ASTANA. 13 mamyr. Úndistannyń shyǵysyndaǵy Batys Bengalııa shtatynda úılený toıy kezinde jol apatynan 8 adam qaza tapty. Bul týraly RIA «Novostı» aqparat agenttigine silteme jasaǵan egemen.kz tilshisi habarlady.
DNA basylymynyń aqparyna súıener bolsaq, jol-kólik oqıǵasy Batys Mıdnapýr okrýginde boldy. Polısııa qyzmetkerleri úılený toıy kezinde meımandar mingen pıkap avtomobıli jol jıegindegi aǵashqa soǵylyp, aýdarylyp qalǵan. Saldarynan 6 adam oqıǵa ornynda qaza tapsa, 2 adam aýrýhanaǵa barar jolda qaıtys bolǵan.
Al kúıeý jigit pen qalyńdyq basqa kólikte bolǵandyqtan zardap shekpegen.
Aıta keteıik, atalǵan memleket jol apaty men osydan qaza tabýshylar kórsetkishi boıynsha álemde aldyńǵy elderdiń qatarynda tur. Beıresmı málimetter boıynsha, Úndistanda jylyna 200 myńǵa jýyq adam jol-kólik oqıǵasynan opat bolyp, júzdegen myńy túrli deńgeıde jaraqat alady.
Aıan Ábdýálı.
Derek, foto: RIA «Novostı».