Qazaqstan Respýblıkasy Úkimetiniń qaýlysy

2010 jylǵy 30 jeltoqsan    №1449    Astana, Úkimet Úıi Kelisim-shart boıynsha jumystardy oryndaý úshin qajetti Qazaqstan Respýblıkasynyń aýmaǵyndaǵy ǵylymı-zertteý jáne tájirıbelik-konstrýktorlyq jumystarǵa arnalǵan shyǵystardy aıqyndaý qaǵıdasyn bekitý týraly «Jer  qoınaýy  jáne  jer  qoınaýyn  paıdalaný  týraly»  Qazaqstan Respýblıkasynyń   2010   jylǵy   24   maýsymdaǵy   Zańynyń 16-babynyń 62) tarmaqshasyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan Kelisim-shart boıynsha jumystardy oryndaý úshin qajetti Qazaqstan Respýblıkasynyń aýmaǵyndaǵy ǵylymı-zertteý jáne tájirıbelik-konstrýktorlyq jumystarǵa arnalǵan shyǵystardy aıqyndaý qaǵıdasy bekitilsin. 2. Osy qaýly alǵashqy resmı jarııalanǵan kúninen bastap qoldanysqa engiziledi. Qazaqstan Respýblıkasynyń    Premer-Mınıstri    K.MÁSIMOV.

