daýshynyń (ónim berýshiniń) pasporty Ár par-tııanyń kelip túsýi jáne ony qabyldaý kezinde Taldaý men tekserý-lerdi oryndaý nátıje-leri boıynsha sheshim Salmaqtyq tyǵyzdyǵy Fraksııalyq quramy. Tutqyrlyqtary. Qyshqyldary. Jabyq tıgeldegi otalý temperatýrasy. Krıstaldanýy bastalǵan kezdegi temperatý-rasy.* Naqty shaıyrdyń quramy. VKSh-nyń sýmen ózara is-qımyly Rezer-výardaǵy tazalyq. Taldaý nátıje-leriniń jáne daıyn-daýshynyń (ónim berýshiniń) paspor-tynyń jáne avıaJJM NQ-nyń sáıkes kelýi Toltyrý (qabyldaý) aıaqtalǵannan) keıin Basqa partııa ónimin ár ústemelep quıýdan keıin. 12 aıdan keıin. Sapa paspor-tynyń qorytyń-dysy
AVIASIIаLYQ BENZIN
1 2 3 4 5 6 7 8
Salmaqtyq tyǵyzdyǵy Qabyldaý rezervýaryn-daǵy jáne jetkizý qural-daryndaǵy tazalyǵy. Tústeri men ashyqtyǵy. Ilespe qujattama. Daıyńdaýshynyń (ónim berýshiniń) pasporty Ár partııanyń kelip túsýi jáne ony qabyldaý kezinde Taldaý men tekserýlerdi oryndaý nátıjeleri boıynsha sheshim Salmaqtyq tyǵyzdyǵy OEJ quramy. Fraksııalyq quramy. Naqty shaıyrdyń mólsheri. VKSh-nyń quramy Rezervýardaǵy tazalyq. Taldaý nátıjeleriniń jáne daıyndaýshynyń (ónim berý-shiniń) pasportynyń jáne avıa JJM NQ-nyń sáıkes kelýi Rezervýardy toltyrý (qabyldaý aıaqtalǵannan) aıaqtalǵannan keıin 12 aıdan keıin. Sapa pasportynyń qorytyndy sy
BAQYLAÝ TÚRLERI
QOIMALYQ ÁÝEAILAQTYQ
Taldaýlar Tekserýler Merzim-diligi Qoımaǵa qabyldaý úshin negiz Taldaýlar Tekserýler Merzim-diligi Quıýǵa daıyndaý úshin negiz
AVIASIIаLYQ KEROSIN
Salmaqtyq tyǵyzdyǵy Fraksııalyq quramy. Jabyq tıgeldegi otalý temperatýrasy. Sýda erigish qyshqyldardyń mólsheri Rezervýardaǵy tazalyq. Taldaý nátıjeleriniń ónimge avıaJJM NQ-ǵa jáne jaramdylyq taldaýyna sáıkes kelýi 6 aıdan keıin Taldaý nátıjeleri jýrnalyndaǵy qorytyndy Salmaqtyq tyǵyzdyǵy SKQJ-nyń mólsheri Shyǵys rezervýaryndaǵy, tazartý jáne quıý quralyndaǵy tazalyq. Osy Qaǵıdalardyń 4-bólimine sáıkes Baqylaý talonynyń bolýy
AVIASIIаLYQ BENZIN
Salmaqtyq tyǵyzdyǵy. Oktandyq san.** Fraksııalyq quramy. Naqty shaıyrdyń quramy. VKSh-nyń quramy Qabyldaý rezervýaryndaǵy jáne jetkizý quralyndaǵy tazalyǵy. Tústeri men ashyqtyǵy. Taldaý nátıjeleriniń jáne daıyndaýshynyń (ónim berýshiniń) pasportynyń avıaJJM NQ sáıkes kelýi 6 aıdan
keıin Taldaý nátıjeleri jýrnalyndaǵy qorytyndy Salmaqtyq tyǵyzdyǵy Shyǵys rezervýaryndaǵy, tazartý jáne quıý quralyndaǵy tazalyǵy. Osy Qaǵıdalardyń 4-bólimine sáıkes. Baqylaý talonynyń bolýy
1 2 3 4 5 6 7 8
AVIASIIаLYQ MAILAR
Salmaqtyq tyǵyzdyǵy Qabyldaý rezervýardaǵy jáne jetkizý quralyndaǵy tazaly ǵy. Tústeri men ashyqtyǵy. Taldaý nátıje-leriniń jáne daıyndaýshynyń (ónim berýshi niń) pasportynyń jáne avıaJJM NQ sáıkes kelýi Ár toptamanyń kelip túsýi jáne ony qabyldaý kezinde Taldaý men tekserýlerdi oryndaý nátıjeleri boıynsha sheshim Salmaqtyq tyǵyzdyǵy. Sýdyń mólsheri. Mehqospalar. Tutqyrlyǵy. Jabyq tıgeldegi(nemese jabyq) otalý temperatýrasy. Konsýemosttar.*** VKSh-nyń quramy Rezervýardaǵy tazaly
