Oblysta bala týý kórsetkishi artyp keledi
Bıylǵy jyldyń alǵashqy kúni-aq jambyldyq «kindik shesheler» dúnıe esigin ashqan 35 ul men 35 qyzdyń kindigin kesti.
Onyń ishinde Taraz qalasyndaǵy №1 perzenthanada - 15, perınataldyq ortalyqta - 10 sábı dúnıege kelgen. Al jyr alyby Jambyl atanyń atyn ıemdengen aýdannyń analary 14 náresteni ómirge ákelipti. Bala týý bul kúni basqa aýdandarda da tirkelgen.
Densaýlyq saqtaý basqarmasynyń málimeti boıynsha, ótken jyldyń on bir aıynda oblys boıynsha týý kórsetkishi burnaǵy jyldyń osy kezeńimen salystyrǵanda 23,6%-dan 23,8 %-ǵa joǵarylasa, bala ólimi 17,9 %-dan 16%-ǵa azaıǵan. Bul óńirdegi demografııalyq ahýaldyń jaqsaryp, jergilikti bılik tarapynan ana men bala kútimine erekshe kóńil bóline bastaǵanyn kórsetedi.
Kósemáli SÁTTIBAIULY, Jambyl oblysy.