Qazaqstan Respýblıkasy Úkimetiniń

2010 jylǵy 30 jeltoqsandaǵy  №1449

qaýlysymen bekitilgen

Kelisim-shart boıynsha jumystardy oryndaý úshin qajetti Qazaqstan Respýblıkasynyń aýmaǵyndaǵy ǵylymı-zertteý jáne tájirıbelik-konstrýktorlyq jumystarǵa arnalǵan shyǵystardy aıqyndaý qaǵıdasy 1. Jalpy erejeler 1. Osy Kelisim-shart boıynsha jumystardy oryndaý úshin qajetti Qazaqstan Respýblıkasynyń aýmaǵyndaǵy ǵylymı-zertteý jáne tájirıbelik-konstrýktorlyq ju­mys­tarǵa arnalǵan shyǵystardy aıqyndaý qaǵıdasy (budan ári – Qaǵıda), «Jer qoınaýy jáne jer qoınaýyn paıdalaný týraly» Qazaqstan Respýblıkasynyń 2010 jylǵy 24 maýsymdaǵy Zańyna (budan ári – Zań) sáıkes ázirlendi. 2. Osy Qaǵıdada Zańda belgilengen uǵymdar, sondaı-aq mynadaı uǵymdar qoldanylady: 1) paıdaly qazbalardy barlaý men óndirý kezindegi ǵylymı-zertteý jumystary – jańa ǵylymı nemese teh­nıkalyq bilimder men uǵymdar alý maqsatynda júr­giziletin biregeı nemese josparlanǵan zertteýler; 2) paıdaly qazbalardy barlaý men óndirý kezindegi tájirıbelik-konstrýktorlyq jumystar – ǵylymı-zert­teý nemese basqa da bilimderdiń nátıjelerin qol­daný negizinde jańa jáne neǵurlym jetildirilgen materıal­dardy, mehanızmderdi, ónimderdi, tehnologııalardy, jú­ıelerdi nemese qyzmetterdi kommersııalyq óndirý bastalǵanǵa deıin olardy josparlaý jáne jobalaý. 3. Qaǵıda quzyretti organ men oblystyń, respýb­lı­kalyq mańyzy bar qalanyń, astananyń jergilikti at­qarýshy organynyń kelisimshart boıynsha jumystar­dy oryndaý úshin qajetti Qazaqstan Respýblıkasynyń aý­maǵyndaǵy ǵylymı-zertteý jáne tájirıbelik-konstrýktorlyq jumystarǵa (budan ári – ǴZTKJ) arnalǵan shyǵystardyń shamasyn aıqyndaý tártibin belgileıdi. 4. Qaǵıda ónerkásiptiń óndirý salalaryndaǵy paı­daly qazbalardy barlaýmen, óndirýmen baılanysty ǴZTKJ-nyń barlyq túrlerine qoldanylady. 5. ǴZTKJ-ge arnalǵan shyǵystar: 1) paıdaly qazbalardy barlaý, óndirý kezinde jańa teh­nologııalar men ádisterdi ázirleýdi nemese qoldanys­taǵylaryn jaqsartýdy; 2) osy zertteýler nátıjesinde alynǵan ǵylymı nemese tehnıkalyq bilimderdi praktıkada qoldanýdy qam­tıdy. 2. ǴZTKJ-ge arnalǵan shyǵystardy aıqyndaý tártibi 6. Quzyretti organ kelisimshart boıynsha jumys­tardy oryndaý úshin qajetti jáne jer qoınaýyn paıdalaný quqyǵyn alý konkýrsynyń shartyna qosylatyn Qazaqstan Respýblıkasynyń aýmaǵyndaǵy ǴZTKJ-ge ar­nalǵan shy­ǵystardy aıqyndaý kezinde paıdaly qaz­balardyń qoryn jáne (nemese) kelisim-shart aýmaǵynyń aý­danyn eskeredi. 7. Kómirsýtek shıkizatyn barlaýǵa ǴZTKJ-ge arnal­ǵan shyǵystar somasy mynadaı formýla boıynsha anyq­talady: P = (l,5 AEK x S), munda: R – kómirsýtek shıkizatyn barlaýǵa ǴZTKJ-ge arnal­ǵan shyǵystar somasy; S – ken ornynyń aýdany, sharshy kılometrmen. 8. Kómirsýtek shıkizatyn óndirýge ǴZTKJ-ge arnal­ǵan shyǵystar somasy mynadaı formýla boıynsha anyq­talady: R = (Q h 0,04 %) + (Qa h 0,01 %), munda: R – kómirsýtek shıkizatyn óndirýge ǴZTKJ-ge ar­nalǵan shyǵystar somasy; Q – Paıdaly qazbalar qorlary jónindegi memlekettik komıssııa (budan ári – QMK) bekitken kómirsýtek shıkizatynyń jıyntyq qorlarynyń quny; Qa – aldyn ala baǵalanǵan S sanatyndaǵy qorlardyń jıyntyq quny. 9. Qatty paıdaly qazbalardy barlaýǵa ǴZTKJ-ge arnalǵan shyǵystar somasy mynadaı formýla boıynsha anyqtalady: R = 1 AEK h S, munda: R – qatty paıdaly qazbalardy barlaýǵa ǴZTKJ-ge ar­nalǵan shyǵystar somasy; S – ken ornynyń aýdany, sharshy kılometrmen. 10. Qatty paıdaly qazbalardy óndirýge ǴZTKJ-ge arnalǵan shyǵystar somasy mynadaı formýla boıynsha anyqtalady: R = (Q h 0,01 %) + (Qa h 0,005 %), munda: R – qatty paıdaly qazbalardy óndirýge ǴZTKJ-ge ar­nalǵan shyǵystar somasy; Q – QMK bekitken qatty paıdaly qazbalardyń jıyn­tyq qorlarynyń quny; Qa – aldyn ala baǵalanǵan S sanatyndaǵy qorlardyń jıyn­tyq quny. 11. Keń taralǵan paıdaly qazbalardy qospaǵanda, paıdaly qazbalardyń jıyntyq qorlarynyń quny ınflıasııa eskerile otyryp túzetilgen jumys baǵ­dar­la­ma­synda kórsetilgen barlyq kezeńde óndirýge jumsalǵan jalpy shyǵyndardyń somasy retinde aıqyndalady. 12. Keń taralǵan paıdaly qazbalardy, jerasty sý­lary men emdik balshyqtardy barlaýǵa ǴZTKJ-ge ar­nalǵan shyǵystar somasy mynadaı formýla boıynsha anyqtalady: R – 0,5 AEK h S, munda: R – keń   taralǵan   paıdaly   qazbalardy,   jerasty   sý­lary  men   emdik balshyqtardy barlaýǵa ǴZTKJ-ge ar­nalǵan shyǵys­tar somasy; S – ken ornynyń aýdany, sharshy kılometrmen. 13. Keń taralǵan paıdaly qazbalardy, jerasty sý­lary men emdik balshyqtardy óndirýge ǴZTKJ-ge arnalǵan shyǵystar somasy mynadaı formýla boıynsha anyqtalady: R = Q h 0,01 %, munda: R – keń taralǵan paıdaly qazbalardy, jerasty sýlary men emdik balshyqtardy óndirýge ǴZTKJ-ge arnalǵan shyǵystar somasy; Q – A, V, S1 ónderkásiptik sanattary boıynsha mıneraldyq shıkizattyń QMK bekitken jıyntyq qorynyń quny. 14. Strategııalyq mańyzy bar jer qoınaýy ýchaskeleri men ken oryndarynda paıdaly qazbalardy barlaýǵa jáne (nemese) óndirýge ǴZTKJ-ge arnalǵan shyǵystar somasy barlaýǵa jáne (nemese) óndirýge jumys baǵdarlamasynda belgilengen shyǵyndardan paıyzdyq araqatynasynda kórsetiledi. 15. Jer qoınaýyn paıdalaný kelisim-shartynyń talaptary boıynsha konkýrs jeńimpazymen kelissózder júrgizý kezinde ǴZTKJ-ge arnalǵan shyǵystar somasy bóliginde konkýrstyq usynystyń sharttary azaıtýǵa jatpaıdy.