«Jetinshi arna» jańasha jumys istemek

Jýyrda otandyq «Jetinshi arna»  telearnasynyń basshylyǵy baspasóz máslıhatyn ótkizip, oıyn-saýyq baǵ­darlamalaryn daıyndaıtyn álemdik je­tekshi uıym – Endemol kompanııa­synyń strategııalyq áriptesi «VaıT Medıa» kompanııasymen uzaq merzimdi kelisim jasaǵandary jóninde ha­bar­lady. Osy kelisim boıynsha  «Jetinshi arnanyń» jalpy strategııasy men habar taratý mánerinde ózgeris­ter bolmaq. Sondaı-aq, «Jetinshi arna» óziniń logotıpin, fırmalyq stılin ózgertip, aýqymdy respýblıkalyq jarnama naý­qanyn ótkizedi. Maqsaty myna­daı: «Jetinshi arnamen birge ózgeretin kez keldi». Bul degenińiz, álemdik stan­dartqa sáıkes qurylym tańdaǵan telearna óz  kórer­menderiniń de sol deńgeıde bolǵanyn qalaıdy degen sóz. «Jetinshi arna» dırektorlar ke­ńesi­niń tóraıymy Bıbigúl Jeksen­baıdyń aıtýynsha, «VaıT Medıa», sol arqyly Endemol-men áriptestik «Jetinshi arnanyń» damý tujyrym­dama­syna engizilgen sátti bastama. «Endi efırge 80 paıyz jańa kontent shyǵady. Bul qazaq­standyq rynokqa joldama alǵan sý jańa baǵdarlamalar bolmaq, al elimiz úshin arnaıy daıyndalatyn telejoba­lardy da osy jyly kórsete bastaımyz. Telekontent óndirisi elimizde endi ǵana damı bastady. Ulttyq fılmder men baǵdar­la­malardyń úlesi asa iri telearnalar efıriniń 20 pa­ıyzyna da jete almaıdy. Sondyqtan biz teleóndiris salasynda saraptama júr­gizý sheberligin meńgergen jáne jobalardy efırge shy­ǵarýdyń ár­taraptandyrylǵan portfelin ıelengen senimdi áriptestermen uzaq merzimdi kelisim jasaýǵa sheshim qabyl­dadyq» – deıdi Bıbigúl Jeksenbaı. «Jetinshi arna» bizge seriktes bolý arqyly 2011 jylǵa josparlap otyrǵan jańa jobalarymyzǵa qol jetkizip otyr. Sondaı-aq, «VaıT Medıa» endi tuńǵysh ret ulttyq tele­ónim jasaýǵa aralasady. Kórermen­niń óz otanynyń, óz ultynyń kontentine qyzyǵýshy­lyǵy álemdik úrdis bolyp tabylady. Máselen, Reseıde jergilikti teleónim­derdiń úlesi asa joǵary deńgeıde, ıaǵ­nı 80 paıyzǵa jýyq. Al, Qazaq­stanǵa ondaı kór­setkishke jetý úshin biraz ýaqyt kerek»-dedi «VaıT Medıa­nyń» bas prodıýseri Tımýr Vaınshteın. Al, Endemol Group bas dırektory Marına Ýlıamstiń sózine sensek, Orta­lyq Azııanyń, onyń ishinde Qazaq­stan­nyń televızııalyq rynogy óte tar­tym­dy. О́sý qarqyny jaǵynan biz eýro­palyq rynoktan 50 paıyz alda keledi ekenbiz. «Alaıda, álemdik tele­vızııa­lyq rynok­tyń oıynshylary úshin Qazaq­stan áli de tolyq ıgerilmegen aýmaq bolyp qa­lyp otyr. Sondyqtan jas ári qar­qyndy damyp kele jatqan «Jetinshi arnamen» áriptestik ornatý, meniń oıym­sha, barlyq qazaqstandyq rynok úshin eleýli oqıǵa ári sapaly telehabar taratýdyń jańa deńgeıine kóshý» – deıdi ol. Aıgúl SEIILOVA.