ǵy. Taldaý nátıjeleriniń daıyndaýshynyń (ónim berýshiniń) pasportyna nemese maı qospalary talaptaryna sáıkes kelýi Qabyldaý (rezervýardy toltyrý, maı qospalaryn daıyndaý kezin de) aıaqtalǵannan keıin. Basqa partııa ónimin ár ústemelep quıýdan keıin. 12 aıdan keıin. Sapa pasportynyń qorytyndysy
PLASTIKALYQ JAǴARMAILAR
Júrgizilmeıdi Ilespe qujattama. Daıyndaýshynyń (ónim berýshiniń) pasporty Ár toptamanyń kelip túsýi jáne ony qabyldaý kezinde Taldaý men tekserýlerdi oryndaý nátıjeleri boıynsha sheshim Syrtqy túri Sýdyń quramy. Mehqospa-lardyń quramy. Tamshylaý *** tempe ratýrasy. Erkin siltiler men organıkalyq qyshqyldardyń quramy. Kolıodti (eger TÝ-da kózdel se) turaqtyl yǵy. Ydystardy saqtaýy. Kepildik merzimi Ydystardyń tumshalanýy buzylǵan kezde Daıyndaýshynyń (ónim berýshiniń) pasporty. Sapa pasporty.
SKQ SUIYQTYQTARY
Salmaqtyqtyǵyzdyǵy. Sýdyń quramy. Erıtin lastaýshylardyń quramy. Erıtin metaldardyń quramy Syrtqy túri. Ilespe qujat-tama. Taldaý nátıjeleri men daıyndaýshy (ónim berýshi) pasportynyń sáıkes kelýi. Daıyndaýshynyń (ónim berýshiniń pasporty) Qabyldaý qubyrjolynda SQQS qaldyqtarynyń bolmaýy. Ár pasporttyńkelip túsýi jáne ony qabyldaý kezinde Taldaý men tekserýlerdi oryndaý nátıjeleri boıynsha sheshim Salmaqtyq tyǵyzdyǵy. Sýdyń quramy. Erıtin lastaýshylardyń quramy. Erıtin lastaýshylardyń bolýy. Erıtin metaldardy qosý quramy. Mehqospalar. Taldaý nátıjeleri men daıyndaýshy (ónim berýshi) pasportynyń sáıkes kelýi. Rezervýardy toltyrý aıaqtalǵannan (qabyldaý aıaqtalǵannan) keıin. Basqa partııa ónimin ústemelep quıýdan keıin. 6 aıdan keıin. Sapa pasportynyń qorytyndysy
AVIA MAILAR
Salmaqtyqtyǵyzdyǵy. Tutqyrly ǵy. Ashyq (jabyq) tıgeldegi otalý temperatýrasy. VKSh-nyń quramy Rezervýardaǵy tazalyǵy. Taldaý nátıjeleriniń TÝ, avıaJJM NQ talaptaryna nemese maı qospalary talaptaryna sáıkes kelýi. Jaramdylyq taldaýyna sáıkes kelýi. 6 aıdan keıin. Qabyldaý men qoımalyq baqylaýdy júrgizý arasyndaǵy aralyqta jumsalýy týraly sheshim qabyldaý kezinde. Jaramdylyq taldaýynyń qorytyndysy Salmaqtyq tyǵyzdyǵy. Shyǵys rezervýaryndaǵy (maı stansııasy boılerindegi) tazalyǵy, MQ. Baqylaý talonynyń bolýy.
PLASTIKALYQ JAǴARMAILAR
Júrgizilmeıdi Ydystardy saqtaýy. Kepildik merzimi. 10 kúnde 1 ret. Tekserýlerdi oryndaý nátıjeleri boıynsha sheshim Júrgizilmeıdi Júrgizilmeıdi Júrgizilmeıdi Daıyndaýshynyń (ónim berýshiniń) pasporty.
SKQ SUIYQTYQTARY
Salmaqtyqtyǵyzdylyǵy. Sýdyń quramy Syrtqy túri. Taldaý nátıjeleriniń ónimge avıaJJM NQ-ǵa jáne berýge jaramdylyq taldaýyna sáıkes kelýi 3 aıdan keıin. Qabyldaý men qoımalyq